No noso colexio queremos achegar a cultura e tradición popular galega á nosa Comunidade Educativa, e moi especialmente ao noso alumnado a través da realización de diversas actividades.
QUE É O SAMAÍN?
Temos que ter en conta que o termo Samaín é un préstamo do gaélico-irlandés para unificar as diferentes denominacións existentes arredor deste festexo tradicional como pode ser Noite dos Calacús, Noite dos Mortos, Noite das Ánimas ou incluso Magosto, o cal se pensa que é o herdeiro directo desta festividade. Así e todo, o nome máis popular e con maior presenza ao longo dos séculos é Defuntos ou Noite das Ánimas.
Aínda que na actualidade moitas tradicións case desapareceron, hai testemuñas orais e documentación escrita que recollen a súa presenza na sociedade galega ata os anos 80 e 90.
Antonio Reigosa, escritor de moitos libros e divulgador da mitoloxía e cultura popular galega considera que o que hoxe chamamos Samaín é, probablemente, anterior á celebración católica dos mortos. Ten orixe precristiá, asentada na cultura celta do arco atlántico. "É o momento do ciclo anual no que decae a produción, recóllense os froitos, vén o frío, chega o inverno, a escuridade... o momento idóneo de irnos preparando para o futuro, para ese día no que seremos ánimas como o son agora os devanceiros" (1)
Pouco a pouco o carácter da celebración tornou máis festivo e tamén se xuntou coa celebración de Halloween.
Por estes motivos convidámosvos a vir caracterizados o vindeiro mércores, 30 de outubro de 2024 e a vivir con nós unhas experiencias de aprendizaxe aterradoramente divertidas. Entre elas o alumnado, dependendo do ciclo, poderán gozar de:
- Obradoiro de Escritura Creativa: RELATOS DO SAMAÍN
- Obradoiro "O meu monstro de Samaín"
- Decoración de cabazas e creacións artísticas con materiais de refugallo.
Aquí vos deixamos uns recursos para aprender, saber máis e divertirvos!
Ligazóns:
- Música para o Samaín: https://view.genially.com/6154b74bdc9d800dfeae9ac9/interactive-content-top-samain
- Xogos de Samaín: https://view.genially.com/615c79f397fe1c0de3a371ad/presentation-xogos-samain
- Video didáctico: https://vimeo.com/31461269
Contos:
- “Corre corre cabaciña”: https://youtu.be/Eiypr98wXWE?feature=shared
- “Fiz, o coleccionista de medos”: https://youtu.be/a77SG0RhJ54?feature=shared
(1) Fontes de información: galiciaencantada.com, orgullogalego.gal e lingua.gal
| Adxunto | Tamaño |
|---|---|
| Samaín.jpg | 356.2 KB |
| 9788411100724-dicionario-dos-seres-miticos-galegos.jpg | 479.67 KB |
