Boas familias!
Un ano máis o noso centro organiza a Carreira Solidaria “Corre Por Nós”; nesta ocasión imos participar na XIX Edición quilómetros de Solidariedad co obxectivo de recadar diñeiro para o fondo de emerxencias da ONG Save the Children para apoiar aos nenos e nenas vítimas de conflitos.
A carreira celebrarase o xoves 30 de maio ás 11:30 h. nas pistas de atletismo de San Cibrao (Campo de fútbol A Veiga), grazas á colaboración do Concello de Cervo que nos proporciona o transporte e cédenos as instalacións. As familias estades convidadas como público!
Enviamos hoxe polo alumnado os Carnés dos Corredores para que cada neno/a comece a buscar os seus patrocinadores, entre familiares e amigos, que se comprometan a dar “x” euros/céntimos por cada volta ao circuíto (as voltas estarán adaptadas ás distintas idades). Para iso, anotarán o nome dos seus patrocinadores e os euros/céntimos que lles darán por cada volta (as cantidades ofrecidas deben ser realistas para que se poidan respectar) e entregarano de novo no colexio antes do día da carreira.
Unha vez concluída a carreira, multiplicaranse as voltas percorridas pola cantidade ofrecida por cada patrocinador, e cada alumno/a recada os cartos, ensinando o seu carné aos seus patrocinadores para xustificar as voltas realizadas. Por último, os corredores entregarán o diñeiro recadado no centro antes do 14 de xuño, para facerllo chegar a Save the Children.
Moitas grazas pola vosa colaboración!
O equipo docente
