Nova edición de contos compartidos na que Ariadna e Daniela Garrote viñeron a contarnos El nuevo nido de los pequeños marsupilamis, unha historia moi graciosa na que a familia de marsupilamis busca un novo fogar para vivir, na súa búsqueda terán que resolver diferentes situacións que implican a outros animais. Grazas compañeiras por vir a ler á nosa clase.

No mes de decembro adicamos boa parte das actividades do ambiente ao Nadal. Realizamos actividades creativas e decorativas como a decoración dunha árbore de Nadal con adornos típicos, a reprodución dun poboado de Nadal, así como as actividades plásticas de pintado de bolas nunha árbore empregando pompóns ou dunha bola seguindo uns patróns dados. Pero tamén tivemos outras actividades como a creación de pulseiras onde se traballa a motricidade fina, a construción con ladrillos onde traballamos a motricidade grosa, a reprodución de imaxes seguindo un modelo traballando na mesma a lateralidade e as dimensións ademais do trasvase de lentellas onde coordinación óculo-manual é fundamental.

https://youtu.be/6njpIQSYHEY

No mes de outubro celebramos o samaín e continuamos con outras actividades que permanecen no noso ambiente sobre o outono. En concreto as referidas ao samaín foron as adicadas a realizar arañas e pantasmas, mandalas e labirintos. Pero tamén desfrutaron moito dos desfraces, as construcións, os animais ou a mesa de luz e a mesa de experimentacións onde fixeron trasvases de fabas negras.

https://youtu.be/ZwH6aT4b8v4

Ao longo deste trimestre participamos nos diferentes proxectos tanto de centro como de ciclo realizando diferentes actividades que contribúen ao desenvolvemento dos mesmos.