O día 24 de febreiro adicámoslle o día a Rosalía de Castro, xenial escritora pioneira da poesía e o pensamento feminista. Rosalía está máis viva que nunca na nosa sociedade galega e a súa popularidade non deixa de medrar. Neste día lembramos que a Fábrica Nacional da Moeda e Timbre adícoulle no ano 1979 o billete de cincocentas pesetas, nel aparece no anverso, a sua imaxe, e no reverso, un fragmento da sua obra Follas Novas. Con tal motivo no CEIP CURROS ENRÍQUEZ, elaboramos conxuntamente, alumnado e profesorado, un billete con 500 fermosas verbas da nosa lingua galega, lingua que tanto defendeu a poetisa.
A pomba leva no peteiro a bola do mundo na que están representad@s tod@s @s nen@s do colexio, para que todo o ano apliquen os valores que recordamos este día, a paz e a convivencia cordial e inclusiva como motor da educación e o progreso persoal e colectivo.
Tod@s @s alumn@s do centro participaron na elaboración dos lemas contra a violencia de xénero, que colocamos no soportal da entrada para facer visible esta loita na que seguimos dende o noso ámbito.
O magosto é unha das festas tradicionais que non perdoamos cada curso, e que se presta para facer traballos na aula, xogos no patio e incluír aos escornabots nun xogo relacionado coas castañas. En definitiva, unha festa por todo o alto, que este curso desfrutamos máis que nunca. Mirade que fotos e vídeos!!!
Pantasmas, bruxas, arañas...fixeron aparición no cole para celebrar o Samaín. Pasámolo de medo, mentres nos observaban todos estes seres terroríficos.Coa colaboración da ANPA puidemos disfrutar en Infantil e 1º de Primaria dun contacontos no que os protagonistas foron os espíritos dos castrexos de Santomé; e o resto de Primaria do túuuunel do terroooor!!!
O pasado venres 6 de marzo @s alumn@s de Curros Enríquez asistiron ao acto conmemorativo do Día Internacional da Muller que organizou a Subdelegación do Goberno. @s nos@s alumn@s interpretaron con lingua de signos a canción de Rozalén "La puerta violeta".
Como cada 30 de xaneiro, dende o ano 1964 e coincidindo co aniversario do asasinato de Mahatma Gandhi (30 de xaneiro de 1948), celébrase nos centros de ensino o Día escolar da Non-Violencia e da Paz.
O seu obxectivo é a educación en e para a tolerancia, a solidariedade, a concordia, o respecto aos Dereitos Humanos, a Non-Violencia e a Paz. Neste día, os centros educativos convértense en instrumentos de paz e entendemento entre persoas de distinta formación, raza, cultura e relixión.
Mirade que traballos fixemos para conmemorar este día!!
Dende o ano 2000 a Asemblea Xeral da ONU designou o 25 de novembro como o Día Internacional contra a Violencia de Xénero. A Comunidade Educativa do noso centro participa na conmemoración deste día aportando o seu gran de area. Este curso representamos no patio o lazo morado con tod@s @s alumn@s, como símbolo desta loita.
Neste trimestre @s alumn@s de Curros participaron en varios Obradoiros sobre "Igualdade" (Infantil e Primaria), "Seguridade e saúde" (3º e 4º) e "Acoso escolar e ciberbullying" (5º e 6º), que se desenvolveron no centro. Tratamos de incidir nos aspectos máis importantes para facer a convivencia no colexio todavía mellor.