Ao longo dos meses do primeiro trimestre, estivemos a traballar conxuntamente co persoal do Parque Arqueolóxico de Campo Lameiro para crear un Calendario de Advento rupestre. A idea era que cada aula se fixera cargo da elboración de tres xogos con temática rupestre, e que logo ese xogos se convertiran en agasallos para outros compañeiros e compañeiras da escola. De ahí que, baixo a coordinación das dinamizacións de biblioteca e convivencia, comezamos a traballar en crear os distintos xogos.

Despois de moito traballo, a idea era que cada día do mes de decembro se descubrira un xogo novo relacionado co mundo da arte rupestre. Así, dende o día 1 de decembro iriamos abrindo e xogando aos xogos elaborados polos alumnos/as do centro. Pero aínda non sabiamos de que xeito podíamos gardar todos os agasallos que tiñamos preparados, así que decidimos construir unha aldea de Nadal en miniatura que, nos seus fogares, escondía agasallos para todos os nenos e nenas da escola.

O resultado foi espectacular, pois creamos dende pasapalabras, pasando polo comecocos ou o tres en raia, ata a creación dunha zona de excavación arqueolóxica. E para que todos e todas o puideramos desfrutar, o Porco Espín Serafín, a mascota da nosa biblioteca, elaborou un calendario para a apertura dos agasallos cada día de decembro. E a continuación, dende a dinamización da convivencia, organizáronse sesións de xogo conxunto entre aulas, onde cada grupo explicou como se utilizaban os xogos... Procurando reforzar as relacións entre o noso alumnado, coa nosa biblioteca sendo o centro neurálxico para o desenvolvemento desta actividade. De feito, velaquí podedes ver un vídeo resumo de todo o que fixemos. Esperamos que vos guste!!!

Ola a todos e todas! Quizais o vichedes xa a través das nosas redes sociais, pero para os que non estades por eses lares, compartimos aquí a nosa actividade para conmemorar o 25-N: "Poesía por e para elas".

En primeiro lugar, queremos deixarvos aquí un video elaborada polo Concello de Campo Lameiro, onde dende os distintos organismos públicos se fala da importancia que esta data ten na nosa forma de entender a educación. Ademais, en el a nosa directora explica en que vai consistir esta actividade e podedes ver o material que elaboramos para a celebración.

Agora si, entrando de cheo na actividade, o que fixemos foi utilizar o recurso literario da poesía para dar voz a aqueles mulleres que xa non a teñen. Quixemos dedicar uns poemas as víctimas, pero uns poemas escritos por mulleres para visibilizar tamén a figura de todas aquelas escritoras que non sempre reciben o recoñecemento que merecen.

Así que elaboramos un mural super chulo en cartón, que puideranos servir de escenario e como mural onde expor os nosos poemas. Polo que chegada a data, reunimos ao cole ao completo para facer o recital de poesía para toda a comunidade educativa.

Unha vez toco organizado, cada curso escolleu unha representante para ler o poema que máis gustou da súa clase. Foi un recital cargado de emocións, e onde tivemos a oportunidade de reflexionar sobre o que está pasando para que aínda teñamos que seguir celebrando esta data. E por suposto, co desexo de que a situación da violencia de xénero remate para poder vivir en igualdade real.

E para rematar, xuntamos todos os poemas e os puxemos na entrada da biblioteca para poder disfrutar deles todos os días.

Con isto despedimonos, non sen antes compartir un extracto dun dos poemas compartidos por unha das nosas alumnas:

"Nin sumisas,

nin escravas

sempre libres

e empoderadas."

Xa estamos de volta cunha nova actividade de dinamización de convivencia, en colaboración coa nosa estupenda biblioteca escolar. Queredes saber en que consistiu.

Pois ben, como xa saberedes todos e todas, este curso estamos a tope co CPIncúe: Iguala-T, polo cal imos traballar o tema da igualdade, tanto dende a perspectiva de xénero como racial. Por tanto, quixemos aproveitar o Día Mundial da Infancia (20 de novembro), para aprender más sobre o que son os dereitos da infancia, e debatir entre todos e todas as aulas se na actualidade todos os nenos e nenas gozan do exposto na Declración de Dereitos da Infancia.

Como o fixemos? Moi sinxelo. En primer lugar, buscamos información na nosa biblioteca, na que atopamos un libro que foi perfecto para esta ocasión: "Declración de los Derechos del Niño" de Jordi Sierra I Fabra e Christian Inaraja. Neste libro puidemos atopar nun formato moi fácil de entender, con rima e unhas ilustracións chulísimas, todo o que necesitabamos saber para por en marcha esta iniciativa.

Tendo toda a información necesaria, o seguinte paso foi a exposición en cada aula da temática. Cada grupo debatiu e falou acerca destes dereitos, e por suposto, a súa importancia para asegurar unha igualdade real entre todos os nenos e nenas, independientemente da súa procedencia, etnia, sexo, condición... Un debate que deixounos unhas reflexións moi interesantes, e que preparounos para a elaborción duns globos moi especiais.

Sintetizando todos os dereitos en dez, repartímolos a dous por aula, e cada grupo indagou sobre os escollidos. Despois, tomando un extracto do libro antes mencionado, escribimos nuns globos de cartolina en que consiste cada dereito, e fixemos unha lectura simbólica en gran grupo como posta en común do noso traballo de investigación.

Unha vez rematada a posta en común, puxemos os globos na entrada do colexio, de xeito que poidamos ter presentes os nosos dereitos todos os días, cada vez que poñemos un pé na escola. Pero xa nos coñecedes, simplemente pegar os globos non era suficiente. Así que unha cordiña por aquí, uns debuxos por alá, uns recortes por ahí... e ao final, coa axuda das nosas mestras e mestres que son unhas artistas, rematamos por facer un mural chulísimo entre todos os cursos.

Boas tardes a todos e todas!

Como xa sabedes, a principio de curso, na nosa escola comprometémonos a mellorar a través de compromisos de convivencia. Pois moi ben, chegou o momento de levar os compromisos a práctica, e decidimos facelo dicindo "NON!", a calquer tipo de violencia na escola.

Aproveitando a celebración do "Día da non violencia", o día 2 de outubro, decidimos levar a cabo asambleas en cad aaula onde falamos de violencia. Pero non soamente falamos sobre ela, falamos tamén acerca de como podemos evitala, que consecuencias ten, como nos sentimos cando somos víctimas da mesma... De xeito que puideramos concluir se realmente a violencia consigue solucionar os problemas.

Unha vez concluimos as asambleas, recollimos e repartimos polas aulas carteis onde, por acordo do grupo dentro da mesma, declaramos as nosas aulas espazos libres de violencia. E non só violencia física, dentro do noso cole non aceptamos agresións de ningún tipo e por ningún motivo.

Por tanto, a próxima vez que poida iniciarse unha situación que implique violencia; observaremos os nosos carteis para recordar que a violencia NUNCA nos leva a ningún sitio.

Benvidas a todas e todos!

Xa estamos de volta. Damos inicio a un novo curso onde tanto mestres e mestras, como alumnos e alumnas, volvemos coas pilas cargadas para ensinar, aprender e seguir traballando por facer do noso cole un lugar onde todas e todos poidamos sentirnos libres e aceptados.

O noso xeito de facelo, foi a través de compromisos de convivencia. Cada neno e nena do alumnado tiveron que pensar, que era o que eles e elas podían facer para mellorar a convivencia no colexio. Así, cada titor e titora traballou co seu grupo para chegar a estas propostas, e unha vez os tivemos listos... tocou reunirse!

Aproveitando que fixo un dia estupendo, reunímonos na entrada do colexio. Alí, foi onde introducimos o noso compromiso na súa caixa, cambiando o propósito por unha chapa de benvida ao cole e a este novo curso escolar. Todos os compromisos seguirán nesta caixa ata o final do trimestre, onde os retiraremos e consultaremos para ver se os nosos compromisos foron acadados. Se así é, pasaremos a un novo compromiso, se non, continuaremos traballando para acadar ese compromiso o vindeiro trimestre.

E xa para rematar, os mestres e mestras tamén fixemos os nosos compromisos co alumnado para mellorar a convivencia no colexio. Así que con esta nota positiva, damos a benvida a un novo curso onde agardamos aprender e divertirnos moito!

Ola a todos e todas! Sabiades que o día 2 de maio foi o "Día Internacional contra o Acoso Escolar? Pois ben, como no noso cole non se nos escapa nin unha sola data que conmemorar (e todavía máis se é para loitar contra un tema tan serio como este), puxémonos mans a obra para poñer o noso graniño de area contra este problema que padecen tantos nenas e nenos no mundo.

Dende a escola, pensamos que o acoso non é algo que teñamos que abordar só cando sucede, tamén temos que evitalo antes de que se presente. E a mellor forma de previr, e traballando os sentimentos positivos. Quixemos indagar en cales son as frases que poden facer sentir ben aos demais cando as escoitan. Unha vez que tivemos claro que esta era a mensaxe que queriamos mandar, cada alumno e alumna rexitraron as súas nuns anacos de papel.

O seguinte paso, foi buscar unha zona de paso onde, día a día, poidamos pararnos a ler unha destas frases cheas de positividade; de xeito que cando teñamos un mal día, ou necesitemos animarnos, poidamos botar unha ollada a estas bonitas palabras. Deste xeito, creamos un "Taboleiro+", onde un representante por curso colgou as frases dos seus compañeiros e compañeiras de aula.

Agora si, temos nun rincón do cole un espazo onde poidamos transmitir mensaxes positivos e agradables cara aos demais. Así que cando queiramos animar a alguén, poderemos escribir novas frases para ir mudando e cheando este taboleiro de notas que nos debuxen un sorriso de orella a orella!

CComo xa sabedes aqueles e quelas que visitades a páxina do colexio, na nosa escola non hai nada que nos guste máis que unha boa celebración. Así que xa imaxinaredes a que liamos para celebrar o Día Internacional do Bico.

Non só nos pareceu unha ocasión perfecta para repartir agarimo polo colexio, senón que ademais foi unha moi boa oportunidade para continuar traballando as emocións como parte do noso proxecto de biblioteca.

E explicados os previos, imos contarvos que argallamos. O primeiro que fixemos, foi pegar un cartel no corredor do colexio, anunciando que día era, e despois preparamos un cadro de cores que sería o lugar no que, quen quixera, podería darse un bico cos seus compañeiros e compañeiras.

E xa co espazo preparado, pensamos que sería divertido poñer unha cámara, e así gardar un recordo de canto nos queremos entre compañeiros e compañeiras. Aínda así, os bicos empezaron moito antes de que puxeramos a funcionar a cámara...

Ningún alumno e alumna librouse de recibir un bico... e o mesmo pasou cos profes. Tan pronto tivemos a algún deles cerca, conseguimso que se acercasen para chearlles a cara de centos de bicos.

Queredes ver cantos bicos repartimos polo colexio tanto os nenos e nenas de infantil como de primaria? Pois aquí tedesos videos onde podedes velo (e un video extra cos momentos máis divertidos que colleu a cámara).

No noso obxectivo de convertirnos en autenticos expertos e expertas na xestión das emocións, e como parte do noso proxecto de biblioteca, hoxe recibimos unha vez máis a Gloria, a nosa experta favorita nesta materia. Nesta ocasión, acudiu ao cole a ensinarnos a relaxarnos e xestionar as nosas emocións, ademáis de falar cos alumnos e alumnas maiores para ensinarlles técnicas de estudio.

Nas actividades levadas a cabo con Educación Infantil, e cos alumnos e alumnas de 1º e 2º, desfrutamos dun contacontos e a presentación dalgunhas ferramentas que nos van a ser de moita utilidade cando nos enfadamos e non sabemos como xestionalo.

Pero se falamos de cousas relaxantes, levase o premio o momento no que paramos para pintar uns mandalas, algo que tamén pode sernos de gran utilidade cando necesitamos relaxar a cabeza e pensar.

Pero non todo se quedou dentro do colexio, fora fixemos toda clase de xogos en movemento para aprender a identificar onde atopar as nosas pulsacións, vivir os nervios e a euforia, pero tamén a calma e a tranquilidade.

E por suposto, traballamos a respiración, unha ferramenta clave para calmarnos. Neste caso o fixemos con pompas de xabón, unha actividade que non só nos ensinou moito, senón que ademais nos divertiu un montón.

Outra das actividades consistiu en pasarnos un vaso de auga, evitando que o seu contido caise fora, o cal nos permitiu seguir aprendendo sobre o corpo en movemento e permitiu estreitar lazos con compañeiros de clases distintas a propia.

E por último, tamén participamos nun xogo grupal no que a respiración foi a protagonista e onde todos o fixeron super ben.

Sen dúbida estamos desexando que Gloria volva a darnos unha visita!

Pore outra parte, os maiores tamén tiveron a sorte de recibir unha charla sobre técnicas de estudio e ferramentas para organizarse que de seguro porán de práctica o máis pronto posible!

Como xa saberedes, o día 15 de abril conmemórase o Día da Infancia. Por iso, nun cole como o noso, pareceunos especialmente importante celebrar esta ocasión dando visibilidade a nenos e nenas con vidas moi distintas a nosa.

Para facelo, visualizamos un fragmento da película "Camiño a escola", onde amósase como un dereito que consideramos tan fundamental como a educación, noutros países e unha auténtica odisea no simple feito de chegar a escola. A través da visualización deste filme, buscamos que os nenos e nenas entenderan que para outros nenos e nenas ir a escola non é unha obriga, senón que é un privilexio.

De forma complementaria ao visionado da película, en cada aula levouse a cabo un debate no que, non solo falamos do que vimos, senón que tamén reflexionamos sobre o seu significado. Pero sobre todo, nos dimos conta da sorte que temos de ter todas as facilidades do mundo para acceder a educación. 

Xa vai algo de tempo da nosa última publicación sobre o proxecto de emocións que estamos a desenvolver como parte do noso proxecto de biblioteca, pero todo é por algo, e neste caso débese a que estivemos argallando unha nova actividade. Queredes saber cal é? Pois ben, nesta ocasión ocurriusenos mesturar ciencia e emocións, e como resultado elaboramos unha taboa periódica de emocións que nos será de gran utilidade para axudar a poñer nome as nosas emocións.

Pero a idea vai máis alá de simplemente colocar os nomes de cada emoción na parede. Nesta ocasión quixemos que o colexio ao completo fose partícipe deste recurso tan especial. Así que a totalidade do alumnado recibiu unha emoción, coa que traballou para expoñer na taboa periódica escribindo o seu nome, deseñando a sua abreviatura e decorandoa ao seu gusto.

Unha vez as recolectamos todas, os nenos e nenas das distintas aulas acudiron ao taboleiro do noso pasillo para ir poñendo a súa emoción. Deste xeito, pouco a pouco, fomos completando a táboa periódica ao mesmo tempo que buscamos o xeito de organizar as emocións según a categoría na que á incluímos: medo, amor, alegría, tristeza, asco, sorpresa...

E así, despois de moitas voltas, conseguimos rematar a nosa táboa periódica. Quizás non sexa o máis bonito, ou as letras sexan distintas, ou haxa erros na elboración... Pero iso é xusto o que buscabamos; que ademais de aprender as emocións, representase a diversidade entre os nenos do noso colexio, e que cada vez que a vexamos poidamos ver un anaquiño de nós dentro de este traballo que tanto disfrutamos facendo.