O xoves 28 de marzo recibimos a visita da Banda do Tercio Norte de Ferrol (TERNOR), que nos ofreceu un concerto didácto para o alumnado de 5º de EP. A sesión, con explicacións sobre a execución da audición, resultou todo un éxito. Con anterioridade ao concerto didáctico, e dentro dos Camiños Seguros do Concello de Narón, a comunidade educativa en xeral puido gozar da interpretacións de varias pezas antes da entrada ao colexio.

Organizado polo equipo de Dinamización da Lingua Galega da Solaina, celebrouse durante a mañá do 15 de marzo (por compromisos previos non se puido celebrar o 14 de marzo, 3/14 nos países de tradición anglosaxona) o Día do número Pi. Todos as aulas de Primaria formaron cinco grupos para concursar nuna xincana consistente en contestar ás adiviñas matemáticas propostas e conseguir unhas letras colocadas por todo o colexio. Ao final, cada grupo ordenou as letras e conseguiu formar unha frase oculta.

Estamos desexando que chegue o 3/14 do ano que vén para xogar outra volta co número pi.

Todo o alumnado do CEIP A Solaina coñeceu a cinco axentes da Policía Nacional que nos visitaron o 14 de marzo. Falaron e escoitaron aos membros do corpo policial que se achegaron con varios vehículos. Tamén lles ensinaron diverso material utilizado normalmente polos axentes. A diversión e o coñecemento estiveron aunados durante toda a mañá coa visita policial. Para ver as fotos pincha na foto.

@CEIPMARQUESESDELINARES

O alumnado de quinto de primaria puido asistir o 13 de marzo a unha sesión sobre Economía Circular impartido polo director de comunicación da firma ITE Ambiental e patrono da asociación Galicia Ambiental, Benito García. Contamos con que a charla vaille espertar ao noso alumnado a sensibilidade sufciente para converterse na vangarda do cambio de modelo que está por chegar.

Organizado polo equipo da Biblioteca, o escritor madrileño Pedro Mañas visitou o noso centro. O alumnado de 4º descubriu a súa obra e coñeceu en persoa os avatares da súa biografía, realizando unha bateria de preguntas ás que o autor respondeu con satisfacción, sobre todo as preguntas relacionadas co libro que tan ben coñece os noso alumnado, Apestoso tío Muffin. Pincha no enlace para ver as fotos do evento.

O día 1 de marzo, venres, celebraremos o Entroido na Solaina. Realizaremos un pasacalles polo barrio con saída prevista para as 10:00 horas. O percorrido será o que aparece no plano. En caso de chuvia, cancelarase o pasacalles, e a celebración será só para o alumnado no propio centro educativo.

Pregamos as familias que non se metan no medio do desfile para non interferir na marcha nin provocar retrasos.

O Meco "Loco"  farase na semana do 25 de febrero ata o propio 1 de marzo e os seus mandatos son os seguintes:

1º día (luns): “ Para o Entroido comezar un calcetín de cada cor deberás levar.”

2º día (martes): “Para adornar o teu pescozo trae algo asombroso.”

3º día (mércores): “ Na cabeza, na cabeza gorro perruca ou pañoleta.”

4º día (xoves): “ E para continuar a túa cara has de adornar.”

5º día (venres): “Saias, vestidos, camisa, tul, capa,…o que ti queiras traerás e o Meco Loco rematarás.”

O equipo de Actividades Complementarias e Extraescolares

Debido ás condicions meteorolóxicas adversas o día de 29 de xaneiro non puidemos realizar a ANDAINA POLA PAZ prevista para esa tarde. En cambio, ao día seguinte, 30 de xaneiro, celebramos o día da paz cun acto no que o alumnado de 3º e 5º tocou e cantou a canción Clandestino para todo o colexio. Podes para ver as imaxes do evento.

Dentro do Proxecto Atrévete 18-19, o alumnado de 6º curso de primaria acompañado polos seus titores/as e orientador do centro, visitarón varios obradoiros do CIFP Ferrolterra. Foron recibidos polo Director e Orientadora do centro recibindo un agasallo consistente nunha mochila e un pendrive. O obxectivo deste programa é dar a coñecer ao alumnado directamente e a través do profesorado o tecido industrial da súa contorna, en concreto as empresas das diferentes asociacións empresariais colaboradoras, e sensibilizar á comunidade educativa da importancia de construír e fomentar unha nova cultura emprendedora. Así mesmo preténdese desenvolver as competencias persoais e sociais relacionadas co emprendemento que prepare ao alumnado para confiar nas súas capacidades. Desexando de que se queren desenrolar algunha inicitiva de futuro no mundo empresarial e laboral que se atrevan a redactala e dita redacción será enviada a un concurso "ATREVETE 2019". Lembramos que nalgún curso anterior xa gañou dito concurso un neno deste centro. Concurso “Atrévete a ter unha idea”: Dirixido ao alumnado participante neste programa. Consiste en buscar unha boa idea de negocio, redactada como máximo en dous folios. Os traballos serán individuais. O prazo para a presentación remata o 22 de maio de 2019.

                                                                           EDUCACIÓN VIARIA.

                                              ACTIVIDADES 2º TRIMESTRE.

                 Podedes ver algunhas imaxes premendo no seguinte enlace.

  CARRO EDUCACIÓN VIARIA                                  CIRCUITO DE HABILIDADES