Neste terceiro trimestre que xa remata, continuamos a traballar cos robots educativos que temos na nosa aula. Exploramos o que podían facer o m-bot, o true-true e outros robots como os que vos contamos de seguido.

Velaquí algúns poucos exemplos do que fixemos con eles.

Exploramos libremente o "movemento dos Ozobots", que podían seguir as liñas de cores que trazábamos.

Se ademais pintábamos un código de cores "no camiño" seguía a instrucións: ía máis rápido, daba a volta, facía "o tornado"...

Cos Ozobots fixemos "carreiras"... con cal dos códigos de cores chegaría antes?

Non nos esquecemos do noso amigo "Beebot", que tivemos que programar cos seus botóns, para que percorrese o camiño, e seguise as nosas instrucións.