Deportes

  Estamos de volta!! A semana santa rematou e comezamos o último trimestre do curso. Que vos parece? Pasou ben ás présas. Hoxe vos propoño un recurso diferente para E.F. É outro xeito de aprender:

  Para 1º e 2º: Repasamos o que sabemos do noso corpo

Para 3º e 4º: Xogo limpo!

Para 5º e 6º: Alimentos olímpicos

  Ola rapazada! Xa levamos uns cantos días nos fogares. É certo que cumprir a nosa programación de Educación Física deste xeito é complicado, pero sempre podemos buscar recursos para continuar a levar unha vida activa que ben sabedes que o exercicio e a actividade física son imprescindibles para a nosa saúde. Buscade cada día, aínda que non nos tocase sesión de EF, un ratiño para movervos e, se ademais conseguides contaxiar ao resto da familia e incluso.... Por que non? Facer de profes e de profas para eles, seguro que o pasades fenomenal. Eu vos irei dando ideas aínda que non teño dúbida de que as vosas cabeciñas dan para moito. Imos aló!!!!!

  Como a estas alturas probablemente algún ou algunha estamos "oxidados" (polo menos eu :) ) sería bo comezar o día cuns exercicios de movilidade articular e estiramentos que nos axuden a poñernos en marcha e a cargarnos de enerxía. Animádesvos?

  Nota: Lembra que un estiramento consiste en manter a posición que indica cada debuxo durante 15-20 segundos sen facer rebotes (avanzar adiante e atrás) e que NUNCA debe DOER!! Tes que notar que a zona muscular está en tensión pero non chegar ao punto en que moleste. Sempre é mellor ir pouco a pouco e xa verás como cada semana consigues chegar máis alá.

  E para desconectar e botarse unhas risas.. Por que non un baile?? Avísovos que é moi pegadizo! 

  Hoxe é día de E.F!!! Só precisas uns globos para practicar estes xogos... Ou os que sexas quen de inventar!!!! Algún ben chulo ha de saír así que se queres comparte para que os demais o poidan levar a cabo. No arquivo adxunto está toda a información. A pasalo ben!