Ó longo deste mes de outubro, ademais de facer o que xa vos contamos noutras entradas, tamén tivo lugar na nosa aula todo isto:

Exploramos as nosas potencialidades creativas debuxando coa témpera, acordando as cores a empregar traballando en equipos cooperativos.

Así de fenomenais quedaron as nosas obras de arte, que temos expostas no "museo da aula"

XOGAMOS A PENSAR: FILOSOFÍA PARA NENOS E NENAS.

Tódalas semanas adicamos un tempo a "xogar a pensar",  convertíndonos en "filósofos", dialogando a partir de preguntas que nos vai plantexando profe sobre diferentes vídeos, imaxes e historias... a través delas desenvolvemos os nosos pilares de pensamento a través do desenvolvemento de diferente habilidades de pensamento.

Nunha das ocasións visionamos esta curtamentraxe titulada "O Agasallo".

E estas foron algunha das respostas e ideas que xurdiron do diálogo posterior.

• Por que non ten pata o can?  Porque tivo un accidente, porque lla cortaron cunha serra, porque rabuñaba moito e cortáronlla...
• Entón porque non lle cortaron as outras... porque nas outras tiña as uñas pequenas.
• Pois porque non lle cortaron as uñas a esa pata tamén?... seguro que o atropellou un coche como á miña cadela e perdeu unha pata.
• Ou naceu sen ela...
• [...]
• O neno tampouco ten unha perna porque tivo un accidente.
• Non poderían terlla cortado como dicides que lle fixeran o can? Non se lle poden cortar as pernas ás persoas nunca, nunca.
• Está enfadado cando ve o can porque cree que está "roto", porque non lle gustan os cans, porque cheira mal, porque lle falta unha pata...
• Logo xoga con el porque ve que é divertido, que pode facer todo o que queira aínda que lle falte unha pata.
• Claro por iso estaba enfadado o neno, porque pensaba que como non tiña unha perna non podia facer moitas cousas, e logo como can está xogando "descubre" que pode facer o que queira, por iso sae a xogar con el.
• Dentro da caixa do can cheira a caca e pis, a can, a cartón mollado...
• Dentro da caixa sabe a alegría, a castaño, a can, a comida de can, a escuridade...
• [...]

Para desenvolver habilidades cinestésicas dramatizamos como "podía moverse o can do vídeo", poñendonos no lugar das personaxes da historia.

Noutra ocasión fomos "descubrindo" o cadro "O matrimonio Arnolfini" do pintor Jan van Eyc, podes ver a imaxe "oculta" do cadro na seguinte ligazón.

Imaxe oculta: Matrimonio Arnolfini - Jan Van Eyck

Do diálogo posterior xurdion, entre outras, estas ideas.

•  Que haberá? (coa imaxe oculta): Un helicóptero, un avión, unha rá contenta, un edificio...
• Que hai no chan? (cun anaco do cadro descuberto) No chan hai unha escopeta, unha muñeca,
• É unha muller cun vestido moi raro e "grande"
• Non é que sexa grande, e que está moi gorda porque comeu moitas tartas.
• Non é que comera moitas tartas, é que vai a ter un bebé como a miña nai, seguro que nace pronto.
• Si seguro que ten un bebé na barriga... seguro que na parte que non se ve do cadro sae o papá.
• Ves... ahí está o pai, seguro que é ese señor.
• O bebe dentro da barriga sinte "mareo" porque está todo o tempo movéndose e non pode estar de pe, está aburrido porque non pode xogar, está desexando saír  para afora e coñecer ós seus pais.
• Fora ten que facer bo día, porque fai sol que se ve pola ventana.
• Si tamén se ve unha árbore con froitas
• Seguro que cheira a "primavera", a naranxas, a herba, a caca do can...
• [...]

Traballamos tamén habilidaes cinestésicas dramatizando co corpo o que se amosaba no cadro.

Ou "poñéndonos na pel" de persoas, animais e obxectos que se podían ver no mesmo.

Continuamos a completar o noso diccionario xigante con novas palabras de cada letra.

DESENVOLMENDO A NOSA PSICOMOTRICIDADE NO PAVILLÓN:

Nas sesións de psicomotricidade no pavillón traballamos aspectos como a coordinación de movementos, e planificación de estratexias cos compeñeiros e compañeiras para chegar a acordos e solucionar un problema. Así sucedeu no caso do xogo "dos barcos piratas" nos que había que buscar unha solución para "pasar dun barco ó outro".

Incluso "buscando solucións" cando non había suficientes pezas para chegar ó outro lado. Despois de varias probas acordaron que poderían ir "pasando as pezas do final cara adiante" así así poder evitar todo e todas que nos "comesen os tabeiróns que había polo mar".

Participando en circuitos desenvolvemos habilidades da axilidade, coordinación e orientación no espacio.

Facendo os percoridos en "gran grupo" ou pequeno grupo, collidos da man, tivemos que coordinar os nosos movementos cos dos demais, aprendendo a controlar o corpo e a explotar as súas potencialidades.

Gatexar para "atrevesar" o túnel é outro aspecto moi importante no noso desenvolvemento psicomotor.

O control das emocións, a relaxación e a "expresión corporal" son outros aspectos importantes que tamén traballamos nas sesións de psicomotricidade. 

Cos aros traballamos o equilibrio, a coordinación de movementos e diferentes tipos de lanzamentos.

CHEGA O MAGOSTO-SAMAÍN... ASÍ O PREPARAMOS:

Durante las últimas semanas do mes, e tal como anotamos no calendario da aula (tanto online como en papel), comezamos a preparar unha das "celebracións" que máis nos gustan no colexio. O Samaín e o Magosto, que celebraríamos xuntos o mesmo día.

O primeiro, como sempre, foi avisar ás nosas familias da data e todo o que sucedería nesta celebración, así como do material que iamos precisar para levala a cabo.

Recollimos follas das árbores do patio, que estaban no chan porque estabamos en outono, para poder convertilas en pantasma terroríficas.

Fomos presentando ós nosos compañeiros e compañeiras as cabazas "monstruosas", que íamos traendo para o concurso-exposición do colexio. Fómolas deixando todas no corredor para que todos e toda puidesen velas.

Encantounos "cruzar a porta" tapada cunha cortina de cor negra.

Descubrimos en que lugar se poñerían tódalas cabazas dos nosos compañeiros e compañeiras durante a exposición... a sala de usos múltiples estaba "terrorífica".

Convertimos as follas de árbores en pantasmas pintándoas de branco...

... para logo poñerlle uns ollos e unha boca monstruosa de cor negra.

Creamos tamén uns morcegos monstruosos, pintando de negro caixas de ovos de cartón.

Así de terrorífico nos quedou....

Fomos xuntando  nuha caixa as castañas que iamos traendo cada día. 

E o día da celebración, dous compañeiros de sexto viñeron a recollelas para poder "asalas".

Tamén construímos o noso cesto-morcego empregando un cartón de leite.

Así de fantásticos nos quedaron... 

... todos preparados para meter dentro as castañas asadas o día da celebración do Magosto-Samaín.

E por fin chegou o gran día... así de terroríficos estabamos esa mañá, ata os profes viñero disfrazados e moi "terroríficos" tamén.

Entre todos e todas deseñamos e fixemos an osa cabaza "tola da aula".

Se queres ver como preparamos, o ben que o pasamos e  comocelebramos o Magosto-Samaín no centro, tan só tes que ler a seguinte entrada neste blogue, ou ben facelo directamente desde aquí.

Nesta última semana organizamos os novos equipos cooperativos da aula, que empregamos en diferentes tarefas que levaremos a cabo e que, como sempre vos iremos contando neste blogue.

O primeiro, e o máis emocionante, foi descubrir con que nos tocaría estar no equipo.

Con todos e todas xa distribuidos nos catro equipos cooperativos, a primeira decisión que tivo que tomar cada equipo foi acordr cal sería a cor identificativa de cada un, para poder pintar o panel con témpera desa cor. Eso si antes, e coa axuda mutua dos integrantes de cada equipo, fomos poñéndonos os mandilóns. 

Cos equipos xa listos, había que escoller quen iría, como representante de cada equipo, a buscar a témpera da cor acordada. A algúns equipos costoulle un anaco chegar a un acordo... pero tranquilos que isto é porque era a primeira vez que traballábamos dentro deste equipo

E aló foron os representantes de cada equipo a pedir témpera da cor acordada polo seu equipo.

Xa de volta, cada equipo tivo que falar e chegar a un acordo moi importante, xa que só había un pincel e un papel para empregar, e todos e todas tiñamos que participar.

Cada equipo optou por unha estratexia diferente: ir por turnos, dividir o papel en anacos "iguais", coller o pincel entre varios...

E ó final demos rematado de pintar o panel coa cor que cada quen escollera.

Tan só nos quedaba agardar a que secase para, ó día seguinte, tomar novas e importantes decisións dentro de cada equipo.

Ó día seguinte, xa co panel da cor acordada coa pintura seca, cada equipo tivo que acordar a decisión máis importante.... Como se ía chamar cada equipo?

Velaquí os nomes elexidos por cada equipo:

EQUIPO BALÓN:

EQUIPO ESPADA PEPA PIG:

EQUIPO MARIPOSA:

EQUIPO TORTUGAS NINJA:

Cada un dos equipos foi completando o panel que os identificaría, escribindo con "letras móviles" o nome do equipo, ordeándoas para que puxera correctamente o nome do equipo. 

Imprimindo e pegando a foto do seu equipo (que antes puidéstedes ver e que nalgún equipo haberá que cambiar cando se incorpore o membro que falta)

E elexindo entre os membros do equipo, que debuxo ou imaxe representativa, quererían usar no panel do seu equipo, para logo imprimila, recortala e pegala... novamente acordando entre todos onde e de que xeito facelo.

E por suposto non nos podíamos esquecer de escribir os nosos nomes do panel, para pasar a formar parte do equipo "con plenos dereitos e obrigas" ;)

Rematado o traballo chegou un momento que nos "encanta", que é "poñer as caras" para auto-avaliar o noso traballo dentro do equipo.

Nesta auto-avaliación, acordada por tódolos integrantes do equipo, decidimos que tal o fixemos nos seguintes aspectos, elexindo se poñer unha cara contenta, triste ou pensativa... segundo creamos que sucedeu o traballo no equipo en cada ocasión.

Finalmente os paneis de cada equipo, coa primeira auto-avaliación, quedron deste xeito... verdade que son chulos??

Traballaremos en equipo en diferentes momentos para levar a cabo diferentes tarefas, investigacións, etc..., escollendo encargos a asumindo responsabilidades dentro do equipo. Como sempre irémolo contando en próximas entradas do blogue.

Cando remata este primeiro mes de curso, e tal como vos fomos contando en entradas anteriores, puxemos ó día a nosa aula e xa está a pleno rendemento.

Tan só nos quedaba comezar a levar a cabo aquelas tarefas que iremos facendo de forma periódica ó longo do curso:

COMEZAMOS UN NOVO DICCIONARIO XIGANTE:

Iniciamos co novo curso un novo diccionario xigante, no que cada semana iremos plasmando as nosas palabras favoritas con cada letra.

Como sempre despois de acordar entre todos e todas (ámbalas dúas aulas) as palabras da semana, buscámolas no ordenador (na aplicación dispoñible no recanto de infantil desta web), para imprimir 1 foto en grande e o número que se acorde de pequenas.

Por parellas imos pegando a imaxe e a palabra, escrita por nos, no diccionario xigante.

E así imos completando, as dúa aulas, cada semana o diccionario xigante, que podes ver no corredor de infantil.

De entre as palabras "preferidas" do diccionario xigante, escollemos algunhas para incluílas no noso diccionario individual, pegando as imaxes que imprimíramos no seu momento e escribíndoas debaixo.

Os novos compañeiros e compañeiras tiveron que "iniciar o seu diccionario" poñendose o seu nome, mentras que os máis veteranos continuamos o noso diccionario de cursos anteriores... onde puidemos ver como "escribíamos cando éramos pequenos" e como o facemos agora.

SEGUIMOS A RELAXARNOS DESPOIS DO RECREO.

Continuando o que iniciamos no curso anterior, á volta do recreo, ou cando cremos que o necesitamos, usamos o noso "cerebro de purpurina e auga" para "tranquilizar o noso cerebro mentras agardamos en silencio a que o cerebro de purpurina se tranquilice"

Comentamos a que nos cheira, e sempre xorde algunha idea moi interesante e creativa.

E pouco a pouco a pouco imos explorando sensorialmente co tacto se está frío ou quente, como fai escuma, e como "masaxeamos" cada un dos dedos da nosa man, á vez que imos lembrando como se chaman en castelán e en galego, onde os nomes son moi simpáticos ;)

FACEMOS O PRIMEIRO PRÉSTAMO DE LIBROS PARA CASA:

Tamén iniciamos o préstamo de libros para casa que faremos cada venre, escollendo un dos libros e, por parellas  empregando o noso carnet QR na aplicación dispoñible no recanto de infantil desta web, introducindo o seu número para conseguir a portada do mesmo.

Con esa portada e completando outros datos, facemos o rexistro no caderno individual de rexistro de libros para casa.

ORGANIZAMOS A PLASTILINA "NOVA" NOS SEUS BOTES:

A nova plastilina tivemos que organizala por cores, identificando en que bote de cor iría, segundo o que poñía na súa etiqueta.

En pequenos grupos fomos encargándonos e "encher" cada bote coa plastilina de cada cor.

"LEMOS" LIBROS XUNTOS, POR PARELLAS, COS COMPAÑEIROS E COMPAÑEIRAS DA OUTRA AULA:

Unha sesión á semana,  dentro das actividades conxuntas entre as dúas aulas, adicamos un anaco a ler libros "xuntos", por parellas.

As normas para ler libros xuntos son:

• As parellas fórmanas un compañeiro/a de cada unha das aulas.
• Hai que escoller, de forma acordada, un único libro por parella, e hai que cambialo por outro de forma acordada.
• Cando remate o tempo (soe o despertador) hai que deixalo todo recollido e situado no seu sitio.
• Xa de volta, todos xuntos, comentaremos que tal nos foi, se houbo algún problema ou como nos puxemos dacordo.

Como cada comezo de curso chegou o momento de tomar unha decisión moi importante na nosa aula, tiñamos que decidir cales serían as nosas normas.

A traves dunha "choiva de ideas" e cun debate de cada unha delas chegamos a crear esta lista de normas en positivo do que "podemos facer" acordadas por todos e todas.

Fomos dramatizando cada unha das normas propostas e tomando fotografías de cada unha delas. Tivemos que coordinar os nosos movementos, e pensar como facer, para poder "contar coa imaxe" o que dicía a norma.

Coas fotografías xa listas, chegou o momento de preparar o panel onde irían pegadas, para elo pintamos con témpera 8 cadrados dunha cor diferente cada unha.

Traballamos en dous equipos, pero só había catro cores en cada un cos seus respectivos pinceis, polo que tivemos que falar, dentro de cada equipo, para chegar a un acordo de "onde pintaríamos de cada cor sen mesturalos" e como faríamos para que todos puidésemos pintar xa que non había pinceis para todos e todas.

Cooperando e traballando por turnos, ou con diferentes estratexias que cada equipo foi ideando e poñendo en práctica, conseguimos ter preparado o noso panel para as normas e, descubrimos que como cada equipo coloreara 4 cadrados entre os dous equipos tiñamos 8 cadrados, justo a mesma cantidade de normas que tiñamos.

Entre todos fomos acordando e decidindo onde iríamos pegando cada unha das fotograf

Os máis pequenos contribuiron pegando as imaxes das normas.

Mentras que os "veteranos" foron os encargados de ir escribindo e pegando os diferentes textos para cada norma.

E así de fantásticas quedaron as normas da nosa aula.

Coas normas xa listas, elaboramos a nosa lista de normas para levar para casa e así poder contarllas ás nosas familias.

O primeiro foi colorear un taboleiro de 8 cadrados coas mesmas cores, e na mesma orde, que no noso panel, non era doado e había que estar moi atento para non confundirse de cor.

Tamén había que pegar cada fotogría na cor que acordaramos para cada unha das normas.

Pegámoslle o texto de cada norma, tentando ler o que poñía en cada unha delas a partir do que tiñamos escrito no panel...

...  e noutra escribindo nos mesmos o texto da norma.

Os máis pequenos foron pegando as imaxes en cada cor, buscándoa entre todas as que había no panel... ó final demos descuberto tódalas cores e pegamos cada norma na cor que lle correspondía.

Convertimos a nosa folla de normas nun "tubo" para poder levalas para casa....

... á que tamén lle atopamos un uso alternativo como "megáfono improvisado".

Entre as diferentes cousas que fomos poñendo ó día na nosa aula ó longo do mes de setembro, e das que xa vos fomos contando en entradas precedentes, tamén estivo presente o noso recanto da reciclaxe.

Antes de comezar buscamos no EDI da aula de informática un vídeo musical "fantástica" que demos en chamar o dos "monos rockeros" onde se falaba da reciclaxe e moito máis. Mantivemos un diálogo para falar sobre que era "reducir, reutilizar e reciclar", e por qué era tan importante.

Velaquí o tes, podes velo e outros moitos sobre o tema no noso recanto de INFANTIL, no apartado de vídeos.

Por suposto unha canción como esta merecía un bo baile.

Xa na aula puxémonos mans á obra para preparar un panel para cada un dos contedores, deste xeito os novos compañeiros e compañeiras poderían saber onde botar cada lixo... e no caso dos máis veteranos tamén nos serviría para poder lembrarnos.

Fomos pegando os diferentes tipos de lixo que hai que botar no contedor de cada cor... tal como indicaba na canción e do que iamos comentando nos nosos diálogos.

A medida qeu tiñamos listo cada un dos paneis tan só quedaba colocalos no seu sitio xunto ó contedor correspondente.

Despois de tanto traballo apetecíanos un baile coa canción da reciclaxe... é que somos moi rockeiros ;)

E así quedou listo o noso recanto da reciclaxe, co panel de cada un dos contedores.

Así non teremos xa dúbidas de onde tirar cada tipo de lixo durante as merendas.

Agora tan só nos queda encargarnos cada pouco de levar os nosos cubos do lixo de cada cor ó correspondente contedor do colexio.

E ti... reduces, reutilizas e rexistra?

Continuamos a poñer ó día a nosa aula, tal como xa vos contamos na anterior entrada deste blogue, despois de tanto tempo sen estar nela tiñamos aínda moitas cousas por facer para "poñela ó noso gusto", e ir integrando os novos compañeiros e compañeiras nas nosas rutinas.

FACENDO OS CARNETS QR:

Unha das primeiras cousas que tivemos que facer foi "crear os nosos carnets QR" cos que poder empregar o calendario online ou facer o préstamo de libros dos venres (servicios dispoñibles no recanto de infantil)

O primeiro foi pegar a nosa fotografía e nome no carnet.

Pegarlle logo o código QR na parte traseira e escribir a nosa sinatura. E por último estamparlle o selo da nosa aula "INFANTIL2"

Empregar a plastificadora era moi doado.... ata os elefantes poden usala sen problemas :)

Deste xeito xa tiñamos listos os nosos carnets QR para seren empregados cando o precisaramos.

ACTUALIZANDO O LIBRO DOS ANIVERSARIOS:

Coa chegada de novos compañeiros e compañeiras tivemos ir actualizando as datas do libro dos aniversarios, cada quen foi pegando a fotografía co número do seu cumpleanos na folla do mes que lle correspondía, a medida que os iamos descubrindo no calendario online, que podes ver na portada do recanto de infantil. 

LEMBRANDO TODO O QUE TEN QUE FACER O ENCARGADO:

Ser o encargado de cada día é unha grande responsabilidade xa que entre outras cousas é o responsable de anota no calendario online e no de papel o tempo que fai, que falta ou non, ir tachando os días que pasan e sinalando aquelas datas destacadas. Menos mal que xa tiñamos feitos os nosos carnets QR e puidemos comezar a facelo.

Tamén reparte os nomes ós compañeiros e compañeiras...

... para que as "peguen" na escola, e así poder contar cantos viñemos cada día e cantos quedaron na casa, pegando o número que corresponda.

E ademais de escoller a tarxeta das "cousas e profes" que virán cada día, marcar o número, día e mes da data.... o encargado ten a función que máis nos gusta a todos e todas... a de decidir en que número da fila se colocará cada quen, cando saiamos da aula, e quen ocupará o último lugar, o posto máis codiciado, xa que será o encargado de apagar as luces e pechar a porta antes de marchar.

DESCUBRINDO O NOSO HORARIO SEMANAL:

Como comentamos antes, o encargado cada día escolle a tarxeta dos profes que "cousas" que sucederán ese día na aula.

Para poder contarlle ás nosas familias cando iremos ó pavillón, a informática, cando traballaremos cos robots ou outras moitas cousas... fixemos un libriño co noso horario semanal.

O primeiro foi recortar tódalas fotografías e iconas que iríamos precisar clasificándoas en diferentes "lugares" 

Deste xeito cada día ímos completando a folla que corresponda no noso horario, pegando cada fotografía no lugar que lle corresponde. Os máis pequenos con axuda pero os maiores tentando "descubrir" onde vai cada unha  "tentando ler" o que pon nos diferentes nomes e palabras.

Pegamos na porta a nosa foto de grupo, que levamos tarmén para casa, onde estampamos con letras o nome da nosa aula "INFANTIL 2".

UN CARTEL DE BENVIDA PARA OS NOSOS PAIS E NAIS  NA SÚA REUNIÓN CO PROFE:

Despois de ler unha nota que levamos para casa, descubrimos que esa tarde virían os nosos pais e nais á nosa aula a unha reunión co profe.

Tras debatir un anaco pensamos que sería unha boa idea escribirlles un cartel de benvida, porque nós non estaríamos pola tarde para "recibilos". 

O primeiro foi ir a buscar un "anaco de papel enorme" ó almacén... entre todos e todas démolo levado á aula.

Acordams escribir "OLA PAPÁS, MAMÁS E AVÓS", e así o plasmamos no mural.

Pintámolo con témpera coa colaboración de todos e todas, desde os veteranos de 5 anos ata os recén chechagos de 3 anos.... cada quen aportando o seu pequeno gran de area.

Tan só quedaba asinar o noso traballo... os nosos nomes estarían tamén no mural para que os nosos pais e nais soubesen quen o fixo, e quen os estaba  a saúdar.

E así quedou rematado... prepradado para dar a benvida ás nosas familias.

Comezamos a explorar o que podíamos facer cos robots da aula... nesta ocasión nun dos intercambios os nenos e nenas de 4 e 5 anos traballamos cos Ozobots.

E tamén visitamos a aula de informática, onde no EDI sinalamos nunha foto xigante do noso grupo onde estabamos cada un de nós... 

Durante eses primeiros días do curso fomos "adaptándonos ó ritmo de traballo na aula" á volta das vacacións do verán.

Os máis veteranos, que xa estaban en Infantil 2 o curso anterior, fixeron de anfitrións e foron explicándolle como "funcionaba todo" así como axudando ós compañeiros e compañeiras recén chegados á aula.

Por suposto tamén lles explicamos todo o que se podía facer no ordenador da aula, desde o recanto de infantil.

Exploramos a chea de libros que había na biblioteca de aula, e o profe foi contándonos algúns deles ó longo dos días.

Dentro da casiña comezamos a "imaxinar" e a "xogar" con todo o que había na aula, xunto os novos compañeiros e compañeiras. Os maiores tiñan unhas "ideas fantásticas", que puxemos en práctica e fixemos nosas de seguido ;)

A mesa de luz voltou a funcionar despois de tantas semanas sen que ninguén a empregase... seguía a ser tan divertida como sempre.

Tivemos que organizarnos, xunto cos novos compañeiros e compañeiras, para recoller tódolos xoguetes que iamos empregando...

Todos xuntos fomos "descubrindo" como colaborando rematábamos antes de recoller todo o que había tirado.

Eso si, axudando ós mais pequenos e pequenas, para indicarlles onde se tiña que gardar cada cousa.

Pero non só estivemos dentro da aula... tamén exploramos e descubrimos o patio na hora do recreo... había moito que contar de todo o que se podía facer nel.

Fixemos tamén un percorrido polos diferentes lugares do centro ós que iremos ó longo das semanas.

O pavillón, que xa era o noso lugar favorito, tamén lles encantou ós novos compañeiros e compañeiras...

Reencontrámonos coas árbores do patio... e xunto cos novos compañeiros e compañeiras démoslle unha enorme aperta.

Visitamos a aula de informática e a aula de música, onde iremos cada semana. Aproveitamos tamén para visitar ós nosos anteriores compañeiros e compañeiras, que agora están en primeiro.

Xa na aula tivemos que refacer tódolos rexistros, como o de encargado, para o que precisabamos novas fotografías tanto nosas como dos novos compañeiros e compañeiras. Puxémonos mans á obra.

Tamén fixemos fotografías ós novos mestres deste curso, como por exemplo Elena, que estará connosco unha vez cada semana.

E descubrimos un novo "amigo"... o monstruo de cores que "era o mesmo do libro qeu xa coñecíamos"... un por un fomos dicíndolle os nosos nomes para nos fora coñecendo.

E xunto a todo esto tamén comezamos a "ser encargados", "cambiamos a foto de grupo da aula" e "fixemos as nosas bandexas para a merenda"... pero aínda nos queda moito por "poñer ó día na aula" ó longo dos próximos días.

Como sempre teredes cumprida información en próximas entradas no blogue deste recanto.

Comeza un novo curso e aquí estamos de volta, con novos compañeiros e compañeiras cos que descubriremos unha chea de cousas ó longo deste curso, e que vos iremos contando coma sempre, nas diferentes entradas deste blogue.

Despois de que os nosos compañeiros e compañeiras de máis idade marcharan para primeiro, chegan a Infantil 2, novos amigos e amigas.

Queres coñecelo?... velaquí estamos todos e todas

LUS - ÓSCAR (profe)  -  CRISTIAN -  LOIS - DAVID -  MARÍA - NAIARA - CARLOTA  -  ALICIA  -  SARA

OLIVER -  LUCÍA - HÉCTOR - SERGIO  -  MARIÑA  - ADÁN

Aquí podes ver outras imaxes da "sesión fotográfica" :)

Durante estas últimas semanas o curso, ademais de todo o que traballamos para preparar a nosa exposición sobre Henry Moore, que podes ler de seguido, sucedeu tamén na nosa aula todo isto:

20/06/16: [Infantil xuntos] (2015-2016) Inauguramos a exposición e presentamos e o noso documental sobre Henry Moore ás familias. Xa podes velo. 

Nas úlltimas sesións de psicomotricidade no pavillón exploramos as posibilidades do frisbee.

Fixemos unha chea de xogos cos frisbee e con diferentes elementos.

Completamos o noso boletín de "As novas da escola", onde lle contamos ás nosas familias todo o que sucedeu na nosa aula ó longo deste terceiro trimestre. Nesta ocasión un dos datos que incluímos foi, un reconto dos libros da biblioteca que levamos para casa ó longo do curso, empregando a aplicación de rexistro de libros que atoparás no recanto de infantil da web.

Podes ver un modelo do noso boletín "As novas da escola", facendo click na seguinte imaxe.

Rematamos tamén o noso dossier da nosa investigación sobre Henry Moore, que podes ver noutras entradas deste blogue.

Organizamos tamén tódolos traballos que tiñamos que levar para casa... para poder ensinarllos ás nosas familias.

O último día de curso, despois de participar no noso "xogo de buscar o tesouro" e de "celebrar os cumpreanos do verán facendo unha pizza", que podes ver noutra entrada deste blogue, asistimos a unha obra de teatro que, como despedida, interpretaron os compañeiros e compañeiras de sexto.

Tamén despedimos os compañeiros e compañeiras de 5 anos, que marchan para primeiro, regalándolles un marco de fotos, cunha foto de grupo de todos eles e elas, para que non se esquezan do seu paso por infantil. 

Moita sorte en primerio!! e vide a visitarnos cando queirades.

Agora tan só nos queda agardar a que comece o novo curso, coa chegada de novos compañeiros e compañeiras de tres anos á nosa aula... pero ata entón.

BO VERÁN A TODOS E TODAS!