CEIP de Caión |

ADMISIÓN ALUMNADO. LISTAXES DEFINITIVOS DE ADMITIDOS E NON ADMITIDOS + XORNADA DE PORTAS ABERTAS.

Mar, 05/16/2023 - 14:52 — José

Informamos ás familias que todo o alumnado que realizou a solicitude de admisión dentro do prazo para o curso 2023/2024 están admitidos no centro (agás en 1º de primaria, onde xa se lle comunicou como proceder de xeito individual á familia non admitida).

As listaxes están publicadas no taboleiro do centro.

A formalización de matrícula será do 20 ao 30 de xuño.

Para o alumnado de nova incorporación de 4º de Educación Infantil, farase unha xornada de presentación do centro e a aula para as crianzas e familias. Terá lugar o mércores 14, de 11:00 a 12:30 (aproximadamente).

Nesa xornada informarémosvos de como proceder e a documentación que teredes que aportar.

Calquera dúbida podedes mandar un correo ao ceip.caion@edu.xunta.gal ou chamar ao 881880694.

ADMISIÓN ALUMNADO. LISTAXES PROVISIONAIS DE ADMITIDOS E NON ADMITIDOS

Ven, 04/28/2023 - 11:05 — José

Procédese á publicación das listaxes provisionais de admitidos e non admitidos para o curso 2023/2024.

Todas as solicitudes recibidas para 4º de E. Infantil e 3º, 4º e 5º de primaria, foron admitidas.

As solicitudes recibidas para 1º de primaria tiveron que asignarse por proceso de baremación e, provisionalmente, hai unha solicitude que non obtivo praza.

Estas listaxes pódense consultar no taboleiro do centro ou na aplicación admisiónalumnado (empregando a chave 365 ou o certificado dixital). Non se publicarán na web, debido a lei de protección de datos.

Poderase formular reclamación ante o consello escolar no prazo de 5 días hábiles contados a partir do seguinte día ao da súa publicación.

Publicación de listaxes definitivas antes do 16 de maio.

O prazo de formalización de matrícula será do 20 ao 30 de xuño.

Proceso de ADMISIÓN DE ALUMNADO no CEIP de Caión. Curso 23-24.

Mar, 02/28/2023 - 18:09 — José

PREMENDO NESTE ENLACE TERÁN ACCESO A UNHA CIRCULAR INFORMATIVA DE TODO O PROCESO, CALENDARIO E INSTRUCIÓNS.

Dende o día 1 ao 20 do mes de marzo, poden proceder á solicitude de admisión para o novo alumnado.

Teñen a súa disposición a solicitude na dirección do centro ou pode descargala no seguinte enlace. Tamén existe a posibilidade de cubrir a solicitude online na aplicación da Xunta "admisionalumnado". En todo caso deberá ser presentada finalmente no centro, a non ser que se valide na SEDE ELECTRÓNICA. (é preciso ter activado o servizo Chave 365 ou Certificado electrónico).

Solicitude de admisión: Do 1 ao 20 de marzo (premer para descargar e cubrir a solicitude)

Para alumnado que non está actualmente matriculado no centro. É dicir, novas matrículas para o curso 2023/24.

Documentación:

Impresos de solicitude cumprimentados
Copia DNI da persoa solicitante e dos membros computables da unidade familiar, cando denegue a consulta.
Documentación acreditativa do requisito de idade do/da alumno/a.
Documento acreditativo de estar en dispoisición de reunir os requisitos académicos exixidos en cada nivel educativo ou etapa nos termos do Anexo II.
Convenio regulador ou resolución xudicial de separación xudicial ou divorcio, se é o caso.
Xustificantes se o alumnoa/a presenta necesidades específicas de apoio educativos (achegando, se fose o caso, a documentación que acredite as circunstancias alegadas, se for o caso).
En caso de baremación deberá achegarse a documentación que indica na ORDE do 21 de outubro de 2022, no Artigo 31. Documentación complementaria :

O proceso terá o seguinte calendario:

Calendario do proceso de admisión para o curso 2019/20
Presentación de solicitude de admisión	Do 1 ao 20 de marzo
Publicación das listaxes provisionais de admitidos e non admitidos	Antes o 25 de Abril
Publicación de listaxes definitivas	Antes de 15 de maio
Formalización de matrícula	Do 20 ao 30 de xuño

Unha vez transcurrido o prazo de admisión e publicadas as solicitudes admitidas, neste enlace podedes descargar a solciitude de formalización de matrícula (no mes de xuño con Anexo III).

Formalización de matrícula: Do 20 ao 30 de xuño (premer para descargar e cubrir a solicitude)

Prazas vacantes
	EDUCACIÓN INFANTIL
Niveis	4º INFANTIL		5º INFANTIL		6º INFANTIL
Prazas ofertadas	25 3 (NEE)		3		7
	EDUCACIÓN PRIMARIA
Niveis	1º CURSO	2º CURSO	3º CURSO	4º CURSO	5º CURSO	6º CURSO
Prazas ofertadas	1	0	3	3	6	3

HORARIOS

CONCILIANDO NA LARACHA (MADRUGADORES): 07:00 - 09:30h.

HORARIO LECTIVO: 9:30h - 14:30h.

SAÍDA TRANSPORTE ESCOLAR: 14:30H

SERVIZO DE COMEDOR: De 14:30 a 16:00h

SERVIZOS EDUCATIVOS COMPLEMENTARIOS

TRANSPORTE ESCOLAR: Servizo gratuíto para alumnado que vive a máis de 2 km do centro. As prazas libres poden ser solicitadas polo resto do alumnado pertencente a área de influenza do centro.
COMEDOR ESCOLAR:Servizo de pago que é xestionado pola ANPA. Os usuarios poden ser fixos, fixos-discontinuos ou esporádicos.
CONCILIANDO NA LARACHA: Servizo coordinado polo Concello, no que o alumnado pode vir á escola a partir das 07:00 am até o comezo das clases. Ver aquí toda a información do programa
BIBLIOTECA - LUDOTECA -SALA DE ESTUDOS: (de valde) O alumnado terá a súa disposición dende ás 16:00h ata as 18:00h de luns a xoves. Estas actividades son guiadas por profesorado do centro.
OUTRAS ACTIVIDADES (ANPA E CONCELLO): Ofertan distintas actividades de pago ou de valde segundo demanda en horario de 16:00h a 18:00h.

OUTRAS INFORMACIÓNS DO PROCESO DE ADMISIÓN DE ALUMNADO PARA O CURSO 2022-2023

- Anexo II: "ADMISIÓN DE ALUMNADO EN CENTROS DOCENTES SOSTIDOS CON FONDOS PÚBLICOS (ED550B)

- Anexo III: "DOCUMENTO DE FORMALIZACIÓN DE MATRÍCULA EDUCACIÓN INFANTIL E PRIMARIA"

-Enlace á web da Xunta con información sobre o procedemento.

- Circular informativa sobre o proces de admisión.

- Publicación de vacantes.

-Enlace á aplicación de solicitude de praza admisionalumnado da Xunta.

Xornada de portas abertas Curso 23/24!

Xov, 02/09/2023 - 14:18 — José

Vémonos o vindeiro luns 13 de febreiro ás 16:30 horas, momento no que celebrarmos a nosa xoranda de portas abertas para as familias de nova incorporación.