O 5 de maio o profesorado do centro participou na primeira docencia, a cargo de Javier Prado, dentro do seminario sobre a radio escolar, que forma parte do Plan de Formación Permanente do Profesorado do centro (PFPP).

Nesta primeira xornada presencial no centro, deixamos xa listo o equipamento da radio, que nos vindeiros días comezaremos a usar co alumnado como ferramenta educativa.

Comezamos tamén a facer as primeiras prácticas para aprender a usar todo o equipamento, da recén estrenada radio escolar.

A vindeira semana terá lugar a segunda, e última, docencia presencial deste seminario.

Acaba de ser aprobado a renovación do Plan de Formación Permanente do Profesorado (PFPP), para o curso 2020-2021, no CEIP Pedro Antonio Cerviño.

Neste curso a formación, na que participa todo o profesorado do centro, organízase do seguinte xeito:

• Seminario: Formación no EVA-Edixgal (e aula virtual), para o segundo ano de implantación.
• Seminario: Formación para a posta en práctica dunha radio escolar no centro.

En breve será publicado o calendario de reunións previsto, unha vez aprobada a renovación.

O 4 de marzo os mestres a mestras do CEIP Pedro Antonio Cerviño participaron nunha formación, que tivo lugar no propio centro, sobre o "uso didáctico da radio escolar".

A sesión de traballo, enmarcada dentro do Seminario "E-Dixgal" do Plan de Formación Permanente do Profesorado do centro, contou coa presenza da meirande parte do profesorado; quenes asistiron á docencia  de Javier Prado Espiñeira.

Despois de descubrir como pode empregarse a radio escolar nas aulas, con finalidade didáctica, chegouo o momento de poñelo en práctica en primeira persoa.

Agradecemos a Javier Prado Espiñeira a fantástica sesión que nos propuxo, así como as experiencias tan enriquecedoras que nos relatou.

Agardamos poder poñer moi pronto en funcionamento a nosa propia radio escolar, dentro das actividades enmarcadas no PlanBE da Biblioteca Escolar.

Unha vez aprobado a solicitude de PFPP realizada, xa están dispoñibles os calendarios de docencias, reunións e traballo persoal para os dous seminarios do Plan.

• Edixgal (ano I): http://www.edu.xunta.gal/centros/ceipcervinho/?q=node/1579

• Robótica educativa nas aulas: http://www.edu.xunta.gal/centros/ceipcervinho/?q=node/1868 

Podes consultar os calendarios de reunións de cada un dos seminarios no apartado "calendario" dos respectivos apartados do PFPP, nesta mesma web.

Podes descargar, de seguido, o borrador do calendedario.

Durante as diferentes sesión do seminario de "robótica educativa", dentro PFPP do Centro (Plan de Formación Permanente do Profesorado), o profesorado experimentou e descubriu como funcionan os diferentes robots educativos que temos na nosa aula de robótica.

Enfrontámonos ós mesmos retos que se lle presentan ó alumnado nas sesións-obradoiro de robótica.

E comezamos a preparar a súa participación na "Gran competición" robótica de fin de curso, contra o alumnado de 5º e 6º.

Dentro do seminairo sobre "Robótica educativa", o profesorado do centro participante no Plan de Formación Permanente do Profesorado do centro (PFPP), asistiu a unha docencia-obradoiro a cargo de Paola Guimeráns, na que exploraron o potencial educativo dos e-textiles.

Con materiais específicos e outos habituais, descubriron como crear circuitos eléctricos en tecidos, dentro do ámbito STEAM, o cal inclúe aspectos creativos e artísticos ó traballo con STEM no que está presente a robótica educativa.

 Velaquí un exemplo do que creamos neste obradoiro:

Agradecemos a Paola a súa implicación neste obradoiro e ter visitado o noso centro para pasar esta tarde connosco.

Máis información sobre e-textiles no apartado documentos da sección PFPP desta mesma web.

Podes atopalos no apartado "documentos" de recanto de "robótica" do PFPP, ou ben directamente desde aquí:

http://www.edu.xunta.gal/centros/ceipcervinho/?q=node/1696

Podes atopar o calendario de reunións de cada un dos seminarios, nos seus respectivos apartados da web na opción "calendario".

Tamén podes acceder ós mesmos directamente desde estas ligazóns:

Actualizados ó curso 2019-2020

Podes descargar os documentos de seguido:

Este curso, dentro do Plan de Formación Permanente do Profesorado (PFPP), que desde fai varios anos estamos a desenvolver no centro; introducimos a róbotica nas aulas  tal como xa vos contamos nesta entrada anterior.

08/06/18: (2017-2018) Estrenamos a nova aula-obradoiro de robótica e traballamos con robots nas aulas.

Continuando con este traballo, e grazas a inestimable colaboración dos compañeiros do SALNÉS CAMPUS (www.salnescampus.eu), puidemos organizar o pasado 12 de xuño unha xornada *STEM no colexio na que puidemos participar todos e todas

Obradoiro de programación e robótica:

No que programamos e traballamos co m-bot, que xa estamos a empregar, xunto con outros robots nas nosas aulas.

Impresión 3D:

Descubrimos como scanear obxectos, e ata o noso corpo, para poder logo imprimilo en 3 Dimensións.

Drones:

Coñecemos e manexamos diferentes tipos de drones no pavillón do colexio.

Máis información sobre o Salnescampus, e as actividades que organizan para rapaces e rapazas en http://www.salnescampus.eu. 

Tamén podes atopalos en Facebook en: https://www.facebook.com/SalnesCampus-918097101577516/

En twitter: @salnescampus

*STEM son as siglas en inglés de ciencia (science), tecnoloxía (technology), enxeñaría (engineering), e matemáticas (math), que dentro do traballo levado a cabo nos centros educativos, contribúen ó desenvolvemento da Competencia metemática en ciencia e tecnoloxía.