Nas primeiras semanas do mes de xuño, antes de rematar o curso, en Infantil 2 sucedeu todo isto, que xa vos comentamos en entradas anteriores:

• 20/06/24: (2023-2024) Así traballamos cos nosos robots neste terceiro trimestre 
• 19/06/24: [Infantil xuntos] (2023-2024) Celebramos os últimos aniversarios do curso: mes de xuño e verán 
• 12/06/24: [Infantil xuntos] (2023-2024) Visítannos os compañeiros e compañeiras da Escola Infantil "A Galiña Azul" 
• 04/06/24: (2023-2024) Queres ver o documental que creamos para rematar a investigación sobre os peixes

Pero ademais tamén sucedeu isto que vos contamos de seguido:

Elaboramos o noso boletín de autoavalición, contando o sucedido neste terceiro trimestre.

Coidamos as nosas cebolas no invernadoiro e recollímolas un dos úiltimos días, cada quen levou unha para casa.

Rematamos o noso dicionario xigante, coas últimas letras que nos restaban para elixir as nosas palabras favoritas,  empregando a aplicación online do dicionario, coas imaxes e textos das mesmas. 

Participamos nun obradoiro sobre igualdade entre homes e mulleres (coeducación) con Gloria. 

Participamos nos últimos "apadriñamentos lectores", cos compañeiros e compañeiras de 5º e 6º na hora de ler.

Como mellorou o tempo, comezamos tomar a merenda no patio... encántanos facelo!  

Rematamos a segunda ronda da "mochila de lecer" que levamos semanalmente, por quendas, para as nosas casas.

Cambiamos o mural do corredor para poñer o da nova investigación que xa rematamos "sobre os Peixes", tes máis información sobre todo o proceso na seguinte ligazón.

04/06/24: (2023-2024) Queres ver o documental que creamos para rematar a investigación sobre os peixes

Buscamos, xunto aos compañeiros e compañeiras de todo o Colexio, despois de camiñar ata San Antoniño; as diferentes pistas na Xincana, seguindo as pistas e superando "retos sobre a igualdade".

Tan só nos queda despedirnos dos compañeiros e compañeiras que marchan para primeiro, no acto de despedida e graduación, que xa vos contaremos nunha próxima entrada.