Blog da biblioteca
P...de PAZ na BIBLIOTECA DA ESCOLA
Voltamos de novo e agora para conmemorar na biblioteca os actos da actividade complementaria do DIA DA PAZ, organizado con Dinamización da Lingua Galega:
Nesta ocasión, e tendo en conta o noso proxecto da biblioteca, POEM-ARTE para este 2º trimestre, convertemos a PAZ, nun poema.
Aquí tedes retazos de unha maña moi agradable na biblioteca, onde....
- Os nosos contadores e contadoras de historias nos achegaron poemas de diversos autores, e tamén, poemas feitos cancións, dos que vimos os vídeos, como por exemplo os seguintes:
Hugo de 1º e Carla de 2º léronnos e recitáronnos os poemas:
- " Amistades matemáticas" e " Somos iguales" que abordan a amistade e o cariño que todos e todas precisamos así como a diversidade.
Sofía e Carolina, fixeron un poema adaptado, a partir do poemario de Raul Vacas, titulado " Paz". Gustóunos moito esa vena creativa!!!
E Alvaro e Aitana léronnos o poema de Nicolás Guillén " A muralla", vendo posteriormente o vídeo da canción. Foi unha maña, para recitar e tamén cantar e bailar....
E, xuntando as mans aí estamos todos e todas ó son da música...compartindo un momento ben bonito...
Hugo, aportounos o seu gran de area...A lectura do poema de Neruda " AMIGA PUEDE CONTAR CONMIGO"
E, dende o 4º curso, Cris e Jessi, léronnos e cantáronnos " Amiguiños todos" do noso entrañable Neira Vilas.
E, Silvia de 6º preparou a lectura do tema de Chambao
" Papeles mojaos", que como sabedes fala de emigración/inmigración, algo relevante nesta data tamén...e sempre...
As compañeiras Lorena e Aroa, aportaron a lectura de Antonio Flores, maravilloso " No dudaría"...do que tamén disfrutamos un video
A profe Bernarda de Relixión, preparou estes días temas co alumnado de candente interés pola súa relevancia en materia de cultura de paz, e, varios alumnos de 5º léronnos sucesos como: A ameaza yihadista, a bomba de hidróxeno de Corea ou a situación de Palestina.E
E, pola súa parte os nenos e nenas de infantil, explicáronnos a situación dos nenos e nenas que están en campos de refuxiados....calounos fondo, si...
Para finalizar a actividade, despois de falar, recitar, cantar, escoitar e sobre todo, moi importante, reflexionar sobre a paz, pasamos a facer o INTERCAMBIO DE POEMAS, que Dora nos pedira na súa carta. Xa sabemos que Dora é pidichona, pidichas, pidicheira...
Con todos os poemas que confeccionaron as aulas, organizamos un TENDAL DE POEMAS. Cadaquén levaba os seus versos que podía intercambiar por outro que estivera no tendedeiro...un éxito....
Mirade que imaxes compartindo algo tan sinxelo e lindo...un poema...!
As caras dos pequenos e pequenas, e os deseños.. o mellor da xornada neste día da PAZ...
A PAZ....unha palabra simple, na que deberiamos todos e todas afondar e profundizar....e poñer no noso tendal de emocións persoal...
ATA OUTRA PEQUES!!!! GRAZAS!!!
F....de FANTÁSTICO....X de XENIAL...RAÚL VACAS NA NOSA BIBLIOTECA ESCOLAR
F...de FANTÁSTICO...X....de XENIAL, así foi Raúl Vacas na nosa biblioteca de DORA LECTORA.
Ímos contarvos un pouquiño:
Esta persoa que vos presentamos aquí é....RAÚL VACAS..
Podería ser un contacontos, un vendedor de productos que aquí tedes...pero NON, NON NON....trátase do autor do poemario " ABECÉ DIARIO" que, como sabedes estamos a traballar na HORA DE LER, neste 2º trimestre no plan anual de lectura.
O proxecto da biblioteca de escola, EMOCION-ARTE na biblioteca achéganos neste 2º trimestre ó POEMA-ARTE, e dende logo o inicio non puido ser millor, verdade?
Raúl acodeu a visitarnos o pasado 12 de xaneiro á biblioteca, e pasamos unha maña do máis agradable na súa compaña coñecendo un pouquiño mais en torno á súa obra. QUE ORIXINAL, recomendable totalmente!!!
Cando chegou, recibímolo coas paredes da biblio cheíñas dos seus poemas, que xa nalgunhas aulas estiveran a descubrir. A rapazada de 3º curso fíxolle un divertido poema e presentación...
Son divertidísimos por certo....non vos perdades o seu libro....
E, logo pasamos a escoitar á nosa estrela, que nos deleitou con recursos para traballar e coñecer a lingua, con poemas sonoros e frescos, e ata con raps, que...vaia como rapeamos todos e todas!!!
Mirade, mirade que cariñas de alelados e aleladas tiñamos escoitándoo e disfrutando dos seus xogos de palabras, números, rimas...unha maravilla...
Mil e un recursos para disfrutar, aprender e poñer en práctica, en fin....un día para recordar na nosa biblio...
E, por último, ata dedicatorias temos nos libros que amablemente nos firmou...non o deixamos respirar...
Mil grazas Raúl!!! Volta axiña!!!
VERBAS, LECTURAS E BOS DESEXOS: NADAL NA BIBLIOTECA
E, inda que faltaba moito, pois non, aquí está de novo o Nadal, unha data que no noso proxecto da biblioteca está moi presente. Traballamos a EMOCIÓN-ARTE a través de bos desexos convertidos en verbas. Verbas que os nenos e nenas se dedicaron, verbas coas que enchemos a escola e a biblioteca....con verbas chegamos ás emocións.
As lecturas das nosas contadoras de historias de este mes: Sofía e Uxía. Adicaron a todas as aulas unhas lecturas relacionadas coas tradicións do Nadal, como por exemplo o porque de poñer árbores adornadas ou sobre algunas figuras coñecidas de estas datas. Como sempre, grazas por adicarnos este tempo, preparando con agarimo para todos e todas estes retazos .
A nosa "parede vermella" encheuse de desexos dos nenos e nenas que, en colaboración coas familias, deseñaron e escribiron postais tan bonitas como as que vos mostramos. Grazas!!!
E, nas aulas creáronse lindísimas verbas onde nenos e nenas, combinando palabras do Nada, elaboraron outras de colleita propia con significados ben bonitos. As paredes cheíñas de elas. Mirade que lindo!.
Os bonecos de Nadal, os Reises e ata a Ratiña Presumida queren que lles traian libros este Nadal...Papás e mamás, avós, avóas, madriñas e padriños, tíos e tías...regalar libros é regalar sorrisos, llantos, ilusións, inquedanzas, soños e un longo discorrer de emocións que poden ser atopadas no seu interior....
Só nos queda desexarvos a todos e todas nas vosas casas....que haxa sempre boas lecturas, bos libros e....Bo Nadal....
OS NOSOS XORNALISTAS VISITAN O DIARIO DE PONTEVEDRA E A REDACCIÓN DE PONTEVEDRA VIVA
Continuamos, continuamos....
Nesta ocasión, dándolle camiño a este novo proxecto no que estamos inmersos que é a edición de un XORNAL dixital. Para ter información de primeira man fixemos unha saída para coñecer máis "in situ" como funcionan a prensa" por dentro".
E, chegando á vila, alá imos á redacción do Diario de Pontevedra, na rúa Lepanto, onde moi amablemente nos explicaron aspectos como:
-Antiguidade do Diario de Pontevedra.
- Formato empregado.
- Lugar onde se imprime.
- Nº de lectores aproximado que ten.
- Seccións e organización dos artigos.
( Se queredes saber, pois pasádevos polas aulas de 5º e 6º curso que deben ter todo ben anotadiño...).
Alí estivemos vendo a trasformación que tivo o Diario de Pontevedra ata chegar ós nosos días onde hai maior cor e menos texto cousa que antes non era de ese xeito, así como un menor tamaño das follas, que o fan máis manexable.
Tamen vimos algunhas portadas moi relevantes, das que vos deixamos algunha foto. Estivemos ollando os números encuadernados todos seguidiños e de algunhas noticias, as profes acordábanse...xa choveu....
O sábado día 5 de decembro saíu a nosa visita publicada no apartado de Sociedade nas páxinas finais do xornal por se queredes velas.
Aí van unhas fotiños.....
Tras abandonar a sede do Diario de Pontevedra procedemos a visitar as instalacións de un XORNAL DIXITAL que está a ter moi boa acollida na cidade, que se denomina " PONTEVEDRA VIVA".
Amablemente nos contaron como funciona un xornal que non se imprime senon que só se fai de forma electrónica cousa que nos interesou moito. Ademais fixemos unha entradilla e ó pouco xa estaba a nosa nova integrada no xornal dixital, e fíxonos moita ilusión: FALABA DE NÓS E FIXERÁMOLA NÓS....que chachi!!!!
Tamén en "Pontevedra Viva" teñen pensado facer unha radio, e visitamos o estudo que están a por en marcha...que gozada!!! O mundo da comunicación encántanos!!!.
Seguiremos retransmitindo novas!!!
Ciao!
Día da non violencia de xenéro na biblioteca de DORA LECTORA
Este mes de novembro conmemórase o día da non violencia de xénero. Dentro da nosa actividade anual de "Nenos e nenas contadores de historias", preparamos en esta ocasión dous contos moi ilustrativos para abordar a trasversalidade da educación en valores, destacando a prevención da violencia de xénero.
Os contos traballados foron da autora Adela Turín:
- Arturo e Clementina
- Rosa Caramelo.
Os protagonistas neste caso para formarse como contadores de historias foron Javi Riopa, Ainhoa, Ana e Mirás de 6º curso.
Do 1º dos contos elaboramos un ppt que vos acompañamos máis abaixo con unhas actividades, e do 2º levouse a cabo un teatriño de marionetas que lles quedou chulísimo tras moitos ensaios.
A preparación do traballo levouse a cabo durante a hora de ler, de xeito voluntario polos alumnos/as sacrificando tamén algúns recreos e incluso algunha que outra tarde que viñeron ensaiar á escola, co cal , remarcamos o mérito destes contadores de historias, priorizando a lectura e o traballo para ofrecer algo ós demais. Olé, moi ben.
Este tipo de actividades está tendo moita acollida entre os pequenos e pequenas e xa temos moitos voluntarios para ler...fenomenal, encántanos.
Aquí vos deixamos algunhas imaxes da actividade e tamén uns materiais que vos poden ser útiles para abordar esta temática, se non agora, en outras ocasións.
Saúdos
O equipo da biblio
BIBLIOTECA, TICS E DINAMIZACIÓN DA LINGUA: ARRANCAMOS COA NOSA REVISTA DIXITAL
Ola a todos/as:
Hoxe, na escola, recibimos a visita de Victor Martínez Sariego,un xornalista, que nos adentrou no coñecemento dun periódico para ir entrando en materia. Este ano, o alumnado de 6º, en colaboración co resto dos cursos, profesorado e equipos de centro ( biblioteca, tics e dinamización da lingua) imos levar a cabo a nosa 1ª revista dixital, centrada na vida da escola e de sucesos que o noso " equipo de redactores" considere interesante para esta primicia editorial.
O traballo en equipo, sabe millor e o produto final esperamos que sexa do voso agrado.
Temos tamén prevista unha visita á redacción do "Diario de Pontevedra", así como a un xornal que só se imprime de xeito dixital " Pontevedra Viva" para afondar no coñecemento do funcionamento da prensa e recoller ideas.
Aí andamos, temos moito que camiñar!!!
Saúdos a todos/as.
FOROS DE DEBATE DA BIBLIOTECA ESCOLAR
De seguido podes acceder ós dous foros de debate da biblioteca escolar, un para todo o centro e outro para o debate interno do equipo.
|
||
FORO DE DEBATE DO PLAMBE (todo o centro) | FORO DE DEBATE INTERNO DO EQUIPO DE BIBLIOTECA |
Lembra que para participar nos mesmos precisas empregar o teu usuario e contrasinal da web do centro (drupal+copermine+moddle). Se non o lembras contacta co coordinador TIC-Abalar do centro.
BIBLIOTECA E DINAMIZACIÓN: CELEBRACIÓN DO SANMAINMAGOSTO
Ola de novo:
Aunando esforzos, recursos e ganas, aquí vos deixamos unha pequena mostra das actividades que dende dinamización da lingua galega e dinamización da biblioteca da escola tiveron lugar na escola o pasado xoves 30 de outubro, con motivo da conmemoración de dous clásicos no noso centro: O SANMAIN E O MAGOSTO.
Agradecemos a familias, alumnado e profes compañeiros da escola todas as súas aportacións que fixo que levar a cabo esta celebración fose moi doado.
En imaxes, aquí tedes un pequeno resumo.
- Concurso de cabazas deseñadas polas familias:
Votacións do alumnado do concurso de cabazas:Foi ben difícil a escolla, porque a creatividade era moita!!!
Algúns dos premios recibidos polo alumnado nas distintas categorías...
Lectura das descripcións de monstros na nosa biblio e da que podedes ver outra entrada anterior no blog da biblio...
Os nosos nenos contadores de historias....
E, por último, comendo as castañas que, estaban ben boas....
Condensamos todo en un, nesta festa outonal, e sóubonos a gloria, para o ano, máis e millor...!!!
CERTAME LITERARIO DO SAMAIN: DESEÑA O TEU MONSTRO E DESCRÍBEO
Ola a todos/as:
No noso ánimo de facer partícipes ás familias e todo o alumnado e profesorado da escola, convocamos un pequeno certame de deseño de monstros, e redacción/descripción dende a biblioteca e equipo de dinamización da lingua galega. A pesar de ir un pouco " pillados de tempo" dado que o programamos con escasa antelación houbo unha acollida fantástica e o día de SAMAINMAGOSTO houbo un espazo na mañá para que todos os rapaces e rapazas do colexio compartiran unha actividade na biblioteca como foi a lectura das descripcións dos monstros que fixeran coas súas familias así como para ver a exposición dos mesmos.
As ideas foron fantásticas, encantáronnos e agradecémosvos a vosa colaboración.
Aquí vos deixamos mostras da actividade que é moi probable que repitamos.
Grazas!
Equipo de biblio e dinamización da lingua galega.
Imaxes de monstros HORRIPILANTESSSSSSSSSSS!!! feitos por Xián de 1º, Álvaro de EI 2, Taida de 3º curso e os pequenos monstros-bola de 2º curso.
Carolina nos lé sobre o monstruo que deseñou. Gustounos moito!.
Alvaro ilustrounos co seu monstro DEVORA-LIXO. Eu quero unnnnn!!!!
David e Diego explícannos como son os seus MONSTROS- BOLA e os coidados que precisan, por se queres un de mascota.
Estas dúas pequenas criaturas da noite, tan riquiñas elas, cóntannos cousiñas sobre os seus deseño. Están saladísimas Aitana e Taida.
Un momento de risas cando Nico e David nos expoñen curiosidades sobre as súas creacións.
Detalles de outras interesantes e divertidas creacións dos nosos rapaces e rapazas.
E para pechar, Xián cóntanos como elaborou o seu curioso " bicho" que a Dora Lectora lle encantou e inda dende aquela non quixo soltalo.
Felicidades a todos e todas, viva a creatividade!!!
Noutra entrada faremos un " poupurri" de actividades deste día tan festexado na escola.
Chao!!!
BIBLIOTECA E DINAMIZACIÓN DA LINGUA GALEGA:RECURSOS PARA TRABALLAR SAMAIN E O MAGOSTO
Ola a todos e todas:
Como este curso estamos fusionando as actividades do centro propostas dende o equipo de dinamización da lingua galega e da biblioteca, así como outros equipos de dinamización pois achegámosvos algúns recursos do Seminario Galán para traballar cousiñas propias de estas datas: O Samaín e o Magosto.
Nunha próxima entrada faremos unha pequena " reportaxe" sobre o noso SAMAINMAGOSTO, que tivo lugar o 30 de outubro,
Esperamos que vos servan para traballar nas aulas.
Saúdos.
- « primeira
- ‹ anterior
- …
- 12
- 13
- 14
- 15
- 16
- 17
- 18
- 19
- 20
- seguinte ›
- última »
![RSS - Blog da biblioteca Distribuir contido](/centros/ceipcervinho/misc/feed.png)