A Asociación de Persoas Xordas de Ferrol, durante o mes de decembro, está a realizar unha Campaña de sensibilización dirixida principalmente ao alumnado de 1º de primaria dos colexios de Narón.

Esta Campaña achega ao alumnado máis pequeno a linguaxe de signos a través do visionado de vídeos, xogos... dun xeito lúdico e participativo. 

Os nenos/as de cinco anos celebramos que todos somos iguais.

O xoves 26 e o luns 30 de novembro os alumnos-as de 3º,4º e 5º de primaria tiveron a oportunidade de coñecer a práctica do deporte do balonmán nas instalacións do pavillón escolar.Coa colaboración do clube balonmán Narón, un dos seus técnicos veu ate o colexio para amosar aos alumnos-as os principios e as técnicas básicas de este deporte de equipo. 

Estas sesións de demostaración leváronse a cabo no pavillón escolar cos diferentes grupos de alumnos-as, segundo o seu horario de clases de Educación física.Foron organizadas polo equipo de Educación física do colexio xunto co técnico do clube Balonmán Narón, dentro do programa para achegar aos alumnos-as ao coñecemento e a práctica de outros deportes no seu tempo de lecer.

Nas seguintes imaxes podedes ver a súa participación nestas actividades deportivas.

 Programa de charlas sobre as

profesións familiares.

 Alumnado de 2º de Educación Primaria.

No marco do "Programa de charlas acerca das diferentes profesións" que se está a celebrar co alumnado de 2º de Educación Primaria, programa co que se pretende profundizar nas profesións dos seus pais, esta mañá tivo lugar a ponencia "A Policía Local" a cargo de Jaime Alberto Domínguez, policía local de Ferrol.

Durante a súa intervención, ademais de presentar o día a día do seu traballo, mantivo un coloquio co alumnado e deu resposta ás principais curiosidades deles acerca da súa profesión.

O entusiasmo de todos os presentes, nas imágenes da galería.

INFORMACIÓN ÁS FAMILIAS DO ALUMNADO DE 2º EDUCACIÓN PRIMARIA

A reunión de 2º primaria adíase para o martes, 13 de outubro, ás 17.30 h nas

aulas.

Desculpen as molestias.

Infórmase ás familias do alumnado de 6º de Educación Primaria que a reunión convocada para o martes, 29 de setembro, adíase para o martes, 6 de outubro ás 18.00h.

O inicio do curso o alumnado de 1º e 2º de educación primaria festexouno participando nun obradoiro sobre a "Música e os instrumentos musicais tradicionais". 

As actividades promovidas polo Padroado de Cultura permitiron que o noso centro recibira á Xove Banda de Música de Narón e así, achegar a música e os instrumentos tradicionais da nosa cultura aos máis noveis da educación primaria. 

Imaxes da galería e  fermoso vídeo da Asociación Cultural Musical Sementeira

O mércores 16 de setembro tivo lugar a 2ª xornada de balonvolea para os alumn@s de 5º e 6º cursos de primaria nas instalacións do pavillón escolar.

Organizada polo clube Narón volea,os alumn@s asistiron a unha clase práctica para coñecer este deporte, dirixida pol@s adestradores-as do equipo.

Por último, @s alumn@s recibiron información sobre o lugar e días de adestramento de este clube, para nen@s da súa categoría. Podedes ver algunhas imaxes da clase demostrativa nesta mesma páxina.