DÍA UNIVERSAL DA INFANCIA - 20 NOVEMBRO

O venres pasado todos os nenos e nenas do cole aprenderon sobre os seus dereitos con diversas actividades e construíron a súa pulseira dos Dereitos da Infancia.
Queremos destacar o traballo dos mozos e mozas da clase de 6ºA que fixeron un mural precioso cos artigos. Felicidades!

DIA MUNDIAL DA DIABETES - 14 DE NOVEMBRO

Hoxe, Día mundial da Diabetes, a asociación anedia representada pola familia de Uxía, deunos unha charla sobre a diabetes e contounos que hai cans adestrados para poder detectar as subidas ou baixadas de azucre do seu compañeiro humano!
Moitas grazas por vir!
https://anedia.gal/
#queadiabetesnontepare
 
 
          

FOGUEIRA DE SAN MARTIÑO

O día que celebramos o MAGOSTÍN non puidemos facer a fogueira simbólica coa que comezamos o Magosto todos os anos por culpa da chuvia, así que, aproveitando que era S. Martiño e que había un día solleiro marabilloso, baixamos pouco antes do recreo para gozar da nosa fogueira que acendeu a nosa conserxe Almudena. Ademais había que prenderlle lume á leña e ao bullo que trouxeran os rapaces e rapazas das súas casas!
 
Queremos darlles as grazas ás familias pola súa colaboración.

MAGOSTÍN 2022

Así gozamos da nosa festa o pasado venres 28!

Houbo xogos súper divertidos coma o lanzamento de castañas, carreiras de sacos, move o teu esqueleto.... e logo puxémonos ata arriba de castañas! Mmmm!
Tamén podedes ver que decoramos as portas das clases e os corredores do cole terroríficamente xenial!
Houbo unha gran participación no concurso de receitas terroríficas organizado polos equipos de Dinamización da Lingua Galega e o equipo de Biblioteca.
Moitas grazas ás familias pola vosa colaboración!
En clase de plástica plurilingüe este ano o dedicamos ás witches/bruxas e tamén fixemos moitas actividades nas outras áreas sobre o Magosto e o Samaín, as dúas festas de outono máis importantes da nosa cultura galega.
Esta actividade estivo organizada polo equipo de Actividades Complementarias e Extraescolares.

Que pasedes unha boa ponte!

DÍA DAS BIBLIOTECAS 2022

Hoxe, 24 de outubro, é o día das bibliotecas, e dende o equipo de biblioteca queremos convidarvos a que animedes aos nenos e nenas a visitar a do noso cole. No seguinte tríptico amósase un resumo do traballo que realizamos a través da biblioteca escolar.

   

O lema deste ano é "BiblioTEcuida", centrandose en destacar o papel das bibliotecas de diferente tipoloxía como espazos libres e abertos que, a través dos seus diversos servizos e recursos, preocúpanse por atender as necesidades dos seus usuarios. 

A biblioteca está aberta a todo o alumnado e familias; é un piar fundamental ao servizo da comunidade educativa. 

Anímate e visita a nosa!!

 

FELIZ DÍA DAS BIBLIOTECAS!!

»

INSTALACIÓN E REXISTRO DE ABALARMOBIL: VIDEOTITORIAL

No seguinte vídeo poderás ver unha explicación para a instalación e rexistro da aplicación AbalarMobil

Benvida curso 2022-23

O próximo xoves 8 de setembro, VOLVEMOS AO COLE!

Xa case sen limitacións, volveremos aos horarios habituais: 9:25 a 14:25h, con unha única quenda de recreo, sen grupos burbulla, etc, etc.

Teremos unha reunión de inicio de curso o martes 20 de setembro onde vos concretaremos máis cousiñas.

BO COMEZO!!!

PROXECTO 3º TRIMESTRE

E fomos exploradores e exploradoras neste 3º trimestre! 

Que mellor época que a primavera para observar a natureza?
Neste trimestre o proxecto de ciencias o dedicamos aos seres vivos e ás persoas, atendendo ao corpo, aos hábitos saudables e a como nos agrupamos (familia/localidade).
Dentro dos seres vivos puxemos especial atención á especie dos animais invertebrados.
Comezamos o trimestre con charlas sobre o mundo das abellas e logo trouxemos formigas, caracois, bolboretas, vermes de seda... para observalos e aprender moito sobre eles.
Aproveitamos ás saídas á natureza para seguir observando e aprendendo de todos os animais e plantas que atopamos.
E por suposto aprendemos a respectalos e coidalos!

FESTA DE FIN DE CICLO DE ED. INFANTIL E GRADUACIÓN DE ED. PRIMARIA

A fin de curso tamén leva consigo ás veces a fin dunha etapa para comezar outra nova.

Isto é o que lles acontece aos nenos e nenas de 5 anos que rematan a etapa de Ed. Infantil e aos que queremos darlles a benvida á Ed. Primaria, e aos nosos mozos e mozas de 6º de Ed. Primaria que marchan ao instituto para comezar á ESO
Foron uns intres de compartir lembranzas e cariño mutuo moi emocionantes!

FESTIVAL FIN DE CURSO 21/22

E por fin chegou un das festas máis agardadas!

O festival de fin de curso!

Xa por fin as nais, os pais e demais familia puidestes gozar con nós da arte dos nosos alumnos e alumnas que nos deixaron coa boca aberta coma sempre!
Bravo! 
Queremos das as grazas ás mestras de música Lucía e Bibi por organizalo con tanto esforzo e cariño.
Distribuir contido