Este luns, 29 de setembro, no pavillón do colexio tivo lugar a entrega dos galardóns e diplomas acreditativos do 2º Premio Enciende 2013 ao alumnado participante no Proxecto " O arcano da Solaina", cuxo día a día durante o curso escolar 2013-2014 puido seguirse no blog O arcano da Solaina 4º.

O acto estivo presidido pola concelleira de escolas do Concello de Narón, Carmen Espada Cortizas contando ademais, nesta ocasión, con membros da ANPA co fin de de transmitirlle ao alumnado os merecidos parabéns polo seu traballo e recoñecemento acadado.

Esta entrega supón o broche de ouro a esta iniciativa de achegamento da Ciencia á didáctica escolar, iniciativa tan ben acollida polo alumnado tal e  como quedou reflectido no seu labor diario. 

Parabéns a todos eles! 

Imaxes do acto na galería.