Estimadas familias:
Vén de publicarse a Orde do 06 de novembro (DOG 10 de novembro) que abre un novo prazo para aqueles pais/nais que non solicitaron as axudas para a adquisición de material escolar no curso 2015-16 ou ben aquel que, téndoa solicitada, resultase excluído por unha causa emendable ( nese caso debe achegar a documentación pertinente). Os requisitos para a solicitude son os mesmos que na anterior convocatoria (ter unha renda per cápita inferior a 5.400 €, que o alumno estea matriculado no centro e non estar incurso nas prohibicións para obter a condición de beneficiario). Todos aqueles interesados/as poden pasar pola Secretaría do centro ou ben cubrilos datos no seguinte enlace e entregar no centro:
Segunda convocatoria de axudas para a adquisición de material escolar: curso 2015/2016
Aqueles solicitantes aos que xa lles foi concedida a axuda NON poden volver a solicitar a mesma. O prazo de presentación de solicitudes será de 10 días hábiles contados a partir do día seguinte da publicación da Orde, é dicir, ata o luns 16 de novembro.
