Unha cousa moi sinxela e á mesma vez útil nalgúns casos é capturar unha imaxe do que estamos a ver na pantalla do noso ordenador para mostrarlle a alguén, sobre todo ao instalar programas, para que vexa as opcións que temos marcadas e nos axude.

Isto en windows facémolo premendo á vez dúas teclas:

- a tecla maiúsculas (a da frecha cara arriba)

- a tecla "Imp pant", que significa: imprimir pantalla

Cando prememos á vez estas dúas teclas parece que o ordenador non fai nada, pero acaba de copiar unha imaxe de todo o que temos na pantalla, e quédamos abrir algún programa (Word, Power Point, Wordpad...) para pegala facendo click no botón dereito do rato e dándolle a pegar, ou premendo á vez as teclas "ctrl" e "v".

Un exemplo podémolo ver así:

*A actividade 04 consiste en enviarme por e-mail unha captura de pantalla do escritorio do voso ordenador. Pegádela nun Word e adxuntádelo ao email. Non esquezades poñer ben o asunto.

Nas clases de informática explicamos varias veces como apagar o ordenador, pero a moitos de vos aínda se vos esquece facelo ben. Nesta actividade tendes que explicarme como apagariades o voso ordenador de sobremesa. Imaxinade que estades nunha páxina de internet e contádeme os pasos que fariades para deixar o ordenador totalmente acceso. Se sabedes algún truquiño, podédemelo dicir.

No libro de Coñecemento de 4º temos unha introducción aos procesadores de texto. É moi básica, pero a alguén lle pode vir ben.

Debido ás dúbidas que moitos de vos tendes á hora de localizar as propiedades dos vosos ordenadores, lémbrovos que as principais características que temos que coñecer dun ordenador, ben para mercar un novo, ou ben para coñecer mellor o noso e saber as súas posibilidades e limitacións, ou se o podemos ampliar fácilmente, son as seguintes:

1. sistema operativo (o programa fundamental para que funcione o ordenador: Windows XP, Windows Vista, Windows 7, Mac OS X...)
2. procesador (a parte coa que o ordenador toma decisións e executa as tarefas que lle mandamos: AMD ou Intel, cantos núcleos ten e a canta velocidade vai)
3. cantidade de memoria RAM (a memoria temporal de acceso rápido que utilizamos para realizar varias tarefas ao mesmo tempo)
4. cantidade memoria todal do noso disco duro (onde almacenamos todos os datos do ordenador), canto temos ocupado e canto baleiro, e se o temos dividido en varias partes (particións)

Todo isto podémolo ver clicando co botón dereito do rato no icono de "mi PC" e premendo en propiedades no menú que nos sae, ou ben facendo dobre clic co botón esqerdo do rato no mesmo icono de "mi PC" e alí vemos o disco duro ou se temos varios discos duros ou particións; escolleremos o icono do disco do sistema (onde temos instalado o sistema operativo) e nel facemos como antes: botón dereito e propiedades.

Nesta actividade o que tendes que facer é cubrir unha táboa coma ésta (básicamente xa a tendes feita a man, pero así repasamos e practicamos a crear un documento de word cunha táboa e envialo por e-mail á miña dirección-e).

Tanto o asunto da mensaxe coma o nome do documento de word han de levar:

1. nome e primeiro apelido
2. clase
3. actividade 02

Para practicar un pouco co correo-e tendes que enviarme unha mensaxe desde a vosa conta de correo á seguinte dirección:

miguelasolaina@gmail.com

É necesario que poñades no "asunto":

1. o voso nome e primeiro apelido
2. a vosa clase
3. o número da actividade

*(por exemplo: Ambrosio Veiga - 4ºA - actividade 01).

E despóis, dentro do texto da mensaxe, escribídeme 3 cousas sobre a asignatura de Informática:

1. cousas que facemos nas clases e vos gustan
2. cousas que facemos nas clases e non vos gustan
3. cousas que non facemos e vos gustaría facer a asignatura de Informática

Aquí tendes un enlace ás partes do ordenador segundo a enciclopedia dixital "Wikipedia":

http://es.wikipedia.org/wiki/Computadora

Só tendes que premer no hipervínculo e seredes redirixidos ao sitio web onda está aloxado o contido (se tendes problemas, copiade o enlace e pegadeo na barra de búsqueda do voso explorador de internet).

Neste apartado iremos colgando cousas relacionadas coa asignatura como documentos, imaxes e vídeos, enlaces a páxinas web... interesantes para profundizar no coñecemento da informática.

Ademáis temos aquí o sitio que empregaremos para colgar os apuntes e actividades da asignatura.

Para enviar as actividades compre ter unha dirección de correo electrónico, aínda que sexa compartida entre a familia. A dirección de correo-e á que debedes enviar as mensaxes coas actividades é:

miguelasolaina@gmail.com

* a dirección de correo-e miguelasolaina@gmail.com foi creada para esta asignatura e só se utilizará para recibir mensaxes das actividades propostas; calqueira mensaxe que non se axuste ás actividades será borrado.