O río Lérez
O río Lérez
Río da vertente atlántica que nace a 900 m. de altitude, na Serra do Candán, en Forcarei e desemboca na ría de Pontevedra.
Todo o seu traxecto, 62 quilómetros, discorre nesta provincia.
Os seus principais afluentes son: Castro, Salgueiro, Grande,Cabaleiros, Quireza e Almofrei.
Atravesa os municipios de Forcarei, Cerdedo, Campo Lameiro e Pontevedra.
![](galeria/albums/ceipcervinho/userpics/10007/Aciveiro-Candán_035.jpg)
Ten numerosos atractivos turísticos, dende a paisaxe de montaña, onde nace, ao costeiro, na súa desembocadura.
Crúzano 40 pontes. Existe unha ruta de catorce pontes sobre o Lérez, dende Pedre a Aciveiro (Carballa, Maril, A do Crego...).
Nas súas marxes aprécianse restos arqueolóxicos en Campo Lameiro, Cotobade e Pontevedra, que reflicten antigas ocupacións humanas.
Conta con espazos naturais como "Xunqueira de Alba" (humedal natural), "Xunqueira de Lérez (onde esta a "Illa das Esculturas"), paseos fluviais...
Tamén zonas recreativas como a "Carballeira de San Xusto" e o "Lodeiro".
![](galeria/albums/ceipcervinho/userpics/10007/Carballeira-de-San-Xusto.jpg)
Nas súas marxes atópanse de xeito habitual troitas e salmóns.
O campión do mundo de vídeo subacuático, Jorge Candán, descubriu sorpresas como lampreas, sollas, anguías e mexilóns de río, en perigo de extinción. Nas marxes tamén atopou raposos, tartarugas, víboras e aves como o martiño pescador, melro acuático, garzas...
A flora tamén é moi variada: loureiros, bidueiros, salgueiros, pinos, fentos, carballos, abeleiras, cortizas..
No río tamén se poden atopar algas, lentellas e espigas de auga.
![](galeria/albums/ceipcervinho/userpics/10007/CARBALLA.jpg)
No río Lérez tamén se pode practicar piragüismo, rafting, pasear en bici ou camiñar polas súas innumerables rutas de sendeirismo.
Tamén disfrutar de praias fluviais coma as de Lodeiro e Redonde, en Campo Lameiro, ou a de Pontevedra, fronte a "Illa das Esculturas".
Os problemas máis importantes son a contaminación das augas e especies invasoras como o eucalipto e as mimosas.
Con todo, o río Lérez é un paraíso terrenal.
Daniel Campos Ferrín