Segundo as Instrucións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia, os equipos docentes adaptarán a programación didáctica de todos os cursos e áreas identificando as aprendizaxes e competencias imprescindibles que servirán como referentes para o deseño das actividades de recuperación, repaso e reforzo e, no seu caso, ampliación que se desenvolvan durante o terceiro trimestre.
A avaliación final das aprendizaxes do alumnado durante o curso 19/20 considerará en conxunto as avaliacións de todo o curso. Realizarase sobre as aprendizaxes desenvolvidas nos dous primeiros trimestres así como as actividades do terceiro trimestre, sempre e cando beneficie ao alumnado, polo que a avaliación destas actividades realizadas na fase non presencial so poderá ter valor positivo para a súa cualificación.
Quedan publicadas cada unha das programacións adaptadas dos cursos e materias, na barra lateral esquerda, para a súa consulta.
