Durante a celebración do Samaín, os nenos e nenas de 3º a 6º participaron nun obradoiro de efectos de son. Crearon  conto "La caída de la casa Usher" de Edgar Alan Poe,  cos seus respectivos efectos de son.

O 30 de outubro de 2024 tivo lugar no colexio o SAMAGOSTO, unha celebración conxunta da festa do Samaín e do Magosto.

A primeira parte de xornada estivo adicada ao Samaín, cunha chea de obradoiros:

Contos de medo na biblioteca (Infantil 1º e 2º):

Obradoiro de máscaras terroríficas  (Infantil 1º e 2º):

Grabación dun conto de medo con efectos de son terroríficos (3º, 4º, 5º e 6º):

Fotomatón terrorífico no croma verde: 

Podes ver tódalas fotografías tomadas no fotomaton terrorífico no seguinte álbum.

• (2024-2025) ÁLBUM DA GALERÍA: Fotomatón terrorífico do Samaín

Tamén votamos polas nosas cabazas favoritas. Podes velas todas no seguinte vídeo:

Despois do recreo chegou o momento da entrega dos premios ás cabazas mais votadas.

Eliximos democráticamente unha gañadora por nivel, segundo os votos que deixamos todos e todas. 

Todo o mundo levou un diploma de agradecemento pola participación para todos e todas.

Chegou despois o momento da celebración do Magosto, con xogos populares no patio. Xa coa participación das familias.

Interpretamos una canción sobre o Samaín, creada por Susa Herrera, que nos acompañou nesta xornada de celebración.

E degustamos as castañas asadas, como remate de festa.

Podes ver tódalas imaxes da celebración do SAMAGOSTO 2024 no colexio, no seguinte álbum da galería fotográfica:

• ÁLBUM (GALERÍA FOTOGRÁFICA) - 2024-2025) Celebramos o SAMAGOSTO: Samaín + Magosto

Podes ver como traballarono SAMAGOSTO en Educación Infantil na seguinte entrada.

• Infantil xuntos (2024-2025) Chega o "SAMAGOSTO": así celebramos o Samaín e o Magosto.

Ao longo desta semana de Entroido o Porcoespín Serafín manda que traiamos posto.... 

Revisa esta páxina, cada día a partir das 14:00 horas, para ver o día anterior, que escolle cada grupo.

LUNS  

(escollido por 5º-6º)

MARTES

(escollido por 3º-4º)

MÉRCORES

(escollido por 1º-2º)

XOVES

(escollido por Educación Infantil)

VENRES:

Desfile do Entroido polas rúas do Concello (ou no pavillón se chove) a partir das 12:00 seguido de degustación de postres típicos do Entroido, aportados polas familias.

Para celebrar o Samaín o 31 de outubro de 2023, voltamos a desfrutar "por todo o grande" dos nosos obradoiros terroríficos.

OBRADOIRO DE COCIÑA "TERRORÍFICA":

O profe Paulo tiña preparados uns "platos" terroríficos, no obradoiro de cociña do Samaín. Despois de ser creativos nas nosas creacións, puidemos comelos durante a hora da merenda.

OBRADOIRO NUN FOTOMATÓN "QUE METE MEDO":

Posando diante dun "chroma verde", escollemos diferentes fondos na tablet, para participar no "fotomatón terrorífico".

Podes ver tódalas fotografías tomadas neste obradoiro na seguinte entrada:

(2023-2024) Fotomatón terrorífico na celebración do Samaín 

OBRADOIRO DE MANUALIDADES "TERRORÍFICAS":

A profe Marta e Zaira encargáronse de organizar un fantástico obradoiro de manualidades, onde creamos monstruos, momias e outra "fauna terrorífica".

OBRADOIRO DE CURTAMETRAXES  E CONTOS "DE MEDO":

Na Biblioteca, e nas aulas, participamos nunha sesión de visionado de "curtametraxes terroríficos", aínda que en realidade non daban tanto medo.

EXPOSICIÓN DE CABAZAS TERRORÍFICAS:

Cada quen trouxo da súa casa unha cabaza "terrorífica", para montar entre todos e todas unha gran exposición.

Cada compañeiro e compañeira votou pola súa favorita para decidir, entre todos e todas, cales eran as gañadoras de forma democrática.

Así de fantástica quedou a nosa exposición de cabazas, podes vela no seguinte vídeo.

Entregáronse premios aos creadores das cabazas máis votadas, xunto con diplomas ás "máis orixinais".

MOITO MÁIS POR VER...

Lembra que podes ver tódalas imaxes da nosa participación nos diferentes obradoiros do Samaín, da exposición de cabazas así como da entrega de premios e diplomas, no seguinte álbum da galería fotográfica.

(2023-2024) ÁLBUM FOTOGRÁFICO: Obradoiros do Samaín 2023

Estas son as fotografías que tomamos durante a nosa participación no obradoiro do "fotomatón terrorífico".     

Fai click nas seguintes imaxes para ver o álbum do "fotomatón", en cada un dos cursos.

   
Educación Infantil 1 e Infantil 2:

1º e 2º de primaria:

3º e 4º de primaria:

5º e 6º de primaria: (Con vídeos) 

Lembra que podes ver todo o que fixemos nos diferentes obradoiros, e como celebramos o Samaín no colexio, na seguinte entrada:

(2023-2024) Polo Samaín, participamos nuns obradoiros de medo  

 Un ano máis celebramos o noso certame de LECTURAS NA CARBALLEIRA. Unha xuntanza donde alumnado, profesorado, familias e persoas invitadas interactuamos para festexar as NOSAS LETRAS GALEGAS.

Rendimos homenaxe este día a Francisco Fernández Del Riego cunha canción interpretada polo alumnado de 3º e 4º...

Os rapaces e rapazas de infantil tamén aportaron o seu gran de area cunha liña do tempo de autores homenaxeados...

E, tamén entregamos un premio ao gañador do concurso de carteis: Xosé Luis Moldes Domínguez...NORABOA!!!!

E, noraboa a todos/as os que participastes no concurso porque non foi doado elexir o gañador...Aquí recollemos todos os carteis que participaron.

Pero houbo moitas cousas máis ese día...por exemplo, unha morea de libros que agasallamos a quen quixera levar algo de literatura para as súas casas...

E, xa para rematar, este ano tivemos como persoa invitada a unha contacontos fantástica: ALBA GRANDE, que nos deleitou coa súa pandereta e coas súas historias...

Moitas grazas a todos/as os que quixéstedes pasar un anaco agradable con nós!!!!!!

VÉMONOS O PRÓXIMO CURSO!!!! Con máis novedades, autores, libros, contacontos....

Por fin chegou a semana do libro! Xa sabedes que no noso cole somos moi de ler, por iso o noso obxectivo esta semana era claro: Quixemos encher o colexio de contos ata a última esquina!

Esta tarefa comezou o luns, có alumnado de Educación Infantil, 1º e 2º de Primaria acudindo ao Salón do Libro. Como xa sabedes as persoas que visitades habitualmente esta páxina, participamos cos nosos propios contos e estivemos moi implicados en todo o relacionado con este evento. Se queredes saber máis sobre esta visita, podedes velo aquí.

O martes, o alumnado de 1º e 2º coa axuda das profes Marta e Zaira, grabaron un audioconto que moi pronto teremos dispoñible e que compartiremos aquí na páxina do cole.

O mércores, os libros fixeron unha viaxe ao patio da escola. En diferentes puntos do mesmo, habilitáronse espazos lectores, onde todos os nenos e nenas pasaron para revisar os novos libros da nosa biblioteca, pero tamén para disfrutar dun momento de calma cun libro na man.

Sen duda imos a ter que repetilo pronto, porque a todos pareceu encantarlles a nosa bibliopatio!

Pero as sorpresas non remataron aquí, cando estivemos de volta dentro do cole, agardaban dous contacontos moi especiais a mans dos propios mestres e mestras do cole.

Como podedes ver nas fotos, foi unha experiencia xenial tanto para os alumnos e alumnas, como para o profesorado. Todos e todas o pasamos xenial grazas a lectura!

E xa o xoves, chegou o momento dos apadriñamentos lectores... pero nesta ocasión demoslle un pequeno xiro. Esta vez, os "pequenos" do cole apadrinaron aos "maiores", pero nesta ocasión o sorteo foi algo distinto. Aproveitando o noso Memory xigante de emocións, temática a traballar este curso no noso proxecto de biblioteca, emparellamos as distintas emocións para saber quen apadriñaría a quen para esta actividade.

E así, con cada ovella coa sua parella, os máis pequenos arrancaron a ler para contar aos seus compañeiros e compañeiras algunhas das suas historias e contos favoritos.

Igual que no cole, animamos a todos e todas a que a semana do libro sexa unha realidade tamén nas casas, ensinando a nenos e nenas a disfrutar e divertirse coa lectura!

CComo xa sabedes aqueles e quelas que visitades a páxina do colexio, na nosa escola non hai nada que nos guste máis que unha boa celebración. Así que xa imaxinaredes a que liamos para celebrar o Día Internacional do Bico.

Non só nos pareceu unha ocasión perfecta para repartir agarimo polo colexio, senón que ademais foi unha moi boa oportunidade para continuar traballando as emocións como parte do noso proxecto de biblioteca.

E explicados os previos, imos contarvos que argallamos. O primeiro que fixemos, foi pegar un cartel no corredor do colexio, anunciando que día era, e despois preparamos un cadro de cores que sería o lugar no que, quen quixera, podería darse un bico cos seus compañeiros e compañeiras.

E xa co espazo preparado, pensamos que sería divertido poñer unha cámara, e así gardar un recordo de canto nos queremos entre compañeiros e compañeiras. Aínda así, os bicos empezaron moito antes de que puxeramos a funcionar a cámara...

Ningún alumno e alumna librouse de recibir un bico... e o mesmo pasou cos profes. Tan pronto tivemos a algún deles cerca, conseguimso que se acercasen para chearlles a cara de centos de bicos.

Queredes ver cantos bicos repartimos polo colexio tanto os nenos e nenas de infantil como de primaria? Pois aquí tedesos videos onde podedes velo (e un video extra cos momentos máis divertidos que colleu a cámara).

Como xa saberedes, o día 15 de abril conmemórase o Día da Infancia. Por iso, nun cole como o noso, pareceunos especialmente importante celebrar esta ocasión dando visibilidade a nenos e nenas con vidas moi distintas a nosa.

Para facelo, visualizamos un fragmento da película "Camiño a escola", onde amósase como un dereito que consideramos tan fundamental como a educación, noutros países e unha auténtica odisea no simple feito de chegar a escola. A través da visualización deste filme, buscamos que os nenos e nenas entenderan que para outros nenos e nenas ir a escola non é unha obriga, senón que é un privilexio.

De forma complementaria ao visionado da película, en cada aula levouse a cabo un debate no que, non solo falamos do que vimos, senón que tamén reflexionamos sobre o seu significado. Pero sobre todo, nos dimos conta da sorte que temos de ter todas as facilidades do mundo para acceder a educación.