Así preparamos a nosa viaxe para asistir ás actividades do Salón do libro, podes velo nesta ligazón:

(2012-2013) Preparamos a nosa visita ó Salón do Libro?... facemos un mapa 

Tamén podes ver como elaboramos o noso traballo para o Salón do libro 2013 na seguinte entrada publicada anteriormente:

(2012-2013) Inventamos máquinas para facer o noso traballo para o Salón do Libro

 

PARTICIPAMOS NAS ACTIVIDADES DO SALÓN DO LIBRO INFANTIL E XUVENIL DE PONTEVEDRA 2013

Por fin chegou o día que tiñamos marcado no calendario, iriamos a participar nas actividades do Salón do libro e a saúdar ó lobo ORBIL.

 

No autobús fomos comprobando, co mapa que elaboramos como modelo, e que era igual o que fixeramos cada un de nos, se iamos pasando por tódolos lugares. Ó final este mapa foi pasando por tódalas mans, tanto na ida como na volta. Fomos descubrindo como iamos pasando por cada un dos lugares, agora ademáis sabiamos como se chamaba cada un deles.

 

Despois de recorrer todo o camiño, chegamos ata o Pazo da Cultura, onde despois de agardar un anaquiño comezou a aventura.

 

PATRI recibiunos na entrada e explicounos o que iamos facer.

 

E por alí pasou ORBIL a saudarnos.... todos e todas puidemos "chocarlle a man". Non sería a última vez que veriamos a ORBIL.

 

Nunha das salas, que estaba decorada como se fose o interior dunha máquina electrónica, QUELIÑA presentounos ós seus tres reloxos e  contounos varios contos...

 

Un deles cuns monicreques moi simpáticos.

 

Despois de despedirnos de QUELIÑA, voltou PATRI para irnos explicando as diferentes partes do Salón do Libro.

 

Amosounos onde estaban os traballos feitos polos colexios participantes... algúns eran moi simpáticos, outras eran máquinas moi curiosas, pero... onde estaría a nosa cámara antiga dos inventos cos nosos libros?

 

Fomos logo a outra sala onde estaba unha máquina de escribir XIGANTE, limos que tiña escrita a palabra ORBIL. Chegamos á conclusión que era a máquina que empregara ORBIL para escribir as nosas invitacións.

 

Pasamos por unha sala chea de poleas, que tal como nos contou PATRI servían para levantar cousas moi pesadas.

 

E xusto ó lado atopamos pendurado do teito un "libro-bicicleta voador"... gustaríanos montar neste aparello? houbo opinións para tódolos gustos.

 

Así de curiosa era a sala das engranaxes. Fomos quen de explicar como criamos que funcionaban as engranaxes.

 

E catro voluntarios, noutra das salas, tiraron dunhas cordas para descubrir catro palabras coas que escribir unha historia para enviarlles ó Salón do libro.

 

E de novo votamos á sala onde estaban os traballos dos colexios, descubrimos desta vez barcos, máquinas, robots...

 

E alí, entre eles, estaba o noso traballo (lembra que podes coñecelo máis polo miúdo na entrada indicada ó comezo deste texto). Segundo nos contaron, polas tardes, cando se pode visitar a exposición libremente, todo o mundo quere meterse debaixo e ver como funciona.

 

Entramos todos e todas na máquina dos desexos... cumpliríanse?

 

Tamén pasamos ó lado dunha emisora de radio, que tamén funcionaba con máquinas.

 

Chegou o momento da despedida, pero antes de marchar PATRI contounos cousas interesantes sobre un "DIRIXIBLE" feito de cartón e madeira que había na entrada.

 

E por último unha foto de grupo con ORBIL, lástima que non o puidesemos levar de volta connosco no autobús.   (fai click na imaxe para ampliala)

 

Xa fora do recinto, e mentras agardabamos a que saísen os compeñiros e compañeiras de quinto curso, chegou o momento de merendar, con moito coidado de non deixar lixo tirado polo chan.

 

Xa cos compañeiros e compañeiras de quinto fomos camiñando ó lado do río ata chegar a un parque.

 

Pasámolo moi ben subindo en tódolos columpios que había no parque.

 

E ata xogamos todos xuntos, os de infantil cos de quinto... pasámolo de medo.

 

QUERES VER MAÍS DO SALÓN DO LIBRO?

Se che parece interesante, se queres ensinarlle todo ós teus pais  ou se queres velo todo máis polo miudo, lembra que podes visitar o salón do libro de forma gratuita ata o 23 de marzo. Consulta o programa de activiadades e horarios na web oficial www.salondolibro.org. 

Podes visitar o salón de luns a domingo tamén polas tardes.

 

 

 

Podes ver como elaboramos o noso traballo para o Salón do libro 21013 na seguinte entrada publicada anteriormente:

(2012-2013) Inventamos máquinas para facer o noso traballo para o Salón do Libro

 

PREPARAMOS A VISITA Ó SALÓN DO LIBRO:

Co noso traballo para  o Salón do libro rematado  xa en Pontevedra, chegou o momento de ir preparando a nosa visita. 

O primeiro foi anotar no noso calendario o día 5 de MARZO, cando visitariamos o Salón do Libro para participar nas súas actividades... e por suposto voltar a saudar ó lobo ORBIL.

Agora cada novo día o encargado podería contar cantos días faltaban ata que chegase esa data tan especial.

 

Preparamos tamén o noso dosier persoal sobre o invento que "deseñara" cada parella, así como da "cámara antiga dos inventos". Aproveitando o xogo LIM (que xa vos amosamos na entrada que se cita ó comezo deste texto) lembramos tamén as partes do noso traballo.

 

Anotamos tamén nun listado os nenos e nenas que ían traendo a autorización para asistir ó Salón, e ó lado do nome indicabamos tamén cantos "euros" trouxeramos cada un. AlgúnS traían uha soa moeda cun número "2" e outros dúas moedas co número "1"... chegamos á conclusión que era a mesma cantidade de cartos.

 

Tamén contamos cantas moedas xuntamos, cantas tiñan o número "2" e cantas o número "1"...

 

 

FACEMOS UN MAPA PARA CHEGAR ATA O SALÓN DO LIBRO:

Para visitar ás actividades do Salón do libro, tiñamos que ir ata Pontevedra nun autobús pero... Como iamos chegar ata alí? por onde tiñamos que pasar?

A profe ÁNGELA e o profe ÓSCAR amosáronnos no E.D.I. un mapa onde estaba marcardo o recorrido de cor azul. Podía verse por onde ía a carretera e por onde había árbores e casas.

 Ámbalas dúas aulas xuntas, fomos descubrindo o que se agochaba en cada punto do mapa, no que nos podiamos ir desprazando co dedo.

 

No mapa, aparecían uns lugares marcados cunhas letras, e se premías sobre eles podías ver os lugares polos que iamos pasar... fómolos comentando un a un, algúns xa os coñeciamos e con outros tivemos que discutir ata chegar a unha conclusión. 

Podes ver o mapa interactivo que empregamos na seguinte ligazón (Fai click na imaxe para abrir a ruta en google maps con puntos marcados de street view)

Ligazón ó mapa con "lugares" marcados en street view 

 

Coas diferentes imaxes que aparecían nos puntos marcados do mapa (en street view de google maps) fomos elaborando o noso mapa, lembrando a orde en que foran aparecendo, e para que servía cada un dos lugares indicados: COLEXIO, CONCELLO, TALLER, FÁBRICAS.... ata chegar ó PAZO DA CULTURA.

 

Coas imaxes xa pegadas no noso mapa, chegou o momento de escribir, por equipos o nome de cada un dos lugares.

 

Para pegalos unha vez rematados debaixo de cada uha das imaxes dos lugares polos que iamos pasar.

 

Debuxamos as partes do percorrido no que atopariamos árbores, debuxamos onde criamos que estaban as nosas casas,  coloreamos de azul o mar, que estaba preto do Pazo da Cultura, etc.

 

Así quedou o noso mural-mapa xa rematado (fai click na imaxe para ampliala)

 

Como era un mapa demasiado grande para poder levalo no autobús, cada un de nos fixo o seu propio mapa partindo do que fixeramos entre todos e todas. Para elo tivemos que debuxar o recorrido (parecía unha "S"), situar as diferentes imaxes na orde correcta, debuxar as "árbores" nos puntos indicados e escribir o nome de cada un dos lugares (ou pegalos no caso dos máis pequenos)

 

Foi moito traballo, pero coa axunda dun modelo e prestando atención ós detalles...

 

Demos feito un mapa tan fantástico coma este...

 

Agora tan só quedaba agardar a visita ó salón para empregar o mapa no percorrido e comprobar que, efectivamente iamos pasar por todos eses lugares que xa coñeciamos.

 

Cando comezou o mes de febreiro, anotamos no calendario o día que iamos facer a tarta de cumpreanos dos nenos e nenas das dúas aulas que cumprirían anos nese mes. Cada día fomos comprobando, coa tarxeta do cumpreanos de cada quen, canto faltaba para o seu día  e tamén para a data na que faríamo-la tarta.

Por fin chegou o dìa en que puidemos tachar o día da celebrarción dos cumpreanos.

 

Xa tiñamos nas aulas os ingredientes que pediramos cunha nota ás casas dos catro nenos e nenas, que cumprían anos ese mes: JOAQUÍN, ALBERTO, XIAN e EVA.

Puxémonos mans á obra:

Mentras uns desmenuzaban as galletas OREO...

 

Os outros dous foron mollando as galletas en leite, para ilas colocando no fondo da bandexa.

 

Un pouco de leite axudou a que as galletas OREO desmenuzadas se convertiran nunha pasta, que tivemos que remexer.

 

Despois dunha capa de natillas, e doutra de galletas, chegou o turno de cubrilas coa pasta de galletas OREO.

 

E tras decorala cunhs LACASITOS, a nosa tarta xa estaba lista. Tan só quedaba metela na nevera, e esperar ata o día seguinte, cando celebrariamos a festa de cumpreanos.

 

Ó día seguinte, na celebración dos nosos cumpreanos, soplaron  4 candeas JOAQUÍN, XIAN E ALBERTO, eso si tras cantarlles a canción "cumpreanos feliz".

 

Logo chegou o turno de EVA, que como cumpría 5 anos, tivemos engadir unha candea máis. Tamén foi quen de sopralas todas dunha vez e recibiu a súa merecida canción de cumpreanos dos compañeiros e compañeiras.

 

Con tódolos invitados preparados, os catro homenaxeados comezaron a repartir anacos da tarta que fixeran entre os compañeiros e compañeiras que o pedían. Era importante ir con coidado e non esquecerse do garfo ou culler para poder comela.

 

Cando todos e todas remataron, foron tamén os encargados de recoller os pratos e cubertos de prástico, para metelos nunha bolsa de cor amarelo que logo se levaría o contedor de reciclaxe de prástico.

 

Despois da tarta, chegou o momento de comer unha patacas fritidas e gusanitos, coas que os homenaxeados agasallaron ós seus invitados

 

Rematada a festa anotámolo na nosa axenda, para poder contalo na casa.

 

E aínda nos falta traballar coa receita para poder repetila na casa, algo que xa vos contaremos noutro momento. 

Un día o profe amosounos na clase un xogo no que había que descubrir unha imaxe oculta, finalmente descubrimos que se trataba dunha máquina moi extraña, e estivemos dialogando sobre de que poderia tratarse.

Entre outras xurdiron estas hipóteses, que cada quen tivo que argumentar ós compañeiros e compañeiras:

• Era unha máquina para facer buratos
• Era unha tapa dun sumidoiro con alas
• Era unha máquina que servía para subir
• Tratábase dunhas escaleiras
• Era ...

Finalmente descubrimos que se trataba dun helicóptero moi especial, moi distinto ós que coñecemos, e que fora deseñado por Leonardo da Vinci... do que aprendimos algunhas cousas, así como dos seus inventos mirando algúns vídeos, que podes atopar aquí.

INVENTAMOS MÁQUINAS:

Días despois, pola mañá o profe trouxo unha caixa chea de moitas cousas... e tiña algo escrito nun cartel. Para que serviría? 

No lateral da caixa, demos lido entre todos, que poñia "CAIXA DOS INVENTOS", e tamén entre todos fomos descubrindo o que había dentro dela...

O profe contounos que este ano, para participar no salón do libro e poder ir visitar ó  "LOBO ORBIL" había que enviarlle un libro con "máquinas" que inventaramos nos. Tivemos que explicarlle ós novos compañeiros e compañeiras quen era o lobo ORBIL (visitamos as entradas antigas da web das nosas visitas, que podes consultar ó pe desta páxina) e tamén descubrimos como era o cartel deste ano... "A TODA MÁQUINA" é o lema do Salón 2013.

MANS Á OBRA:

O primeiro era facer os nosos inventos, para elo organizámonos por parellas e comezamos a escoller o material que iamos empregar para facer o noso invento.

Así pouco a pouco fomos probando diferentes obxectos para construir as nosas máquinas: plantillas, botes, cepillos de dentes, pinzas, estrelas, flores....

E co material fómoslle dando forma á nosa máquina... entre dous sempre xurden ideas fantásticas.

Pouco a pouco fomos rematando as nosas máquinas, e fomos explicándolle ós compañeiros e compañeiras para que servían.

Ás veces, cando un equipo remataba a súa máquina acudía na axuda doutra parella para darlle ideas e o axudase a rematalo.

Despois de moitas probas e de usar diferentes materiais, tódalas parellas de inventores deron feito as súas máquinas.

Aquí os podes velo todos, de esquerda a dereita estes son os seus nomes:

MÁQUINA DE DAR DE COMER ÁS GALIÑAS

MÁQUINA FAI TODO

SUPERCRAK

AVIÓN DE RESCATE

NAVE ESPACIAL

AVIÓN PARACAIDAS

COCHE VOADOR

Continuamos a crear novas máquinas no xogo LIM "o laboratorio do inventor".

Ti tamén podes xogar no lavoratorio do inventor facendo click nesta imaxe, ou desde o apartado xogos do recanto de infantil.

CREAMOS O NOSO LIBRO DE INVENTOS

Cos inventos xa rematados, cada parella de inventores encargouse de escribir a súa parte do libros dos inventos.

Tras poñerse dacordo cada parella sobre que estratexia empregarían para escribir os dous integrantes de cada parella (por turnos, por partes...), comezaron o traballo:

• Escribindo un nome para o seu invento.
• Escribindo como e para que se podía empregar
• Escribindo os materiais que empregaron na súa elaboración

A diferentes ritmos, segundo cada parella, cada invento conseguiu ter a súa presenza no libro.

Tan só faltaba o título, que decidimos despois de dialogar un anaco que sería: "INVENTOS NUNCA VISTOS". 

Podes ver os nosos inventos no libro "INVENTOS NUNCA VISTOS"

na seguinte ligazón (fai click na portada para ver o libro completo)

 

 

 

 

A MÁQUINA ANTIGA DOS INVENTOS

Este curso, participarán no Salón do Libro connosco, os nosos compañerios e compañeiras de Infantil 1 e os nenos e nenas de quinto. Todos e todas elaboraron os seus inventos por equipos (podedes ver os seus traballos e proceso de elaboración nos respectivos recantos nos vindeiros días)

Pero... Que invento farían os profes para participar no salón?

Unha maña apareceu na aula unha máquina rarísima... Era unha cámra de fotos antiga, e atopamos en internet fotos desas cámaras que xa non se usan.

Funcionaría?... un por un fomos meténdonos dentro e descubrimos que gardaba un secredo. Dentro mirábanse tódolos nosos inventos!!

Como funcionaría esa máquina? de que estaba feita?....Cada quen aportou as súas teorías e explicou como cría que funcionaba a máquina, que tiña dentro e como era posible que se puidesen ver os nosos inventos.

Cal sería a teoría acertada?

Para resolver as nosas dúbidas decidimos investigar, e con moito coidado abrimos a tapa, e descubrimos como era o seu mecanismo interior.

Tiña a nosa lupa pegada diante dun burato (que o profe chamou obxetivo) e dentro tiña unha roda cos nosos inventos moi pequeniños, e se lle dabas voltas xiraba a roda.

Comprobamos que, efectivamente, cunha lupa as imaxes parecía moito máis grandes... igual que sucedía na cámara antiga.

FOTOS DE INVENTORES ANTIGOS

O noso traballo para o salón tamén ía levar fotografías dos inventores das tres aulas participantes, e  como tiña que parecer que foran sacadas con esa cámara antiga , serían en branco en negro, como se fosen vellas,  e vestidos con roupas doutra época. 

O profe amosounos, como co ordenador, e dándolle a un botón co rato, as fotos modernas se convertían en vellas parecían tomadas pola cámara antiga.

Cada parella de inventores foi montando a súa foto dentro uno marco, empregando diferentes estratexias, segundo acoradaran: recortando o marco coa tesoira, picanco e logo quitando o anaco que sobraba, pegando a foto sobre o marco...

Cando fomos a levar o noso libro onde estaba a cámara antiga, no corredor do colexio, descubrimos que alí tamén estaban as fotos antigas "enmarcadas", xunto coas dos compañeiros das outras dúas aulas completando o panel dos inventores...

O traballo xa estaba rematado, e xa tiña os outros dous libros que faltaban, ademáis os compañeiros e compañeiras de quinto escribiran as instruccións para que todos e todas soubesen como empregar a cámara, e os compañeiros/as da outra aula de infantil escribiran xa o título no  panel das fotos antigas.

Pero aínda quedaba a guinda do pastel... poñer un cartel de título para todo o traballo... e eso correspondíanos a nos.

De volta á aula fomos dando ideas de como criamos que debería chamarse o noso traballo... e finalmente acordamos que se titularía "MÁQUINA ANTIGA DOS INVENTOS",  porque dentro podíanse observar os inventos, que logo se podían ver nos libros e porque ademáis facía fotos antigas.

Escribímolo no encerado entre todos e todas..

Para logo poñelo en folios de cores.

Así quedou o cartel rematado, e pendurado detrás do panel das fotos dos inventores.

Esa mesma tarde NOA e NICO coa súa nai, que é a profe Marga, levárono para a exposición do Salón do Libro.

Agardamos que lle guste ó lobo ORBIL!!!

QUERES XOGAR COS NOSOS INVENTOS?:

Podes facelo neste libro de actividades LIM (fai click na imaxe)

Agrora tan só nos queda agardar ata o 5 de marzo, cando participaremos nas actividades do Salón do Libro 2013, ata entón podes atopar máis información sobre as actividades que organiza, e os horarios por se queres visitalo para ver o noso traballo, na seguinte ligazón (fai click sobre o cartel deste ano)

Xa vos contaremos como nos vai nas actividades do Salón e todo o que imos facer ata que chegue o día da visita.

Tamén podes coñecer que é o "salón do libro", en vídeos e imaxes na seguinte ligazón (fai click na imaxe do lobo ORBIL, ou entra nos vídeos do recanto de infantil):

EN CURSOS ANTERIORES...

Tamén podes coñecer a nosa visita e traballos para o Salón do libro, en cursos anteriores, nestas ligazóns:

(2011-2012) Visitamos e participamos nas actividades do Salón do libro 2012

(2011-2012) Participamos no Salón do Libro: facemos o libro dos números da sorte 

(2010-2011) Visitamos o Salón do libro 2011 

(2010-2011) Preparamos o noso traballo para o Salón do Libro 2010 

Para edicións anteriores non dubides en visitar o blog do recanto de infantil 2.

Este ano no noso colexio decidimos facer un "entroido tradicional" disfrazándonos o día do desfile de "choqueiros", con roupa vella e estrafalaria.

A primeira aproximación que fixemos foi ó concepto de "choqueiro" é a como era o disfraza que empregariamos o día do desfile. Para elo xuntámonos na aula dos nosos compañeiros de E.I.1 e visionamos varias fotografías no E.D.I.

Cando tivemos claro o que era un CHOQUEIRO, escribimos unha carta pedindo colaboración as familias para que ese día puidesemos vir vestidos deste xeito.

Nas aulas de Infantil, durante toda a semana, tamén estivemos traballando e descubrindo  outros  aspectos curiosos do entroido tradicional galego. 

 

ENTROIDO TRADICIONAL GALEGO: PELIQUEIROS, BOTEIROS, PANTALLAS E CHOQUEIROS

Cada un dos días da semana, antes do día do desfile, adicámolo a unha persoaxe (e traxe tradicional) do entroido en diferentes lugares de Galicia: BOTEIROS, PANTALLAS, PELIQUEIROS e CHOQUEIROS. Para facelo empregamos uns vídeos, imaxes e información que podedes atopar nos videos do recanto de infantil, ou directamente  aquí.

 

Despois de comentar  e establecer un diálogo sobre cada vídeo (que fan? como se disfrazan? por que actúan dese xeito?...), analizamos polo miudo as máscaras típicas de cada un dos traxes.

 

De cada traxe elaboramos unha "folla informativa" onde escribimos o nome da "persoaxe" a acción que acordamos que facía no diálogo e debuxamos a máscara que empregaba, coas partes que comentaramos anteriormente.

 

Deste xeito elaboramos un dossier con cada un dos traxes típicos dos BOTERIOS, PELIQUEIROS, PANTALLAS e como non CHOQUEIROS, que sería o noso traxe para o desfile.

 

 

O MECO MANDA...

Tamén ó longo de toda a semana do Entroido participamos, xunto ós compañeiros e compañeiras de todo o colexio, no "MECO MANDA...".

Ós de infantil tocounos facer o primeiro "mandado", e decidimos, todos e todas xuntos que o LUNS todo o mundo debería vir vestido con roupa de cor azul.

Así o escribimos nun cartel·

 

Penduramo-lo no MECO que estaba no corredor disfrazado de choqueiro. Non vos recorda algo a un esquelete que xa fora Cabaleiro, Astrounauta e cen mil cousas máis?.

 

Para non esquecernos, cada día fomos anotando nunha nota para os nosos pais e nais, que era o que o MECO mandaba para o seguinte día.

 

O LUNS viñemos todos de AZUL, tal como acordaramos mandar desde Infantil.

 

Para poder contalo logo na casa, fixemos un rexistro cunha foto do grupo, todos e todas vestidos de azul... primeira proba superada!!

 

Cada un dos días fomos anotando nun rexistro similar se o "mandado" do Meco se cumplira ou non, coa foto de grupo para demostralo.

 

Cada día, antes de saír ó recreo iamos onda o MECO para "ler" o que poñía no seu cartel.

Así soubemos que o MARTES os compañeiros e compañeiras de primeiro e segundo "mandaron" que o día seguinte viñesemos todos con algo na cabeza.

 

E así o fixemos... todos cun chapeu, gorra ou sombreiro... segunda proba superada!!!, xa podiamos anotalo no noso rexistro.

 

O MÉRCORES, tamén cumplimos o "mandado" do MECO escollido polos compañeiros e compañeiras de terceiro e cuarto curso, de traer algo no pescozo.

Aquí estamos ámbalas dúas aulas de infantil con garabatas, bufandas, panos... Terceira proba superada!!! Novamente anotamolo no noso rexistro individual, cunha foto de grupo.

 

Para o XOVES, que sería o último día do MECO, os compañeiros de quinto e sexto, acordaron que o día seguinte había que vir "cun difraz"... o que cada quen quixera, e así o anotamos na nota para os nosos pais e nais.

 

E aquí estamos, ámbalas dúas aulas cheas de SPIDERMANS, SUPERHEROES, PRINCESAS, ABELLAS, FORMIGAS, MONSTRUOS, VAQUEIROS,  PAIASOS, INDIOS, REIS...  

 

Novamente o anotamos no noso rexistro e saímos ó patio así disfrazados, foi moi divertido xogar no recreo disfrazados de cen mil cousas distintas...

Gustounos tanto vir disfrazados, que o vindeiro ano, buscaremos un día da semana do Entroido para vir difrazados da casa con "cen mil" disfraces, como este ano. 

 

 

FACEMOS AS NOSAS MÁSCARAS DE CHOQUEIROS:

Como xa coñecíamos diferentes traxes do Entroido en diferentes lugares de Galicia, e todos eles tiñan máscara, puxémonos a facer a nosa máscara de "choqueiros".

O primeiro foi pintalas dunha soa cor, cada quen escolleu a súa favorita e organizou o seu equipo para poder pintar "xuntos" a máscara de cada un.

 

Cando estiveron secas tan só quedaba poñerlle uns dentes moi simpáticos, unhas cellas e os "coloretes".

Novamente nos organizamos por equipos, segundo a cor da nosa máscara.

 

E cun pouco de Alkil, demos pegados os diferentes elementos da máscara, cada un no seu lugar, collendo as pezas que estaban organizadas en caixas.Cantas precisabamos de cada unha? onde as tiñamos que colocar?

 

Ademáis como iamos disfrazados, porque o mandara o Meco para ese día, demos feito o traballo con moito coidado sen manchar nada o traxe.

 

Así quedaron as nosas máscaras listas..... que co traxe de choqueiros daban moita risa.

 

 

DESFILE E FESTA DO ENTROIDO.

Cando chegou o venres, e tras unha semana traballando sobre o entroido tradicional, viñemos todos vestidos de CHOQUEIROS para participar na festa e no desfile.

 

Ata as profes Merce e Loli se apuntaron co seu disfraz de choqueiro.

 

Antes do desfile estivemos pintándonos a cara uns ós outros, con maquillaxe do entroido.

 

E ata "decoramos" a cara dos profes que quedaron "guapísimos".

 

Cando estivemos todos/as listos, chegou a hora de facer o desfile ó redor do colexio, como cada ano, xunto ós compañeiros e compañeiras de todo o colexio.

 

Alí estaban as nosas familias para vernos, facernos fotos e rirse con nos :)

 

Despois dalgunhas votas polo patio acabamos dentro do pavillón onde estivemos bailando coa música que había.

 

E como fin de festa, degustamos postres típicos do entroido: orellas, filloas, flores... que fixeran as nosas nais e pais e que trouxeramos ó colexio

 

E, por suposto, xogamos a facer "choqueiradas" polo patio.

Para conmemorar o día da paz estivemos traballando sobre o tema durante varios días antes.

Miramos o  VÍDEO "OS PAXAROS" 

Dialogamos sobre o que sucedía nel, pantexando unha serie de preguntas:

Por que non queren estar co paxaro grande?  por que se rin do paxaro? por que lle fan burla? que deberían facer os paxaros pequenos?  por que animan os paxaros pequenos a que picoteen o grande? sucedería o mesmo se deixasen estar con eles ó paxaro grande? Como se sentirían os paxaros?

Debuxamos o que sucedía no  vídeo escribindo o que dicía cada unha das persoaxes do mesmo.

 

Outro día, xunto cos compañeiros e compañeiras da outra aula, estivemos analizando e falando sobre un mural que tiña a profe Ángela na súa aula. Nel unhas persoaxes contaban "que cousas podemos dar"...

Así fomos dando ideas de que "podemos dar..." ós demáis sen que custe cartos:

• Un bico
• Unha aperta
• Unha flor
• Unha idea
• Un sorriso
• Axudar
• Unha carta
• Unha man
• Escoitar

Con cada ídea fomos "dramatizando" o que decidimos escoller: dar un bico, unha flor, unha aperta, axudar... 

 

Organizámonos por parellas ou tríos, segundo apareciamos nas fotografías.

 

Cada parella tiña que, tras poñerse dacordo, recortar a fotografía, pegala nun folio de cor (que previamente dobraran pola metade)

 

E escribir na parte de fora o que sucedía na foto: BICOS, APERTA...

 

A medida que ía rematando cada equipo pendurábao no mural do corredor.

 

Completamos o mural escribindo "DÍA DA PAZ" e "30 DE XANEIRO", que é o día da paz.

 

Na nosa aula coloreamos e escribimos o que dicía unha das persoaxes do mural, e os nosos compañeiros e compañeiras da outra aula encargáronse do outro.

 

Decidimos decorar o mural con "símbolos da paz" que buscamos no ordenador. Tivemos que contar cantos necesitaríamos na nosa aula, e pegar tantos símbolos como nenos e nenas. Unha vez rematados tivemos que "calcular" cantos tiñamos que borrar para que houbese un para cada un dos compañeiros e compañeiras da outra aula.

 

E así quedou o noso mural, case rematado, coas persoaxes, o título e os nosos "agasallos". Tan só faltaba ir pegando no mural os símbolos da paz que estabamos coloreando.

 

Se levantabas un dos nomes... aparecía a nosa foto.

 

Podes ver tódalos agasallos que "queremos dar...", no xogo LIM que atoparás no recanto de infantil no apartado xogos.  Fai click na imaxe para abrir o noso xogo.

 

E así quedou o noso mural rematado, xunto co que fixeramos para o festival de Nadal, na nosa obra "meniños de tódalas cores".

 

Tamén fixemos un mural "en pequeno" para ensinar na casa todo o que "podemos dar...". Fomos pegando as fotos e iamos o mural a ver que "tiñamos que escribir" en cada unha delas.

 

Cun laciño estaba listo para levar para casa.

 

Colaboramos tamén no mural sobre o paz feito por todo o colexio, pegando as nosas notas musicais.

 

CHEGOU O DÍA DA PAZ:

O día 30 de xaneiro, tal como poñía no calendario, iamos celebrar o día da paz no colexio.

Xa pola mañá viñeron unhas nenas de sexto a contarnos un conto titulado "orellas de bolboreta".

 

Logo fomos tódolos nenos e nenas do colexio á sala de usos múltiples.

 

Alí miramos un pequeno vídeo sobre a paz, e tamén o vídeo dos paxaros que tanto nos gustara!!!

 

Como remate de festa cantamos e bailamos a canción "eu non pego". 

 

Despois da celebración, tan só nos quedaba anotar na nosa axenda-diario, o que sucedera ese día.

 

Escollemos pegar unha foto do mural da paz e escribir "día da paz", así o poderiamos comentar na casa coas nosas familias.

 

 

 

Podes ver os pasos anteriores deste proxecto de investigación, nas seguintes ligazóns:

• - Xa temos o primero proxecto de investigación do curso: Os dinosaurios 
• - Primeiros descubrimentos sobre os dinosaurios.
• -  Continuamos a investigar sobre os dinosaurios
• -  Iniciamos unha excavación de dinosaurios na aula
• - Rematamos a nosa excavación e a investigación sobre os Dinosaurios

Como xa nos contamos nuna publicación anterior, cando rematamos a nosa investigación montamos un "museo" no corredor do pasillo. Pero aínda nos faltaba por levar para as nosas casas o dossier persoal.

 

Tamén estivemos xogando cunhas actividades LIM que creou o profe con todo o que fomos descubrindo, podes atopalas no recanto de infantil, no apartado xogos, ou directamente desde aquí.

 

Ó longo da investigación xa foramos completando o noso dossier con cada descubrimento, como por exemplo con "cando apareceron e desapareceron os dinosaurios.

 

Ou como se chamaban os diferentes tipos de dinosaurios, para o que fomos buscándoos na pantalla e pegando (ou escribindo) o seu nome debaixo de cada un deles.

 

E tamén incluimos que fontes de información empregamos e en que equipos de investigación participamos.

 

Completamos o dossier, coas páxinas que quedaron sen completar a cada quen, porque ese día non viñera ó colexio, menos mal que podiamos consultar no mural aqueles aspectos que non lembrábamos.

 

Por último buscamos as letras da palabra DINOSAURIO nos nosos coñecementos previos.

 

Tan só nos quedaba escoller un dinosaurio para poñer na portada do noso dossier.

 

Podes ver un exemplo de como quedou o noso dossier aquí

 

 

No mes de xaneiro catro compañeiros e compañeiras cumplían anos. Na nosa aula YESSICA e NOA cumplían catro anos e na dos nosos compañeiros de E.I. 1, NICOLÁS e RUBÉN que cumplían seis.

Nesta ocasión, os homenaxeados elaboraron unha tarta de galleta e natillas.

 

Con esta boa pinta quedou rematada, deixámola enfriando na nevera ata o día seguinte, cando tería lugar a festa.

 

Os catro compañeiros e compañeiras que cumplían anos neste mes foron a buscar a tarta, mentras o resto de compañeiros preparaban a aula para a gran festa.

 

Así soplaron as súas catro candeas NOA e YESSICA

 

E así o fixeron NICO e RUBÉN, nesta ocasión en lugar de seis candeas, empregaron unha que tiña o número "6"

 

Os anfitrións foron repartindo anacos de tarta os seus "invitados"

 

Rematamos a festa cuns gusanitos e patacas fritidas ;)

 

Podes ver os pasos anteriores deste proxecto de investigación, nas seguintes ligazóns:

• - Xa temos o primero proxecto de investigación do curso: Os dinosaurios 
• - Primeiros descubrimentos sobre os dinosaurios.
• -  Continuamos a investigar sobre os dinosaurios
• -  Iniciamos unha excavación de dinosaurios na aula

 

Á volta das vacacións de Nadal retomamos a nosa investigación sobre os Dinosaurios, aínda nos quedaban preguntas por respostar.

 

Rematamos a excavación... comeza a reconstrucción dos dinosaurios

A nosa escavación estaba a punto de finalizar, e entre todos e todas demos desenterrado tódolos fósiles que había agochados. Cando xa non parecía quedar ningún, os paleontólogos de E.I.2 revisaron minuciosamente para que non se nos "colase" algún oso pequeno.

 

Montar o esqueleto dos dinosarios, cos fósiles atopados non foi nada doado, eran moitos e había que "descubrir" onde ía cada un... despois de algo de "ensaio-erro" demos reconstruido os esqueletos dos dous dinosaurios.

 

Como xa sabiamos que os osos fósiles eran moi "delicados", metímolos dentro dunhas caixas no nos "museo", e engadimos un cartel de "non tocar", para que os visitantes non os destrozasen sen querer.

 

 

Como se chamaban os dinosaurios?

Outra das preguntas que tiñamos pendientes era saber "como se chamaban os dinosaurios", decidimos investigalo todos xuntos. 

O primeiro que fixemos foi "dialogar" sobre onde podiamos atopar nomes de dinosarios, os que xa coñeciamos, os que eran de verdade ou persoaxes de debuxos animados...

Finalmente decidimos comezar co video da canción dos nomes dos dinosaurios que nos encanta a todos e todas.

Lembra que tes moitos máis vídeos sobre os dinosaurios no apartado VÍDEOS do recanto de INFANTIL. [aquí] 

 

 

Ademáis nese vídeo aparecían escritos os nomes dalgúns dinosaurios, así que repartimos unha fotografías de dinosaurios reais e fomos identificando cales eran os que ían saíndo no video como "debuxos animados". 

 

Cando estaban indentificados, pegámolo no libro dos dinosaurios e escribimos o seu nome.

 

Como son moitísimos, fomos escribíndoos por turnos ó longo de varios días... cando alguén quería escribir un novo dinosaurios xa sabía o que tiña que facer para engadir un novo.

 

Para as restantes preguntas traballamos, como sempre, por equipos.

 

Cando apareceron e cando desapareceron? 

Este foi o equipo encargado de atopar resposta a esta pregunta.

 

Buscaron a resposta entre toda a información que atoparon no "recanto da investigación", tiñan claro que había que buscar un número... e pensaron que seguramente tiña que ser "moi longo" porque ámbolos dous feitos (aparecer e extinguirse") sucederan fai moitísimos anos.

 

Despois de moito buscar, e de preguntar ó profe que  eran os números que ían atopando, deron coas respostas que estaban a buscar.

 

Escribíronas nun papel e pegáronas no mural para da investigación.

 

Chegado o seu momento tamén explicaron ó resto dos compañerios e compañeiras o seu descubirmento. Como sempre acordando entre eles quen falaría e como o ían a explicar.

 

Canto pesaban e medían?

Outro equipo encargouse de buscar a resposta a "canto pesaban e medían"?

 

Tamén neste caso pensaron que tiñan que buscar "números" que indicasen o peso ou a altura. Finalmente deron coa resposta nunhas tarxetas que tiñamos entre a información, que indicaban o nome do dinosaurio e outros datos como a "altura e o peso".

 

Tamén atoparon no ordenador un listado co nome de dinosaurios, o peso e a altura, tan só quedaba completar no libro dos dinosaurios os datos que faltaban.

 

 

Entre todos e todas, ó longo dos días, fomos completando o noso libro, buscando a fotografía do libro que se correspondía  co dinosario que se veía na pantalla. "Lendo" onde indicaba o peso e onde indicaba a altura.

 

Chegado o momento tamén tiveron que expoñer ós compañeiros e compañeiras como e onde atoparan a resposta.

 

 

Que comían os Dinosaurios?

Unha das últimas preguntas que quedaban pendentes era saber que comían os dinosaurios.

 

Buscaron entre os libros que había no recando da investigación e foron "descubrindo" que comían os dinosaurios de cada tipo. Para descubrilo ás veces atopaban unha imaxe onde aparecia claramente indicado, outras "deducían" por se tiñan dentes ou non... e noutros casos, cando había dúbidas, buscaban no ordenador, coa axuda do mestre, a resposta axeitada.

 

Foron completando no libro dos dinosaurios, xunto  ós datos escritos polos outros equipos, se se trabata dun "carnívoro" ou dun "hervívoro", debuxando ademáis o que podían comer (de verde se era hervívoro e de vermello se era un carnívoro".

 

Tan só faltaba explicarlles os compañeiros e compañeiras o resultado da súa investigación, e como o plasmaron no libro.

 

No mural da investigación, escribimos un cartel indicando que as preguntas sobre o nome dos dinosaurios, a súa altura, peso e tipo de alimentación, tiñan as súas respostas no "libro dos dinosaurios".

 

 

 

Dinosaurios de verdade ou de mentira:

Por último, quedaban algunhas preguntas que non tiñamos claro se realmente podían ser posibles ou non. 

- Tiñan xoguetes? Ían o baño? Como ían ó colexio?...

Estivemos debatindo durante un tempo sobre que cousas eran reais e cales eran de "mentira", ou aparecían só nos debuxos animados.

Finalmente comezamos a ver na pantalla vídeos que tiñamos na nosa información para ver se o que contaban era realidade ou só "debuxos animados".

 

Cando aparecía algo que críamos que non era de verdade (un dinosaurio nun tren, un dinosaurio cantando...) parabamolo vídeo e comentabamos se era de verdade ou mentira. Cando chegamos a un acordo escribiamolo nun listado.

 

E despois de ver varios dos nosos vídeos así quedou a lista das cousas que SI eran verdade ou posibles e cales NON eran verdade.

 

 

Medimos menos que os dinosaurios:

Agora que xa sabiamos canto medían os dinosaurios, quixemos saber "canto medíamos nos"... o primeiro que fixemos, non sen un pouco de traballo e discusións, foi ordenarnos de "máis alto a menos alto", sendo o máis baixo de todos un gatiño de xoguete que trouxera Noa.

Descubrimos que as nosas cabezas, así colocados, parecían un "tobogán" que baixaba.

 

Usando o medidor da aula, e con axuda dun compañeiro que poñía un gomet na nosa altura, fómonos medido...

 

E escribindo a nosa altura, que era un número, na folla do noso dossier persoal sobre os Dinosaurios, alí puidemos compara o pequiños que seriamos ó lado dun dinosaurio... menos mal que xa non existen.

 

 

Un museo para tódolos compañeiros/as do colexio:

Coa investigación rematada, movemos o noso "museo" ó corredor do colexio, para que tódolos compañeiros e compañeiras puidesen pasar por el e descubrir cousas dos dinosaurios.

Alí podes atopar o noso ovo de dinosaurio a tamaño real, o noso mural da investigación, os esquelos fósiles reconstruidos e o libro dos dinosaurios, que iremos ampliando ó longo do curso.

 

Cando xa estaba montado decidimos deixar claro que non podían tocar os fósiles do museo, pero si o libro dos dinosaurios, así que completamos o cartel de aviso. 

Agora di "NON TOCAR FOSILES DE DINOSARIOS"

 

Ademáis, tamén engadimos unha secuencia de imaxes sobre o proceso da excavación... así todos saberían como construimos os esqueletos.

 

Tan só nos falta rematar algunhas partes do noso dossier persoal sobre os dinosaurios, para poder levalo para casa.

 

 

 

 

Antes de que chegaran as vacacións de Nadal, aínda nos quedaban varias cousas por facer: escribir a carta a Papa Noel ou os Reis Magos, facer o noso boletín "as novas da escola" e sobre todo "actuar no Festival de Nadal".

 

PREPARAMOS O BUZÓN PARA AS CARTAS DE PAPA NOEL E OS REIS MAGOS:

Como queriamos escribir a carta a Papa Noel e ós Reis Magos, pensamos que deberiamos ter un buzón onde poder meter as nosas cartas, e que tódolos compañeiros e compañeiras do colexio tamén puidesen usalo.

Preparamos un cartel con forma de "FLECHA".

 

E nel escribimos a palabra BUZÓN xunto con PAPA NOEL e REIS MAGOS, para que ninguén se equivocase e soubese onde meter as súas cartas.

 

Así de chulo quedou o noso cartel e o buzón xa rematados.

 

Tan só quedaba escribir a nosa carta...Algúns compañeiros/as da outra aula tamén se "apuntaron" a escribir a súa carta.

 

Tan só faltaba metela dentro do buzón ;)

 

 

FACEMOS A PORTADA DOS NOSOS TRABALLOS E O BOLETÍN "AS NOVAS DA ESCOLA"

Tiñamos tamén que organizar algúns dos traballos que fixeramos este trimestre (xa que o dosier dos dinsaurios o iamos levar para casa en xaneiro porque aínda non o tiñamos rematado). 

Como NOA nos trouxo un debuxo chulísimo de Papa Noel que fixera na súa casa, pensamos que sería boa idea facer así a portada dos nosos traballos.

O primeiro foi facer unha lista das cores que precisariamos para facer o noso "Papa noel".

 

Escribímola entre todos, "analizando" a cor de cada parte, e os pasos que pensabamos precisariamos, para facer o noso "Papa Noel".

 

Empregando a lista, fomos a buscar a témpera das cores que iamos necesitar.

 

Xa só nos quedaba "facer a nosa portada" traballando por parellas para "pintar de branco a nosa man" e facer a barba de Papa Noel...

 

E para axudarnos a poñerlle o resto dos detalles.

 

Fixemos tamén o noso boletín "as novas da escola", para contar na casa, escribindo "pes de fotos", algunhas das cousas que fixemos nestes primeiros meses do curso. Ademáis de "presentalle ós nosos pais/nais a tódolos mestres da aula" ( os de 4 e 5 anos) e debuxarnos a nós mesmos/as (os de tres anos)

Podes ler de seguido as páxinas interiores do boletín "novas das escola" deste trimestre, que acompañaban as realiazadas polos alumnos e alumnas.

Descargar pdf coas páxinas intereriores do boletín "as novas da escola"

Preparamos as nosas fichas e o boletín "as novas da escola" dentro da nosa carpeta, para poder levalos para casa.

 

 

UNHA GRAN ACTUACIÓN TEATRAL:

O último día antes das vacacións de Nadal, o 21 de DECEMBRO, tal como o tiñamos sinalado no calendario da aula, tería lugar a nosa actuación no Festival de Nadal, pero antes tiñamos moitas cousas que preparar para os dous bailes e a obra de teatro, que representariamos xunto ós compañeiros e compañeiras da outra aula.

Para a obra de teatro dos de 5 anos iamos precisar varios utensilios:

Un "tambor" para os nenos de cor negro. Buscamos en internet imáxenes de tambores e escollemos o que máis nos gustou.

 

E decoramos o noso tambor para que quedase igual.

 

Precisariamos tamén un mural con "nenos e nenas de moitas cores", que debuxamos e coloreamos entre todos e todas.

 

E uns abanos para os "nenos amarelos" que decoramos por equipos con diferentes materiais.

 

Traballamos tamén coa letra das cancións e texto da obra de teatro, que iamos representar no Festival de Nadal. (buscando letras do noso nome ou completando palabras que faltaban)

 

Estivemos ensaiando no escenario durante varios días as nosas postas en escea. Despois de varios ensaios xa o tiñamos todo preparado.

 

Uns días antes do Festival o profe ensinounos unha serie de "imaxes" moi extrañas, tiñan letras e fotografías... Para que servirían? Algúns pensaban que eran portadas de libros, debuxos... ata que Diego nos contou que eran carteis como os que el vira cando fora ó teatro.

Despois de dialogar entre todos, chegamos á concluisión de que os números indicaban a data de diferentes actuacións e o prezo da mesma, e as letras indicaban quen actuaba e os nomes dos "actores".

 

Decidimos facer o noso cartel teatral, anunciando as nosas tres actuacións, cos mesmos elementos que os carteis que miraramos na pantalla: o nome das actuacións, a data das mesmas, o prezo e os artistas invitados.

 

Puxemos o noso cartel no corredor para que todos e todas soubesen cando cando era a nosa actuación. Antes de marchar para casa comprobamos que tivera tódolos elementos que miraramos no cartel do ordenador.

 

Ademáis fixemos unha invitación persoal, cos mesmos elementos, para as nosas familias. Nas que ademáis de escribir o nome da nosa actuación tamén indicamos, pola parte traseira, que vestiario iamos precisar. 

 

O día do Festival, as nosas actuacións foron todo un éxito:

"O pitufo Santa Claus" dos compañeiros/as de tres anos.

 

"Santa Claus llegó a la ciudad" dos compañeiros/as de catro anos

 

E a obra de teatro "Meniños de tódalas cores" dos compañeiros/as de cinco anos.

 

Podes ver fotografías das restantes actuacións neste festival de Nadal na galería de imaxes da web, ou directamente desde aquí.

Lembrade que, como cada ano, poderedes ver este Festival no DVD que se entrega xunto a revista "O Cervo" 

 

BO NADAL  e FELIZ ANO 2013 para todos e todas!!