Este curso, para celebrar o Día da Paz e da non violencia, nas aulas de Infantil investigamos ós gañadores do premio Nobel da Paz.

Dialogamos sobre o tema e descubrimos o que eran eses premios, e a quen llos deran ó longo dos anos.

Observamos que eran case todos homes e moi poucas mulleres. Así pois decidimos investigar sobre elas, para coñecer porque lle deran o premio.

Plasmamos en paneis, feitos por cada un dos equipos, todo o que descubríramos de cada unha da gañadoras.

Cada panel incluía unha fotografía, o ano do premio, o motivo de seren premiadas, o país de orixe e a súa localización nun mapa. Finalmente tamén incluímos un código QR co vídeo gravado, como xa vos contaremos de seguido.

Colgamos os paneis, xa rematados no corredor, que quedaron así de fantásticos. 

Se queres ver os nosos paneis máis polo miudo podes facelo de seguido: 

Creamos tamén un mapa xigante, no que sinalamos a orixe de cada unha das mulleres gañadoras.

Elaboramos unha gráfica estatística, facendo dúas columnas coas fotografías dos gañadores do premio Nobel, divididos en homes e mulleres.

Cando contamos os que había en cada unha delas observamos que había moitísimos máis homes que mulleres gañadoras, o cal non nos pareceu moi "xusto".

Tamén creamos tamén medallas do premio Nobel, coas caras das gañadoras, para colgar no corredor.

Así quedaron xunto cos demais traballos expostos.

Con todos os datos que indicamos nos diferentes paneis, gravamos diferentes vídeos, nos que falabamos de cada unha delas.

Para que puidesen verse rápidamente engadimos códigos QR nos diferentes paneis.

Probamos que funcionaban o código coa táblet. 

Así quedaron tódolos vídeos unha vez rematados, os mesmos que aparecen cando se escanean co código QR de cada panel.

Así quedou o noso corredor, unha vez rematada a nosa investigación. Agora xa poden descubrir todos e todas, ás mulleres gañadoras do premio Nobel da Paz.   

Días antes da celebración do "Día da Paz e a non violencia", colaboramos con todo o colexio no pintado do muro "solidario"

Tamén interpretamos unha canción xunto cos compañeiros e compañeiras de primaria.

Podes ver no seguinte vídeo como participamos no acto de celebración.

Descubre todo o que fixemos, como centro, para celebrar o "Día da paz e da non vioelncia", na seguinte ligazón:

(2021-2022) Celebramos o Día da Paz e a non violencia 2022. Queres ver o que fixemos?

Co comezo do ano, no mes de xaneiro, as nosas compañeiras ELSA e VALERIA, estaban de anivesario. Como sempre celebraríamolo a última semana do mes.

Novamente, por mor da COVID-19 non podemos celebralo como nos gustaría (e como facíamos en cursos anteriores), pero aínda así os homenaxeados tiveron o seu momento especial.

Preparamos as súas camisetas de agasallo e a coroa para as homenaxeadas.

O día sinalado no calendario online ámbalas dúas sopraron as candeas coa súa idade.

Por suposto despois de cantarlle as correspondentes cancións en castelán e galego.

Ó longo deste mes, na nosa aula, sucedeu todo isto que xa vos comentamos en entradas anteriores:

22/12/21: [Infantil xuntos] (2021-2022) Chegou o Nadal a infantil: así o celebramos e participamos no festival do colexio. Queres ver a nosa actuación? 

22/12/21: [Infantil xuntos]: (2021-2022) Celebramos os aniversarios do mes de decembro 

14/12/21: [Infantil xuntos] (2021-2022) Falamos con Santa Claus por vídeo-conferencia 

08/12/21: (2021-2022) Recibimos información e atopamos a primeira resposta na nosa investigación sobre os cans salchicha

Pero ademais tamén tivo lugar todo isto que vos contamos de seguido:

Asistimos á proxección da película "Valentina" nun cine, xunto ós compañeiros e compañeiras do todo o colexio.

Continuamos a traballar a lóxica matemática coa profe ZAIRA,  como por exemplo facendo as cadenetas de series de macorróns de cores; que usamos como decoración para o corredor no Nadal (ver entrada correspondente).

Novas letras foron completando o noso diccionario xigante e individual. Continuaremos con el á volta das vacacións de Nadal. 

O encargado continuou a desenvolver as súas funcións, completando o calendario oline, facendo os diferentes rexistros e, por suposto, dándolle de comer ás nosas tartarugas.

Asistimos á actividade "Ti si que eres un bo peixe", dentro do programa "Aliméntate ben", no que participa o centro.

Coa elaboración do noso boletín de auto-avaliación trimestral, xunto con todo o que vos contamos ó comezo desta publicación, dimos por rematado este primeiro trimestre.

Lembra que podes ver máis polo miudo todo o que sucedeu en decembro, máis aló do que vos contamos aquí, nas ligazóns que podedes atopar ó comezo desta publicación.

Coa chegada do Nadal comezamos a preparar unha das celebracións que máis nos gustan. Decoramos o corredor, creamos unha árbore de Nadal, organizamos a nosa participación no Festival do colexio... e moito máis.

De seguido poderás coñecer, máis polo miudo, todo o que sucedeu nas aulas de Infantil ó longo destas semanas previas ó Nadal.

DECORAMOS O CORREDOR:

Decoramos o corredor con adobíos feitos por equipos, que tiveron que poñerse dacordo para decidir tanto cal querían facer, como pintalos xuntos e decoralos.

Dentro de cada un dos adornos xigantes incluímos unha foto de cada equipo, convertidos en Santa Claus. Así de ben quedaron todos e todas:

Con tódolos adornos rematados fomos decorando o corredor:

Tamén colgamos as cadenetas que fixeramos coa profe Zaira, facendo series de macarróns pintados de cores.

Cun cartel de "BO NADAL", que tivemos que poñer ordenando as letras na orde correcta, quedou rematada esta parte da decoración.  

ASÍ FIXEMOS A NOSA ÁRBORE DE NADAL:

Elaboramos os adornos para a árbore xigante que puxemos no corredor: unhas bolas con estrelas brillantes.

Así quedou unha vez rematado. Ata tiña luces e todo!

Ensaiamos e preparamos as nosas ACTUACIÓNS PARA O FESTIVAL DE NADAL:

No Festival de Nadal on-line que se organizaría no colexio, iamos participar cunha obra de teatro. 

Puxémonos mans á obra para preparar todo o material, vestiario e atrezzo que iamos precisar.

Repartimos os papeis, e fixemos varios ensaios ata que todo estivo listo para a gravación:

Gravamos a nosa obra de teatro, para incluíla no Festival de Nadal online, xunto coas actuacións dos restantes compañeiros e compañeiras do colexio. 

Uns úlitmos retoques de montaxe e edición e xa estaba todo listo. 

O último día do trimestre, antes das vacacións de Nadal visualizamos Festival de Nadal completo, incluída a nosa obra "A Toupiña que quería saber quen lle fixera aquilo na cabeza na noite de Nadal" (incluído o baile das cacas) ;)

Xa podes ver as nosas actuacións no Festival de Nadal online, que un curso máis, por mor da COVID-19 non puido contar coa presenza física das familias. Podes ver as nosas actuacións ó comezo do mesmo:

CREAMOS E ENVÍAMOS POSTAIS ÁS NOSAS CASAS:

Creamos unhas postais de Nadal, con forma de árbore, para enviar ás nosas casas por correo. Seguro que cando cheguen serán unha sorpresa para as nosas familias.

Coas postais xa dentro dos sobres, e cos nosos enderezos escritos neles, estaba todo listo para levalas ó buzón de correos. Eso si non podíamos esquecernos de pegarlle os selos.

Fomos camiñando ata o buzón que estaba preto do colexio, para metelas dentro.

Tamén escribimos as nosas cartas a Santa Claus, os Reis Magos e/ou ó apalpador.

Ó longo das semanas participamos no "calendario de Advento" organizado pola Biblioteca do centro. Respostamos á preguntas para ver ver si eramos un dos afortunados que levaba un premio.

O alumnado e profesorado de Educación infantil, queremos desexarvos:

FELICES FESTAS E UN MELLOR 2022

Antes de rematar o trimestre, no mes de decembro, celebramos os aniversarios dos compañeiros que cumplían anos antes de acabar o ano. Nesta ocasión DANI e ENZO.

Novamente, por mor da COVID-19 non podemos celebralo como nos gustaría (e como facíamos en cursos anteriores), pero aínda así os homenaxeados tiveron o seu momento especial.

Como sempre preparámoslle unha camiseta de agasallo feita por todos e todas.

O día da celebración, o último día de colexio antes das vacacións de Nadal, DANI non puido vir ó colexio polo que só ENZO sorpou a candea cos seus anos, despois de que lle cantaramos entre todos e todas a canción de "cumpleaños feliz".

O pasado 13 de decembro, organizada pola Biblioteca pública do Concello de Campo Lameiro e o CEMIT, participamos nunha vídeo-conferencia con Santa Claus.

Cando chegamos estaba Cruz, a encargada da biblioteca, agardándonos, para ensinarnos como tiñan decorada a Biblioteca polo Nadal; mentras agardábamos a conexión con Santa Claus.

Despois de agardar un anaco, por fin comezou a vídeo-conferencia con Papá Noel.

Cada quen puido falar con el e pedirlle o que quería, usando o micrófono.

Cando rematamos, despois de despedirnos de Santa Claus,  visitamos os adornos que había alí ó lado, preto da Casa do Concello.

Había un pequeno pobo de Nadal en miniatura. Cruz contounos todo o que alí había. Ata un buzón para deixar as cartas.

Antes de marchar fixemos unha fotografía todos xuntos e xuntas, dentro do regalo xigante que atopamos diante do edificio do Concelllo. 

Podes ver os pasos previos desta investigación nas seguintes entradas publicadas neste mesmo blogue:

05/11/21: (2021-2022) Comezamos a noso primeiro proxecto de traballo do curso. Imos investigar sobre os “cans salchicha"

Ó longo dos seguintes días, despois de decidir o que iamos investigar no noso primeiro proxecto deste curso, comezamos a xuntar moita información sobre o tema.

Algunha recibímola das nosas familias por e-mail, respostando a cada un deles agradecéndolle a información.

Tamén conseguimos uns libros que falaban dos cans salchicha. Seguro que serán de utilidade nalguha das preguntas.

Fomos xuntándoo todo no noso recanto da información, para poder consultala cando a precisemos.

Tamén completamos o noso recanto virtual da información, na web do colexio (recanto de infantil > vídeos), onde publicamos as ligazóns e vídeos que nos chegaron por e-mail, e todo aquilo que non se podían imprimir.

Con toda esta información xa podíamos comezar a investigar, asi foi como atopamos a resposta a unha das preguntas que nos plantexáramos:

Cal é o nome verdadeiro dos cans salchicha?

Atopamos a resposta visualizando un dos vídeos no noso recanto virtual da información. Alí explicaba que tiñan dous nomes alemáns e o que significaban.

Anotamos as respostas escribíndoas na pizarra branca.

Decidimos plasmala no mural da investigación indicando tamén, de onde viñan eses dous nomes que teñen. Ademais acordamos con que imaxe acompañaríamos a resposta.

Así quedou plasmada no mural da investigación esta primeira resposta que atopamos.

Á volta do Nadal, que agora estamos "líados" con outras cousas ;),  continuaremos con esta investigación, buscando as respostas a tódalas preguntas que aínda nos quedan pendentes.

Xa sabedes que poderedes estar ó tanto de todo o que fagamos neste bloge.

Ó longo do mes de novembro, na nosa aula, sucedeu todo isto que xa vos comentamos en entradas anteriores:

• 27/11/21: (2021-2022) Creamos un ovo saltarín no exeperimento deste mes. Queres ver como se fai?
• 29/11/21: [Infantil xuntos] (2021-2022) Así celebramos os aniversarios do mes de novembro 
• 12/11/21: [Infantil xuntos] (2021-2022) Así celebramos o Magosto en Infantil 
• 05/11/21: (2021-2022) Comezamos a noso primeiro proxecto de traballo do curso. Imos investigar sobre os “cans salchicha"

Pero ademáis, no día a día en Infantil 2, tamén tivo lugar todo o que vos contamos de seguido:

O día 25 de novembro celebramos o "Día internacional para a eliminación da violencia contra as mulleres", creando e poñéndonos o lazo morado representativo...

... e participando na creación da árbore "para a igualdade" no muro do colexio, xunto ós demais compañeiros e compañeiras do colexio. Nós encargámonos de estampar a nosas mans de cor morado.

Así de xenial quedou rematado.

Podes ver como o creamos no seguinte vídeo:

Deixamos tamén as nosas impresións sobre esta data tan sinalada, no programa que gravamos na "radio escolar".

Continuamos a completar o noso dicionario xigante para logo encher os dicionarios individuais, coas nosas palabras favoritas. 

Escribindo a palabra na aplicación do "dicionario" (que podes atopar no recanto de infantil) e, imprimindo tantas fotos delas como precisaríamos.

Participamos no concurso para elixir un nome e un logotipo da nosa radio escolar. Nunhas semanas saberemos cal foi o escollido, de entre os elaborados polos compañeiros e compañeiras de todo o colexio. 

Continuamos a desenvolver as nosas habilidades creativas...

+ 

... experimentando con diferentes técnicas

Participamos na gravación dun podcast xunto a tódolos compañeiros e compañeiras do colexio. Ós de Infantil correspondeunos falar dos morcegos.

E ata recibimos un agasallo, feito con follas, elaborado polos nosos compañeiros e compañeiras de 1º e 2º; que fixeron coa profe Bea de inglés (podes ver a publicación correspondente no recanto de inglés). Quedou así de fantástico no corredor da zona de infantil do colexio.

Agora en decembro, preto xa do Nadal, están a acontecer unha chea de cousas. Poderedes velas en futuras entradas deste blog.

Menudo mes! En novembro fixemos tantas cousas que nin o profe acórdase ou sacou fotos de todas. Por sorte, entre ás veces que os nenos e nenas de EI1 recórdanllo, e os momentos no que a neurona funciona, puidemos facer unha recopilación dalgunhas das actividades que fixemos ao longo deste mes... Listos? Empezamos!

Sesión de pintura estampando

Para esta actividade, comezamos explicando en que consiste a técnica do estampado. A continuación, buscamos na nosa aula xoguetes, obxectos e material de aula que servise para estampar. Tractores, platos, rexas, bloques... Deixamos todo perdido de pintura, pero os resultados foron dignos dunha galería de arte.

Fixemos as cestas para o Magosto

Aproveitando todos os tubos que trouxemos da casa (grazas de novo ás familias!), fixemos as cestas para as castañas. E para completar a decoración, utilizamos pegatinas de distintas cores para personalizalas e facelas nosas. Foi tan divertido facelas como chealas de castañas.

Ilusionismo na aula

Este mes tamén falamos de ilusionismo, un estilo artístico que busca representar realidades inexistentes e incoherentes co espazo no que representanse. Por iso, a través do collage, fixemos as nosas propias obras ilusionistas, pegando sobre a paisaxe de marte elementos da nosa vida diaria, dende fotos de comida a modelos desfilando sobre cráteres.

Seguimos a completar os nosos diccionarios

Aínda non o dixemos nas entradas anteriores, pero tanto en EI2 como en EI1 retomamos a rutina do diccionario. Todas as semanas, completamos o noso diccionario xigante con toda clase de palabras que comezan pola letra da semana. E, na seguinte sesión, completamos o noso diccionario individual coas nosas palabras favoritas das que vemos o día anterior. A nós encántanos facelo, e sobra dicir que está a quedar xenial!

Debuxamos propostas para o logo da radio da escola

Pero non só fixemos cousas para nós. No cole celebramos un concurso para elexir o logo e nome da radio da escola. E por supuesto, en EI1 quixemos participar tan pronto chegounos a noticia. Foi coa profe Zaira quen deunos ideas, nos axudou a facelos e tamén a escribir un nome. Normal que nos guste tanto cando visita a nosa aula!

As tarxetas das emocións

Como amosamos en anteriores entradas, na clase elaboramos un mural das emocións para identificar as cores e as caras que representan cada emocións. Pois agora que xa o completamos, elaboramos unhas tarxetas personalizadas coas fotos de cada neno e nena, onde poden ver a sua propia cara expresando cada emoción para ter na súa casa. Agora a pregunta é... En que traballaremos agora? Estade atentos a próximas entradas para descubrilo!

Xa estamos de volta coas entradas do blog! Nesta ocasión, falaremos dunha das actividades máis chulas que fixemos este mes: o experimento do "ovo saltarín". Para fácelo, primeiro tivemos que facer un reconto do material que necesitaríamos.

Tan pronto recopilamos os materiais básicos (vinagre, ovos e vasos), pero entón ocurriusenos unha idea... Que pasará se metemos o ovo en outros líquidos? Pois como bos científicos que somos, decidimos engadir un ovo en auga, outro en xabón e outro en Coca Cola?

Deste modo, metimos os ovos dentro dos recipientes e, de seguido, engadimos o líquido para cubrir o ovo enteiro. As texturas e as cores eran distintas, polo que a nosa primeira idea foi que o ovo cambiaría de cor según o vaso... e vós? que credes que pasou?

Despois de verter o líquido toca esperar, xa que como puidemos ver no video no que outros compañeiros e compañeiras fixeron o experimento, se non deixamos reposar os ovos o tempo suficiente, non pasan a ser "saltaríns". Nese tempo de espera, cubrimos o noso rexistro de experimentos, para levar a conta de todos os que levamos feitos.

Con todo feito, chegou o momento de poñer en práctica unha das habilidades máis importantes no momento de experimentar: a paciencia. Tivemos que esperar catro días, onde día a día observamos os cambios que se producían nos ovos, tanto a simple vista como no tacto e no olor.

E así chegamos ao cuarto día, onse sacamos os ovos dos vasos, os observamos e analizamos os cambios que se produciron neles:

- O ovo metido en Coca Cola tiña a superficie máis sucia e escura, tendo incluso algunhas manchas de tamaño considerable.

- O ovo metido en xabón foi o máis difícil de romper de todos.

- O ovo metido en auga apenas experimentou cambios.

- O ovo en vinagre xa non tiña cáscara, so unha capa moi finiña que facía a súa función. Pero ademais cumpliu a premisa do experimento, converteuse en saltarín.

Con isto chegamos ao final do experimento! Sobra dicir que estamos desexando comezar xa co seguinte, ata entón, podedes ver máis detalles deste experimento na entrada do blog dos nosos compañeiros e compañeiras de EI2. Tamén podedes ver como se levou a cabo este experimento en Cervo TV, onde Noa, Ana e Matías explícannos paso a paso como facelo.