Ao rematar o mes de maio, tal como tiñamos sinalado no calendario online, celebramos os aniversarios do mes, nesta ocasión cumprira anos MATEO, quen foi o encargado de escoller unha tarta do noso libro de receitas.

Seguindo os seus pasos crearíamos unha torta coa que convidar a todos os compañeiros e compañeiras das dúas aulas de infantil, nunha fantástica festa.

Xunto aos compañeiros e compañeiras da súa aula, preparou a camiseta de agasallo e a coroa. Quedaron fantásticas!

Cos ingredientes que trouxera, días antes da celebración, preparamos a torta, con axuda dos restantes compañeiros e compañeiras das dúas aulas de infantil, seguindo os pasos da receita elixida.   

Tan só quedaba levala ao frigorífico e deixala alí ata o día seguinte.  

Cando chegou o día da celebración preparamos a mesa para os nosos convidados e convidadas, contanto cantos pratos, vasos e garfos precisaríamos.

Despois dun noite arrefriando no frigorífico, na data da celebración, só faltaban uns últimos retoques de decoración na mesma.

Antes de probala había que soprar as candeas, e escoitar como lle cantábamos o "cumpleaños feliz".

E por fin chegou o momento de que os homenaxeados repartisen a tarta entre os seus convidados e convidadas.

Estabo boísima!!!

Rematamos a festa con zume, gusanitos e patacas fritidas para compartir entre todos e todas.

No mes de xuño celebraremos os últimos aniversarios deste curso, así como dos compañeiros e compañeiras que cumpren anos no verán.