Bo día familias,
Está aberto o prazo para a presentación de solicitudes para o fondo solidario de libros de texto e axudas para a adquisición de libros de texto e material escolar para o curso 2024/2025 coa seguinte información clave:
PRAZO: Do 21 de maio ao 21 de xuño de 2024.
PRESENTACIÓN DE SOLICITUDE: A través do Anexo I e do Anexo II da seguinte forma:
- PRESENTACIÓN ELECTRÓNICA: a través do seguinte enlace. Despois deberá de presentarse na sede electrónica co procedemento administrativo ED330B.
*IMPORTANTE: na presentación electrónica deberá de presentarse unha solicitude individual para cada un dos seus fillos.
*IMPORTANTE: deberá ter conta de CHAVE365, o certificado dixital ou o DNI electrónico e mais a aplicación Autofirma.
- PRESENTACIÓN PRESENCIAL CON ASISTENCIA DA APLICACIÓN: cubra os datos nesta aplicación, imprima os Anexos I e II producidos e presenteos no centro educativo.
- PRESENTACIÓN MANUAL: cubra os Anexos I e II da Orde da convocatoria e presénteos no centro educativo.
DOCUMENTACIÓN COMPLEMENTARIA:
- Copia do libro de familia.
- Sentenza xudicial ou do convenio regulador, onde se especifique a garda e custodia do menor, no caso de separación ou divorcio.
OUTRA INFORMACIÓN DE INTERESE:
- Terase en conta a renda do ano 2022 e o número de membros computables da unidade familiar con data do 31/12/2022, agás cando unha sentenza de separación ou divorcio posterior a esa data atribúa a custodia exclusiva a unha das persoas proxenitoras, nos casos de violencia de xénero e nos casos de falecemento dalgunhas das persoas proxenitoras.
- O alumnado que non estea admitido/a nin coñeza en que centro vai estar escolarizado no curso escolar 2024/25, deberá presentar a solicitude no centro no que está matriculado no curso 2023/24.
- Para 5º e 6º de EP a solicitude será só para a adquisición de material escolar por ser cursos E-DIXGAL.
- O alumnado de 6º EP presentará a solicitude no IES onde foi admitido.
Para mais información consulte as seguintes instrucións.
| Adxunto | Tamaño |
|---|---|
| CONVOCATORIA FONDO LIBROS.pdf | 1.3 MB |
| INSTRUCIÓNS FONDO LIBROS. | 562.1 KB |
| ANEXO I e ANEXO II.pdf | 1.88 MB |
