XORNADA DE XOGOS TRADICIONAIS - FASE 1: INDAGACIÓN
Aquí tedes as primeiras imaxes do alumnado de 2ºBdeEducación Primaria desenvolvendo a primeira fase do proxecto “Xornada de Xogos Tradicionais” organizada polo Equipo de Dinamización da Lingua Galega do CEIP A Sangriña:
A nivel de centro efectuarase unha xornada de xogos tradicionais, organizada polo EDLG, que constará de 3 fases que a continuación se sinalarán:
Fase 1 - Indagación:cada nivel educativo indagará sobre un xogo tradicional.
Fase 2 - Construción do produto: estreitamente relacionada coa PDI “Salvemos o planeta” posto que cada grupo de alumnas/os recreará mediante materiais de reciclaxe o xogo escollido.
Fase 3 - Xornada conxunta: o seu desenvolvemento coincidirá coa semana das Letras Galegas, desenvolveremos unha xornada de xogos tradicionais o 15 de maio.
Proximamente mostrarémosvos imaxes dos diferentes cursos desenvolvendo as fases sinaladas anteriormente. Polo que, estean ben atentas e atentos!!!
Os alumnos de 2º de primaria, dentro da súa participación da P.D.I " SALVEMOS O PLANETA" estiveron realizando unhas pequenas recomendación para enviarlle a Papá Noel para que as teña en conta cando merque os agasallos de Nadal.
OS NENOS E AS NENAS DE INFANTIL, DE PRIMEIRO DE PRIMARIA XUNTO COS ALUMNOS DA GÁNDARA PASARON UNHA XORNADA LÚDICA E DIVERTIDA EN INDIANA BILL (RAMALLOSA). AQUÍ PODEREDES VER ALGUNHAS DAS FOTOS!!
Temos o pracer de invitalos ao xa tradicional Festival de Nadal que terá lugar o venres 20 de decembro no salón de actos do noso centro.
Para evitar problemas de aforo o festival estará dividido en dúas partes. Ao rematar a primeira parte teremos un pequeno descanso, durante o cal as familias que xa viron aos seus nenos e nenas deberán saír, deixando así espazo ás que asistirán á segunda parte.
Deste xeito esperamos que todos os asistentes poidan gozar comodamente das actuacións.
Coma en case tódalas festas faremos merenda conxunta; nesta ocasión, os encargados de traer a merenda (roscas, biscoitos...) serán os nenos e nenas de 1ºB e 5º de primaria. Moitísimas grazas pola colaboración.
1ª Parte: 9:30
3 Anos :“Temos orellas de …”
4 Anos e 5º primaria: “Baixan pastores”
5 Anos e 6º Primaria: “Os reis de Oriente”
1º Primaria: “O cangrexo”
AS FAMILIAS QUE XA VIRON AOS SEUS FILLOS E FILLAS DEBERÁN SAÍR, DEIXANDO ASÍ ESPAZO PARA OS SEGUINTES.
HOXE, OS NENOS E NENAS DE 4 ANOS VISITARON A NAVE DAS REDEIRAS, XA QUE ALÍ TRABALLA A AVOA DE NOA; VIMOS COMO ATABAN E MONTABAN AS REDES, COMO SEPARABAN PARA RECICLAR, ENSINÁRONNOS A ESPADA O PEIXE ESPADA, A DENTADURA DUN TIBURÓN, UNHA CARACOLA.... APRENDEMOS MOITÍSIMAS COUSAS E SOBRE TODO DISFRUTAMOS CAS CORTIZAS, SACANDO O CHUMBO DA CORDA, ETC.
DE CAMIÑO AO PORTO PARAMOS A SAUDAR A NAI DE DANI E A TÍA DE LÚA. E APROVEITAMOS PARA COÑECER DE PRIMEIRA MÁN COMO SE TRABALLA NO TRASMALLO: O RESTAURANTE DOS PAPIS DE IKER QUE NOS INVITARON A MERENDAR!!
SOAMENTE TEÑO PALABRAS DE AGRADECEMENTO PARA TODA A FAMILIA DE IKER, DE NOA E A TODO O PERSOAL DA NAVE DAS REDEIRAS POLA SÚA COLABORACIÓN NESTA SAÍDA.
AQUÍ VOS DEIXO UN VÍDEO CAS FOTOS QUE ESPERO QUE VOS GUSTE!!
