O venres 21 de xuño foi o derradeiro día deste curso escolar. Pasámolo moi ben durante toda a mañá coas numerosas actividades propostas. Lembramos que os boletíns de cualificacións estarán dispoñíbeis o venres 28 de xuño a través da aplicación ABALAR.

Agora, a descansar!

Volvemos o 11 de setembro.

FELIZ VERÁN!

 O alumnado de 6º de primaria visitou a mércores 12 de xuño de 2024 o IES As Telleiras. Como xa é costume estes anos, fixemos o desprazamento en bici acompañados da Policía Municipal de Narón. Déronnos unha charla coa oferta formativa e coas experiencias de antigos alumnos do noso centro. Despois visitamos as instalacións. Marchamos con moitas ganas de comezar o curso con forza.

Este martes 4 de xuño na biblioteca de A Solaina houbo unha despedida:

Os descubridores deletras tivemos a nosa última reunión, a nosa última comida xuntos. Que corto se nos fixo esto do Club de lectura!! Hai dous días empezabamos  con certa incerteza de como ía ser todo e agora, tras 6 meses,  poñemos fin a esta marabillosa aventurachea de páxinas, emocións, risas, charlas, xogos…

Nesta sesión falamos sobre  a novela gráfica “Cuando brillan las estrellas” de Victoria Jamieson e Omar Mohamed que para a gran maioría foi a nosa favorita (e tiña o listón moi alto con “Nata e chocolate”). Analizamos un pouco os seus personaxes e certas escenas e falamos acerca do que lles aconteceu unha vez rematada a novela. Sen dúbida unha lectura moi recomendable a todo o mundo, nenos/as e tamén adultos. Non vola perdades!!

Nesta sesión tocounos tamén reflexionar sobre todos estes meses de club e facer unha pequena valoración que, gratamente, foi moi positiva.

E para rematar tivemos un pequeno agasallo para que non paremos de ler.

Grazas a tod@spor compartir estes meses e desfrutar como o fixemos, das lecturas e das reunións. Grazas familiaspor permitir que isto fora posible. Un saúdo!!

Este ano 23/24 volvemos retomar ao longo de todo o curso os encontros dos “Amigos lectores” onde o alumnado de cursos altos lles lía aos seus amigos de cursos máis baixos. Unhas lecturas compartidas que sempre son moi ben recibidas. Deixámosvos un pequeno vídeo de como se levou a cabo.

AMIGOS LECTORES A SOLAINA 23-24.mp4 

O pasado marzo para celebrar o día da poesía os nenos e nenas de 3º e 4º recibimos a visita do autor Miguel Anxo Romero.

Ensinounos os seus contos de poemas e as súas ilustracións e animounos a seguir sempre os nosos soños e a facer as cousas que nos gustan.

Ademais, fixemos con el uns libriños moi chulos e ata nos fixo un poema personalizado para A Solaina. 

Tamén practicamos ler poemas de formas dierentes: cun boli na boca, rindo, como se tivésemos frío...Foi moi divertido. 

Como agradecemento regalámoslle un libro ilustrado por nós mesmos cos poemas que máis nos gustaron dos seus contros e... encantoulle!

Ata a próxima Miguel Anxo, moitas grazas!