Novas de interese

CONSTITUCIÓN DA XUNTA ELECTORAL

De conformidade co establecido na Resolución do 19 de setembro de 2014 da Dirección Xeral de Educación, Formación Profesional e Innovación Educativa da Consellería de Educación e Ordenación Universitaria (DOG 1/10/14), realizarase proximamente neste Centro a renovación do CONSELLO ESCOLAR que é o instrumento de participación na vida escolar de todos os sectores educativos do Colexio.

A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e integrada por:

     - O Director ou directora do Centro.

     - Un profesor ou profesora.

     - Un pai ou nai ou titor legal.

     - Un representante do persoal de administración e servizos (no noso caso non habería, xa que non temos).

Os tres últimos serán designados por sorteo segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). Dito sorteo, que será público e no que se preverá a designación de membros suplentes, celebrarase na biblioteca deste Centro o próximo Martes 28 de outubro ás 12 horas.

O resultado do mesmo será exposto na porta do centro e os membros escollidos serán debidamente informados.

Resolución provisional de centros seleccionados, suplentes e excluídos para participar en actividades de inmersión lingüística en inglés dirixidas ao alumnado de sexto curso de educación primaria e de ESO.

O pasado venres 18 de setembro resolveuse a Resolución do 5 de xullo de 2013 pola que se regula a convocatoria e a selección de centros docentes dependentes desta consellería para participar en actividades de inmersión lingüística en Inglés dirixidas ao alumnado de 6º curso do noso centro.

Aquí tedes toda a información ao respecto:  ENLACE Á PAXINA.

Por desgracia non fomos seleccionados. O noso centro quedou de suplente. Velaquí podedes ver as listaxes:

Relación provisional de centros seleccionados 6º curso de Educación Primaria.

Relación provisional de centros suplentes 6º curso de Educación Primaria .

Nun prazo de 5 días confirmaranse os participantes que finalmente gozarán desta experiencia.

Queremos darvos a benvida ao novo curso académico que nos agarda, informando aos familiares dos nenos e nenas do CEIP de Caión que o vindeiro mércores 11 de setembro comezarán as clases.

O horario será de 9:30 a 14:30 para todos, agás os nenos de 3 anos que comezarán co período de adaptación. Para favorecer a incorporación destes nenos por primeira vez á nosa escola procederase a unha flexibilización horaria que quedará establecida da seguinte xeito:

§  Mércoles 11 e xoves 12 de septembro; de 11:30 a 13:00.

§  Venres 13, luns 16 e martes 17; de 11:30 a 13:30.

§  Mércores 18, xoves 19 e venres 20: 10:20 a 13:40.

A partir de ahí, o horario será o propio da xornada escolar.

Saúdos e deica o mércores!

O vindeiro mércores 12 de setembro darán comezo as clases do presente curso académico. Tras un tempo de lecer é tempo de volvernos ver coas pilas ben cargadas.

Como sabedes este ano temos algún cambio na organización escolar e de seguro que tedes algunha dúbida ao respecto. Deste xeito, o mércores 12, ás 9:30, a Directora fará unha reunión informativa para as familias dos nenos e nenas de Educación Primaria.