blogue deAinhoa Suarez

DÍA MUNDIAL DA METEOROLOXÍA

Enviado por Ainhoa Suarez o Ven, 26/03/2021 - 09:51

O 23 de marzo celébrase o DÍA MUNDIAL DA METEOROLOXÍA. Aproveitando que no noso centro contamos coa nosa propia estación meteorolóxica, grazas ao programa METEOESCOLAS, o alumnado de 4ºA elaborou o seu propio libro de aula con palabras galegas relacionadas co tempo.

Agardamos que vos guste!

PROXECTO "A PREHISTORIA E AS CIVILIZACIÓNS ANTIGAS"

Enviado por Ainhoa Suarez o Xov, 25/03/2021 - 12:39

Este trimestre nas aulas de 4º estivemos traballando no proxecto A PREHISTORIA E AS CIVILIZACIÓNS ANTIGAS.

Comezamos indagando sobre a PREHISTORIA para construir entre todos unha LIÑA DO TEMPO coas características do PALEOLÍTICO, NEOLÍTICO e IDADE DOS METAIS.

Tamén relacionamos o proxecto coa área de PLÁSTICA, levando a cabo a nosa propia PINTURA RUPESTRE.

Unha vez rematada a parte da PREHISTORIA, adentrámonos na IDADE ANTIGA, onde cada equipo se centrou en buscar información sobre as distintas CIVILIZACIÓNS.

Como produto final de todo este proxecto, os equipos de traballo de aula expuxeron as características das CIVILIZACIÓNS ANTIGAS.

4ºA

4ºB

24 F - DÍA DE ROSALÍA DE CASTRO

Enviado por Ainhoa Suarez o Lun, 01/03/2021 - 17:54

A pasada semana celebramos o día de Rosalía de Castro. Para isto, o grupo de 4ºA buscou nos ordenadores versos de poemas galegos de Rosalía, que despois escribiron en rosas feitas con papiroflexia.

Finalmente, colocaron as súas rosas en distintos lugares do Concello de Bueu o día 24 de febreiro, para que os veciños e veciñas que as toparan puidesen ler uns versos desta autora neste día tan sinalado para os galegos e galegas.

Podedes ver as súas producións no vídeo do link

https://drive.google.com/file/d/1uaHt_uV0-Xrb31ObavH4IzAkkhu78N4h/view?u...

Ademais, dende a área de plástica coloreamos retratos de Rosalía con colores ben vivos, simulando a técnica do POP ART do artista Andy Wahrol.

METEOESCOLAS - 4º

Enviado por Ainhoa Suarez o Ven, 19/02/2021 - 09:22

Ao longo destas dúas semanas, os nenos e nenas de 4º estivemos tomando nota sobre a evolución do tempo en Bueu, na nosa estación meteorolóxica. Aquí vos deixamos algunhas fotos da actividade.

11 F - Día da muller e da nena na Ciencia

Enviado por Ainhoa Suarez o Xov, 18/02/2021 - 20:29

A pasada semana, o alumnado de 4º estivo a traballar sobre a biografía de distintas mulleres que foron relevantes no ámbito científico. Comezamos facendo un xogo de tarxetas, para despois contar toda a información a través de exposicións en equipos cooperativos, que podedes ver no link

https://drive.google.com/file/d/1ka2IA-rk14HF3D-JgR8wkuWWuo1cranR/view?u...

Ademais, dende Valores, traballamos tamén o tema, facendo unha composición de debuxos de mulleres científicas importantes, xunto cos feitos que descubriron.

Por último, con todaa esta información, elaboramos un mural na nosa bibliocastelo, que podedes ver no blogue da biblioteca

http://bibliocasteloapedra.blogspot.com/search/label/11%20de%20febreiro

PLANTACIÓN DE SEMENTES

SAÍDA DIDÁCTICA CON CADERNO DE CAMPO

MES DA CIENCIA EN GALEGO - EXPERIMENTOS EN 4º

Enviado por Ainhoa Suarez o Ven, 27/11/2020 - 10:00

Neste mes o alumnado está a traballar sobre os experimentos. Introducimos o tema co experimento do CLAVEL DE COR, para o cal precisamos: un clavel, dous recipientes e colorante.