O 1 de febreiro empeza o procedemento ordinario de matrícula para os alumnos/as que cursarán 1º da ESO no vindeiro curso, por este motivo fanse no centro varias actividades.
A primeira parte do procedemento é a reserva de praza no centro adscrito, no noso caso o IES As Lagoas, que se pode facer desde o 1 de febreiro ó 15 de febreiro, ámbolos dous incluídos (tende en conta que os días 12,13 e 14 non son lectivos en educación). A reserva de praza no centro adscrito é voluntaria e supón prioridade neste centro, pero se escolledes un centro distinto o IES As Lagoas para continuar os estudos, non debedes facer esta reserva.
Mércores 24 de xaneiro de 2018
Visita o IES As Lagoas por parte do alumnado de 6º de educación primaria para coñecer de primeira man ó director do instituto, as instalacións e algunhas pistas e consellos para empezar ben a etapa de secundaria.
Martes 30 de xaneiro de 2018
Charla informativa sobre o procedemento de escolarización para o cambio de Etapa de primaria a secundaria. Todas as familias interesadas neste proceso están convocadas para o martes 30 de xaneiro ás 17 horas na aula de 6º de primaria (aula 10).
A charla será impartida polo director e terá dúas partes
- Aspectos xerais do procedemento de escolarización en 1º da ESO.
- Aclaración de dúbidas.
