Tanto interese e curiosidade espertou nas nenas e nenos o tema do poema que preparamos para o Día da Poesía, que decidimos facer un miniproxecto dos dinosaurios ao que xa puxemos nome “Dinosaurios al ataque”.

Logo de facer unha choiva de ideas do que saben sobre estes seres poidemos comprobar que xa case son expertas e expertos en dinosaurios, pois coñecen moitas cousas deles. Grazas a esta choiva de ideas tamén descubrimos cales son aqueloutras cousas relacionadas co tema que lles espertan máis curiosidade e queren de averiguar.

Polo que que apuntamos todo o que nos gustaría investigar e escribimos unha nota ás familias para pedirlles axuda nesta nova andaina.

A súa resposta foi moi rápida e pronto tiñamos na aula moito material para poñernos mans á obra.