Marcha pola Paz 2024 (2ªedición)
O martes 30 de xaneiro celebramos o Día da Non Violencia e Da Paz. Comezamos cunha andaina arredor do centro acompañados das familias do noso alumnado. Esta é a segunda edición e esperamos poder realizar moitas máis.
Moitas grazas por acompañarnos!
De volta ao cole alumnado e profesorado fomos ao campo de herba escoitar un manifesto pola paz escrito polos nenos e nenas de sexto curso de primaria.
Por outra banda, o alumnado de cuarto tamén leu o seu propio manifesto e recitaron os versos da canción Imagine de John Lennon, en inglés e en galego.
Finalmente, todos os rapaces e rapazas acompañados dos mestres/as fixemos un baile ao ritmo da canción de Mama Cabra "Baile da Paz".
Alumnado de 6º de Educación Primaria > reserva de praza no IES adscrito
Aberto o prazo para a reserva de praza do alumnado de 6º curso de Educación Primaria no IES Monte da Vila.
Prazo: do 15 de xaneiro ao 5 de febreiro
Podedes consultar a información no seguinte enlace:
As solicitudes de reserva podense cumprimentar de dúas maneiras:
- De xeito manual, empregando o formulario en papel (arquivo adxunto).
- A través da aplicación: solicitudes > reserva > crear
Presentación das solicitudes:
- No centro educativo (en horario de 9 a 9.35, de 11.15 a 12.05 e de 13.45 a 15.45h).
- A través da sede electrónica (será necesaria a Chave365 ou o certificado dixital).
O comportamento da aplicación depende de se a solicitude se cobre estando identificado ou non:
Usuarios sen identificar: unha vez introducidos todos os datos deberán premer no botón crear , aparecendo unha mensaxe que permite descargar a solicitude e o anexo I que deberán presentar no centro educativo.
Usuarios identificados: unha vez gravada a solicitude na aplicación, aparecerán as opcións para presentar e asinar a solicitude na sede electrónica ou para descargar o informe (solicitude) e presentalo no centro educativo.
Pinchando no arquivo adxunto podedes descargar a solictude para cubrir de maneira manual.
*O alumnado que teña intención de estudar noutro instituto diferente terá que esperar a que se abra o proceso ordinario de admisión (xeralmente a partir do 1 de marzo) e terán que recoller os impresos de solicitude no instituto elixido.
CONCURSO PILABOT
Este curso imos participar no concurso PILABOT promovido pola Xunta de Galicia, Ecopilas, ERP e Ecolec, no que os centros teñen que recoller o maior número posible de pilas ou acumuladores.
Pregamos que nos axudedes para poder conseguir premios que nos permitan a adquisición de material para o centro así como a realizacion de actividades educativas.
**Pinchando no arquivo adxunto podedes ampliar a información.
Grazas a todos/as pola vosa colaboración!!!
SAMAÍN
Día das bibliotecas
![](/centros/ceipconmeninho/?q=system/files/u2/Mascota%20biblioteca.png)
O telexornal de Conmeniño
Presentamos a primeira edición do Telexornal do Conmeniño para iniciar o proxecto deste curso:
CONMENIÑO OLÍMPICO: XUNTOS CARA A META!
Formalización da matrícula 23/24
FORMALIZACIÓN DA MATRÍCULA 23/24 |
PRAZO: entre o 20 e 30 de xuño |
Documentación a entregar:
* Impreso de formalización da matrícula (Anexo III-1).
* Cuestionario sobre a lingua materna.
* Fotocopia do libro de familia onde aparezan todos os membros da unidade familiar.
* Certificado de empadroamento onde aparezan todos os membros da unidade familiar.
* Fotocopia do DNI das persoas proxenitoras ou titores/as legais.
* Informe médico asinado polo/a pediatra.
* Fotocopia da tarxeta sanitaria do alumno/a.
* Fotocopia da folla sanitaria das vacinas.
* Dúas fotos tamaño carné co nome por detrás.
* De ser o caso, convenio ou sentenza onde se acredite a custodia do alumno/a.
O impreso III-1 e o cuestionario sobre a lingua materna podedes descargalos nos arquivos adxuntos ou recollelos na Secretaría do centro no seguinte horario:
De 10.00 a 13.00h.
*Neste horario tamén poderedes entregar a documentación solicitada.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »