Entradas recentes

CAMPO A TRAVÉS 2022

Sáb, 17/12/2022 - 00:39 — admin

Na mañá do xoves 15 de decembro celebrouse nas instalacións de Monterrey a Fase previa do Campionato Escolar de Campo a Través. Acudimos con 100 atletas, dos que resaltamos un bo rendemento en todas as categorías. Participamos en benxamín, alevín e infantil masculino e feminino.

Compre destacar o 1º e 4º postos de Irene Soto Pérez e Daniela Ramos Castro en Benxamín feminino; o 4º posto para Hugo Fernández Pérez en Benxamín masculino; o 4º posto para Ángel Orbán Vieitez en Alevín masculino e o 3º posto para Sofía González Silva en infantil feminino.

Podedes consultar a clasificación no PDF adxunto.

Parabéns a todos os participantes, e a preparar con ilusión o Cross do próximo curso!!!

157 lecturas

ADORNOS DE NADAL CON BARRO

Sáb, 17/12/2022 - 00:16 — admin

Para elaborar adornos de Nadal trouxemos a un alfareiro que dirixiu un obradoiro polo que pasaron tod@s @s alumn@s do colexio. Con barro de Buño e moldes variados elaboraron os adornos que logo decoraron. Nesta actividade colaborou a ANPA do centro.

149 lecturas

PRIMARIA PATINANDO SOBRE O XEO!

Ven, 16/12/2022 - 23:57 — admin

@s alumn@s de 1º a 6º de Primaria asistiron á pista de patinaxe sobre xeo que está situada no Centro Comercial Pontevella. Contamos coa colaboración da ANPA nesta actividade. Mirade que ben o pasamos!!

98 lecturas

BIBLIOTECA: 25N

Xov, 01/12/2022 - 16:22 — admin

Dende o equipo de biblioteca fixemos a seguinte proposta para conmemorar o 25-N:

• Habilitamos un punto de lectura violeta con libros de temática inclusiva e sobre a importancia do papel das mulleres na sociedade.

• Durante quince días os rapaces podían levar libros seleccionados no punto.

• Dentro de cada libro atopaban pequenas sorpresas en forma de bolboretas con letras.

• Cada letra correspondíase cun número do mural que iamos construir entre todo o alumnado de primaria.

• A idea era completar un pequeno manifesto contra todo tipo de violencia, especialmente aquela que vai contra as mulleres.

• Cando completamos a mensaxe colocámola no punto de lectura violeta, que funcionará uns días máis segundo sexa o interese amosado polo alumnado.

133 lecturas

25N: NON Á VIOLENCIA DE XÉNERO

Sáb, 26/11/2022 - 21:38 — admin

Seguimos a facer visible neste día a loita contra a violencia de xénero. Elaboramos catro murais, NON Á VIOLENCIA, IGUALDADE, INCLUSIÓN e TOLERANCIA. Construímolos coa aportación de tod@s @s alumn@s, simbolizando a aportación individual para conseguir o obxectivo colectivo, que tamén nos guía como lema de traballo: *“ Respectar as diferenzas, que nos enriquecen, fomentar o respecto, que nos une.”*

135 lecturas

XOGANDO AO ATLETISMO EN SPORTUR

Ven, 25/11/2022 - 17:31 — admin

O24 de novembro participamos na actividade "Xogando ao atletismo", que se celebrou en Expourense, coincidindo con Sportur. Asistimos cos alumn@s de 4º e 5º de Primaria, que competiron nas modalidades de velocidade individual, lanzamento de balón medicinal, lanzamento de vórtex, salto lateral e relevos. Ademais puidemos visitar os expositores e actividades deportivas que se promocionaban en Sportur.

A participación foi todo un éxito, tanto polos resultados como polo clima de participación e "competición sen presión", na que todos acadamos o obxectivo de PARTICIPAR!!!

126 lecturas

SAN MARTIÑO 2022

Ven, 25/11/2022 - 16:47 — admin

Moit@s atletas do CEIP Curros Enríquez participaron na última edición da "San Martiño", que se celebrou o pasado 20 de novembro. Noraboa a tod@s @s participantes nesta festa do deporte.

131 lecturas

ENDLG: "QUERO CONTARCHE UN CONTO"

Lun, 14/11/2022 - 18:12 — admin

Fai clic na imaxe para ver a proposta do Equipo de Normalización Lingüística.

O Equipo de Dinamización da Lingua Galega do CEIP Curros Enríquez desenrolará a actividade interxeracional “Quero contarche un conto”. Esta actividade achegará a nosa tradición literaria oral aos nenos e nenas, fomentando o uso do galego, á vez que se estreitan os lazos familiares, poñendo en valor a figura dos nosos maiores.

Para o seu desenvolvemento precisamos da axuda de avós, avoas, bisavós e bisavoas dos nosos nenos. A súa participación consistirá en contar un conto ou unha lenda en galego aos nosos alumnos en horario lectivo.

Os interesados deberán cubrir o seguinte impreso e cada alumno/a entregarallo ao seu titor ou titora.

Nome do relator:

Nome do alumno/a e curso:

Grao de parentesco co alumno/a:

Título do conto ou lenda:

Teléfono de contacto:

Moitas grazas pola súa colaboración.