Adxuntamos folleto informativo sobre o PROXECTO ABALAR: EDUCACIÓN DIXITAL INNOVADORA de interese para o alumnado de 5º de Primaria.

O primeiro de todo é recordar que tanto o alumnado como o profesorado do centro vai estar organizado en 3 grandes BLOQUES que farán uso do mesmo espazo (corredores, baños…) sempre gardando a distancia interpersoal e evitando, ao máximo, o contacto con outros bloques:

• BLOQUE Infantil
• BLOQUE 1º, 2º e 3º: Aulas da planta de abaixo
• BLOQUE 4º, 5º e 6º: Aulas da planta de arriba

Ademais dentro de cada bloque, formaranse os grupos estables de convivencia por curso, é dicir, cada aula formará un GRUPO ESTABLE DE CONVIVENCIA.

ENTRADAS: Non se permitirá o acceso ao recinto escolar dos proxenitores, a excepción de infantil.

• Infantil: Entran ás 9:15h, acompañados por un so proxenitor ata a porta do centro, sempre con máscara e respectando a distancia de seguridade.
• 1º, 2º e 3º de Primaria: A partires das 9:00h pola cancela de abaixo.
• 4º, 5º e 6º de Primaria: A partires das 9:00h pola cancela de arriba.

* A partires das 9:00h tamén poderá entrar o alumnado de infantil que teña irmáns en Primaria.
* No caso de ter fillos en distintos bloques, o acceso será pola cancela que lle corresponda ao irmán menor.

SAÍDAS: Soamente poderán entrar ao recinto escolar os proxenitores/responsables que teñan que recoller ao alumnado de infantil.

• Infantil: O alumnado de infantil comezará a saír por quendas a partires das 13:45h na porta do centro e será recollido por un proxenitor.
• 1º, 2º e 3º de Primaria: Comezarán a saír por quendas a partires das 14:00h pola cancela de abaixo (CEMITERIO).
• 4º, 5º e 6º de Primaria: Comezarán a saír por quendas a partires das 14:15h pola cancela de arriba.

* O alumnado de infantil terá que ser recollido na porta do centro á hora que lle corresponda, independentemente de que teñan irmáns noutro bloque.
* Os proxenitores que teñan varios fillos en infantil esperarán na porta do centro sempre gardando a distancia interpersoal.
* No caso de ter fillos en distintos bloques de primaria, a saída será pola cancela que lle corresponda ao irmán menor, pero sempre respectando o horario que lle corresponda no seu bloque.

Pregamos puntualidade e agradecemos enormemente a compresión neste difícil comezo de curso para todos e todas.

Un saúdo. O claustro

Enviamos adxunto o documento coas tarifas actualizadas do servizo de comedor.

Un saúdo. ANPA O Xunqueiro

Remitimos adxunto o documento de Declaración Responsable que debedes traer cuberto o antes posible.

Un saúdo. Grazas

AVISO ANPA: SERVIZO DE COMEDOR

Para unha convivencia segura durante o servizo de comedor, tomaranse as seguintes medidas de hixiene e prevención:

• O comedor estará organizado do mesmo xeito que durante o horario lectivo respectando os 3 grandes bloques de convivencia.
• O alumnado ocupará o mesmo sitio durante todo o curso.
• As mesas estarán separadas segundo a distancia marcada polos protocolos da Consellería de Educación.
• Por prevención e durante este curso, o cepillado de dentes realizarase na casa.
• Os baños estarán equipados con xabón e secador de mans, así como dispensadores de hidroxel.
• A recollida do alumnado realizarase pola porta de abaixo (cemiterio) do seguinte xeito: Antes de entrar ao recinto escolar, deberase chamar ao telefonillo da cancela e soamente se poderá pasar cando a monitora o indique. Desta forma evitaremos a aglomeración tanto de nenos coma de proxenitores.

Un saúdo. ANPA O Xunqueiro

A partires do luns 14 dará comezo o servizo de:

• Plan Madruga (7:30 - 9:15h)
• Comedor (Horario de recollida 15:45 - 16:15h)

É importante ser puntuais no horario de recollida xa que as monitoras só teñen horario ata ás 16:15 e non hai servizo de biblioteca este mes de setembro.

Un saúdo e un bo comezo neste curso tan atípico que imos comezar.

ANPA O Xunqueiro

Información ás familias do departamento de orientación do CEIP Chancelas

Aberto o prazo de solicitudes de bolsas do MEC para ALUMNADO CON NECESIDADE EDUCATIVA DE APOIO EDUCATIVO para o curso 2020-21. 

Mais información no documento adxunto