3º Ciclo

O pasado xoves 9 de xaneiro, os alumnos de segundo e terceiro ciclo asistimos, en Vigo, á unha actividade sobre o plástico e os seus perigos. Aprendemos divertíndonos e, por se fora pouco, aínda nos quedou tempo para un paseíño pola cidade. Nós si que sabemos!

O bo facer dos alumnos de quinto e sexto tivo un merecido premio no Concurso Interescolar de Poesía Visual de Baiona. O poema "Máscaras", da clase de quinto de primaria, resultou gañador do concurso;  mentres que o poema "Vixiados", da clase de sexto, acadou unha meritoria mención de honra.

Onte, David Fernández, poeta visual e impulsor do concurso, e Óscar Carreño, Concelleiro de Educación, visitaron Belesar para facer entrega dos premios e felicitar ós rapaces e rapazas polo seu esforzo e implicación no proxecto.

En Belesar temos uns auténticos poetas visuais e ben orgullosos que estamos deles! 

Outro ano máis,  no colexio de Belesar, quixemos aportar o noso gran de area contra a loita da leucemia infantil, participando na volta ó colexio benéfica. Agradecemos a participación e entusiasmo dos alumnos, familias e profesores que contribuiron a que a actividade fora,  de novo, un éxito!

O pasado venres 25 de outubro os alumnos de sexto, quinto, cuarto e segundo de primaria participamos na subida ó monte da Groba, coa guía do mestre Manolo, que nos ensinou e nos mostrou unha morea de cousas interesantes.

Aquí tedes un vídeo súper chulo do día, cortesía do profe Pablo. Que o gocedes!

Este venres realizamos a Excursión cos actores e actrices do Musical ,polo seu fantástico traballo. Pasamos unha mañá de probas e actividades en Humor amarillo, onde gozamos un montón. Grazas pola vosa participación no musical e polo voso enorme traballo!!!