Unha vez máis, o alumnado de Centieiras volveu ás ondas de Radio Fene cunha nova edición do noso programa Crónicas de Centieiras.

Premendo na seguinte imaxe, poderedes escoitar o programa:

Desta vez foi a quenda de 1º e 6º de primaria, que fixeron un repaso das actividades, celebracións e outras novas interesantes da escola.

Os nenos e nenas de 1º falaron dun tema do que son uns auténticos expertos e expertas, os planetas do Sistema Solar e fixérono mediante unhas enxeñosas adiviñas. A ver se sodes quen de acertalas todas.

Ademais de facer o labor de locutores e locutoras de radio, tamén tiveron tempo para xogar na praza un anaco e fixérono de marabilla, xogando xuntos maiores e pequenos, daba xenio velos!

Parabéns, rapazas e rapaces, fixéstelo todas e todos xenial!