Como ben sabedes o día 20 de novembro conmemorase o Día da Infancia; e dende o cole non quixemos perder esta oportunidade para celebrar unha ocasión tan especial.

A escritora Paula Cores veu facernos unha visita para presentarnos o seu conto "Mensaxes para nenos e nenas felices" que xa tedes dispoñible na nosa biblioteca de familias para o seu préstamo. Este libro fala dun dos dereitos máis importantes e básicos na vida dos nenos e nenas: "Ser felices".

Foi unha xornada onde aprendemos e reflexionamos, e a continuación deixamos algunhas fotos para que poidades compartir con nós esta sesión tan especial.

Pechamos o curso e o noso proxecto "Revolucionarias", co contacontos de "A perruca de Luca".

As nosas compañeiras de Igualadas acudiron a nosa escola o último día de curso para lernos a historia de Luca. Non só desfrutamos da lectura do conto, senón que antes e despois puidemos facer un breve coloquio onde falamos sobre igualdade, e tamén sobre cal é o noso papel en facer sentir aceptados aos demais, sen distinticións.

Tamén debuxamos cal é o noso "superpoder" para facer sentir ben aos demáis, e compartimos en voz alta cal é. Pasou o tempo volando, e tivemos a ocasión de reflexionar sobre a importancia de como nos portamos con outras persoas. Desexando repetir outro obradoiro coas nosas amigas de "Igualadas"!

Ola a todos e todas! Como ben di o título da entrada, seguimos formándonos en igualdade, nesta ocasión coa axuda de Gloria.

Moitos e moitas de vós recordaredes a Gloria polos obradoiros que o curso pasado fixo co noso alumnado sobre xestión emocional. Pois ben, esta vez a temos de volta para axudarnos a desmontar estereotipos e a entender que todos e todas temos dereito a expresar a nosa identidade de xénero de forma libre.

Foi moi práctico e didáctico, así que ademáis de aprender o pasamos xenial realizando dinámicas de grupo!

Os membros da Fundación IGUAL ARTE visitaron o noso centro para realizar uns obradoiros nos que, por medio da arte, pretenden informar da diversidade que existe na sociedade e así poder lograr a unidade e a igualdade humana.

Achegáronse con tres propostas adaptadas por idades. A primeira, un contacontos para os máis cativos. Nesta acasión convidamos ás Escolas Infantiles de Amil, San Lourenzo e  Lamas do Concello de Moraña.

O alumnado de 2º, 3º e 4º participaron nunha sesión de circo

E, os de 5º e 6º nun taller de globoflexia...

Nada máis e nada menos... UN POLBO XIGANTE

Aos nosos anfitrións das escolas unitarias de Moraña convidámolos a un taller de chapas...tamén ás súas profes...

Grazas a Noelia, Susi e Olalla, profes das unitarias por compartir un anaquiño do voso tempo con nós.

Grazas tamén aos membros da Fundación IGUAL ARTE, por acercarnos un pouco máis á diversidade e darlle vivivilidade a persoas que, ás veces , son invisibles.

No CEIP Plurilingüe Pedro Antonio Cerviño temos a firme convicción de que a igualdade non é un traballo dun día, nin tan sequera dun curso... é un traballo que debe estar presente na escola todos os días. E iso mesmo é o que quixemos plasmar co noso proxecto "Revolucionarias", que enmarcamos dentro das actividades de IGUALA-T, o CPInclúe que traballamos este curso na escola.

Para os que xa sodes habituais das nosas entradas no blog da escola, saberedes que estamos a crear un espazo de igualdade no centro onde contamos con infografías, contos, revistas, libros de consulta... e demáis material audiovisual sobre igualdade. Complementariamente, dende setembro estivemos a elaborar uns carteis informativos sobre mulleres "revolucionarias" que cambiaron a historia, e que compartiremos a final de curso, de xeito que poidamos amosar todos os avances que puidemos facer.

Pois ben, co 8M a volta da esquina, chegou o momento de poñer os nosos coñecementos a proba. O xeito de facelo, foi cambiando a dinámica habitual, e eses carteis que completamos co nome de mulleres revolucionarias, cambiou para convertirse nun traballo de investigación no que, toda a escola, tivo que investigar cales foron as aportacións de 44 mulleres revolucionarias na historia. Deste xeito, todos os compañeiros e compañeiras poderíamos aportar o noso graniño de area para o que se viña.

Unha vez tivemos a información, cada clase reuniuse para compartir o que descubriron sobre as mulleres que investigaron nas súas casas. De feito, nesta ocasión quixemos poñer o acento en aprender sobre as aportacións de mulleres racializadas, cuxas aportacións sufren todavía unha maior invisibilización.

Dende aquí, unha vez máis, queremos agradecer as familias a súa colaboración con esta actividade, axudando ao alumnado na búsqueda de información. Un acto tan simple como colaborar nestas actividades, amosa aos nenos e nenas a importancia da tarefa que tiñan entre mans. De feito, esa importancia reflexouse no momento en que o alumnado compartiu todo o que aprendeu.

Pero isto non é todo! Pois o alumnado de quinto e sexto, tiña unha tarefa directamente relacionada con isto. Eles e elas foron quen, coa axuda das nosas xeniais profes de PT e AL, Marta e Zaira, traballaron na radio para grabar toda a información recollida en audios que máis adiante tería unha utilidade, a pregunta... é cal e esa utilidade?

Chegamos así ao día 8 de marzo, onde en cada clase apareceron dous obxectos: unha folla chea de carteis violetas e unha tablet. Resulta que por todo o cole apareceron códigos QR que contiñan información moi importante... Podedes imaxinarvos cal era? Sí, eses audios grabados polo noso alumnado de 5º e 6º extendéronse por todo o cole para crear unha gran xincana na que todos os cursos competiron para ver quen podía atopar máis. Aprendemos sobre mulleres revolucionaria, traballamos a lectoescritura, colaboramos entre nós, pasamos un bo rato; e o que é máis importante, continuamos traballando a igualdade de xeito activo e práctico.

Unha vez recopilamos todos os QR, chegou o momento de poñer a guinda ao pastel. Visto o ben que funcionou a actividade entre o alumnado, parecíanos o máis normal abrir este coñecemento sobre mulleres revolcuionarias a toda a comunidade educativa. Por iso, elaboramos este mural tan chulo, onde co noso teléfono podemos escanear os QR cos audios do noso alumnado para correr a voz da importancia silenciada que as mulleres tiveron e siguen tendo na historia.

Pasamos un traballo enorme, pero tanto a temática como o resultado merecen a pena. Pero a nosa labor non remata aquí, de feito non rematará ata que vivamos nun mundo onde a igualdade sexa real, efectiva e accesible a todas as mulleres independentemente da súa etnia, relixión ou cultura.

Por se xaneiro non fora un mes axetreado de por si, houbo unha actividade de obrigado cumprimento que desenvolvemos pola sua gran importancia, e tamén por canto a disfrutamos. Si, falamos da "II Carreira pola Paz" coa sua consecuente recollida de material para doar a unha asociación sen ánimo de lucro.

Durante duas semanas, todos os nenos e nenas da escola recopilaron roupa e material escolar para doar a "Asociación Boa Vida", que busca axudar as personas en perigo de exclusión social, co obxectivo de acabar a igualdade de oportunidades entre a población. Durante a recollida, o alumnado organizou a carreira, fixeron un inventario das doazóns, unha pancarta para a andaina polo concello... En definitiva, estiveron totalmente implicados en todo o que tuvimos que facer para que esta carreira fose posible.

Chegada a data de celebración do evento, a comunidade educativa ao completo reuniuse na escola para marchar en grupo hacia o campo de fútbol do concello, onde levariamos a cabo a carreira. Como xa e habitual, Campo Lameiro fixo gala da sua solidariedade, non só achegando múltiples doazóns, senón ademáis achegándose a escola para acompañarnos nun día tan especial.

A carreira, unha vez máis queda para o recordo como unha das actividades máis divertidas do curso. Este ano, grazas ao esforzo e traballo do alumnado de 5° e 6° e o noso profe de educación física, engadimos algúns obstáculos que puxeron as cousas un pouco máis complicadas para os nenos e nenas... E tamén aos profes e familias! Foi toda Unha experiencia ver aos país e mais do noso alumnado facer a "croqueta" polo chan e disfrutar tanto ou máis incluso que os seus fillos e fillas. Por suposto, ao rematar fixemos unhas fotos grupais para recordar este día, pero tamén para reforzar a idea de que cun evento como este, gañamos todos, pois a finalidades e colaborar cunha boa causa.

Unha vez rematada a carreira, os nosos amigos da "Asociación Boa Vida" acudiron a escola a recoller as doazóns. Así que, probablemente agora mesmo, hai moitaa familias agradecidas puidendo desfrutar do material escolar, roupa e demais obxectos recollidos durante esta actividade. Unha vez máis, queremos agradecer as familias que nos axudaron a facer esta iniciativa posible, sodes un exemplo de solidariedade, e dende o cole estamos encantados e encantadas de saber que sempre podemos contar con vós.

Polo Día da Paz o alumnado de 3º e 4º de primaria gravou na nosa radio o conto: "O mellor guerreiro do mundo".

Agardamos que vos guste!

Convivencia está de volta! Arrancamos o segundo trimestre cunha actividade que require moita puntería, concentración e reflexión; nada máis e nada menos que para celebrar un día tan importante como o Día da Educación. Como xa sabedes, a educación é un dereito, pero tamén é un deber da infancia. Polo que a premisa coa que traballamos foi... Cales son os deberes dos nenos e nenas?

Anteriormente, traballamos os dereitos da infancia, creando uns globos nos que manifestamos cales son os dereitos de todos os nenos e nenas. Por suposto, facendo especial fincapé no tema da igualdade e o respeto a diversidade. Pois ben, nesta ocasión, a aprendizaxe a realizar foi que os dereitos levan consigo certos deberes, e que estes están estreitamente relacionados. Así que... Que fixemos? "Reventar" os globos dos dereitos para ver que deberes van asociados aos mesmos.

Enchemos o corredor de globos, preparamos cestas de dardos e cada clase foi recollendo e reflexionando sobre os distintos deberes da infancia. Foi unha actividade que levou consigo un amplio proceso de reflexión sobre dereitos e deberes, pero no que ademáis traballamos as habilidades motrices, a puntería, o traballo en grupo... E o máis importante, o pasamos xenial participando nela.

Agora si, temos claro cales son os nosos dereitos e deberes e comprendemos o importante que é telos presentes. Seguinte paso? Loitar por unha sociedade na que se respeten e todos os nenos e nenas teñan acceso aos mesmos.