Unha vez pasadas as primeiras semanas do curso, chegou o momento de decidir,  entre todos e todas, cal sería o tema da nosa investigación deste curso.

Despois de varios diálogos, e a través dunha choiva de ideas, fomos escribindo unha lista de posibles temas, indicando para cada un deles que é o que queríamos descubrir, ou porque considerábamos que ese tema sería interesante.

Como eran moitas ideas, fomos reduncindo a lista a través de sucesivas votacións "a man alzada".

Ata que nos quedamos con estes 5 temas posibles

Para poder elixir entre eles, organizamos unha "votación democrática" con tódalas garantías e, para segurarnos de que o facíamos ben, visualizamos un vídeo de como eran as "eleccións", e de todo o que precisaríamos.

Buscamos todo o material que necesitabamos e ata eliximos, por sorteo, o presidente da "mesa electoral". Acordamos entre todos e todas cales serían as súas funcións.

Comezou a votación, escollendo cada quen que tema preferia. Rodeándoo na "papeleta" onde aparecían o nome e a imaxe de cada un dos candidatos.

O presidente verificou que o proceso era "limpo", posto que cada un dos votantes tivo que presentar o seu carnet, para que o presidente o tachase na lista, e así non puidese votar varias veces e facer trampas.

Rematada a votación chegou o momento de facer o reconto.

Resultou gañador EXIPTO, porque tiña un número maior de votos.

Fixemos un segundo reconto de papeletas para asegurarnos do resultado. Estaba correcto.

Preparamos o mural da investigación, onde iremos anotandoo todo o que vaiamos descubrindo.

Escribimos nel o título do proxecto de investigación, cunha imaxe identificativa do mesmo.

Tamén anotamos o que acordamos que queríamos facer con todo o que descubramos: un vídeo-documental e construír unha pirámide na aula.

Xa con todo preparado comezamos anotando, coas aportacions de todos e todas, o que xa sabíamos sobre Exipto.

Cando rematemos de investigar voltaremos a esta lista, para comprobar o que pensamos entón.

Tamén anotamos o que queríamos descubrir na nosa investigación.

Tamén preparamos a táboa de como nos imos organizar, par ir anotando nela o número das preguntas que investiguemos, ben en cada equipo cooperativo como en gran grupo.

Tamén deixamos listo o noso recanto da investigación, que aínda non ten información, así como o recanto online da investigación na web do colexio.

Dialogamos tamén para decicir "onde iamos buscar as respostas", buscando e imprimindo imaxes de diferentes "fontes de información"

Anotámolas no mural.

E así quedou listo para comezar a anotar os nosos descubrimentos.

Tan só nos quedaba peparar unha nota para levar a casa, pedindo axuda para topar toda esta informacion que precisamos. (Podes descargar a nota no arquivo adxunto de seguido)

Nas vindeiras semanas continuaremos a recibir información e comezaramos a buscar as respostas ás primeiras preguntas.

Poderedes estar ao tanto da nosa investigación neste mesmo blog.