Como todos os anos volvemos a ter a actividade estrela de todos os centros do concello de Tomiño, 6º participou no vixésimo cuarto Turonia!!!
1º Día:
Comezamos o xoves en Pinzás, no Chan do Cereixo onde vimos o nacemento do río da Pedra e descubrimos que os primeiros tomiñeses viviron alí fai moitos miles de anos, no paleolítico.
Despois gran andaina ata Vilachán do Monte, con parada polo camiño para aprender a usar os catalexos e observar Baiona e as Illas Cíes. Baixamos en autobús para comer, socializar e levar a cabo unha actividade de orientación na Campuzada.
Pola tarde volvemos a camiñar ata Barrantes, despois de recuperar forzas coas merenda. No colexio de Barrantes agardábanos a colaboración das familias dos nosos centros para montar as tendas mentres gozabamos dunha mais que merecida ducha.
Ceamos e bailamos a tope cun gran espectáculo musical a cargo de Lara Villaverde e “A resaca de Massiel” que de forma completamente altruísta nos fixeron brincar ata a unha da madrugada. Custounos baixar revolucións, pero intentamos descansar para o segundo día.
2º Día:
Levantámonos moi cansos o venres, e sacamos forzas de onde puidemos para recoller todo o noso material e despois de almorzar preparamos as bicicletas.
Fomos en bicicleta dende Barrantes ata o río da Pedra, onde levamos a cabo diversas actividades, e de novo retomamos a bicicleta para rodar ata o espazo fortaleza, chegamos con moito cansazo e calor, pero recuperamos forzas co xantar.
Pola tarde demos unhas voltas en piragua polo río niño coa axuda dos “Teixugos”, que ritmo teñen estes rapaces.
Finalmente retomamos a bicicleta para volver ata o Caselles onde demos por rematado este Turonia 2024.
Un Turonia que nunca olvidaremos!!!
Agradecer tamén a colaboración das familias, ANPAS, comunidades de montes e todas esas persoas que de forma altruísta nos botaron unha man.