Ante o gran problema que está a supoñer a contaminación dos nosos mares polo vertido indiscriminado de lixo e plásticos, parécenos de vital importancia inculcar no noso alumnado actitudes de respecto e coidado do medio ambiente, e coidamos que non hai mellor maneira de facelo que atallando o problema dende o máis próximo, o que ven cada día.
Por esta razón recibimos a invitación por parte da ADEGA (Asociación para a defensa ecolóxica de Galicia) de colaborar nesta XIII Edición da limpeza de simultánea de praias e, ao sermos un centro educativo, farémola un venres.
O Concello da Laracha tamén colaborará dun xeito activo, facilitando medios e materiais precisos para que a limpeza poida facerse segura e eficazmente. Recomendamos a todo o alumnado que veña con lubas (a pesar de que o Concello aportará algúns de latex para quen non teña). Deste xeito xeraremos menos lixo e poderedes reutilizalos na casa para outras actividades.
Por fin, poderemos contar coa axuda e colaboración dos familiares do alumnado así como outros centros educativos do Concello (o CEIP Alfredo Brañas de Paiosaco e o CEIP Otero Pedrayo da Laracha) que axudaban outros anos. Nesta edición decidimos convidar a outras escolas próximas ao nosa vila, como son as Escolas de Educación Infantil de Arteixo (EEI da Lagoa, EEI de Larín e EEI de Rorís). Agardamos chegar a ser máis de 200 persoas axudando a manter limpos os nosos areais!
Remataremos a limpeza con algo de música! Ide practicando a canción!
Informamos ás familias que todo o alumnado que realizou a solicitude de admisión dentro do prazo para o curso 2024/2025 están admitidos no centro.
As listaxes están publicadas no taboleiro do centro.
A formalización de matrícula será do 20 ao 30 de xuño.
Para o alumnado de nova incorporación de 4º de Educación Infantil, farase unha xornada de presentación do centro e a aula para as crianzas e familias. Terá lugar o mércores 5 de xuño, de 11:00 a 12:30 (aproximadamente). Se o alumnado de primaria tamén está interesado en vir coñecer a instalación e o alumnado que serán os seus compañeiros e compañeiras, pode vir igualmente, pero facédenolo saber previamente confirmando a asistencia no correo ceip.caion@edu.xunta.gal .
Nesa xornada informarémosvos de como proceder e a documentación que teredes que aportar.
Rúa A Insua, s/n Caión - A Laracha - A Coruña
