O TEMPO MADE IN BUEU
O CAMBIO CLIMÁTICO E AS SÚAS CONSECUENCIAS
Enviado por Anónimo o Ven, 25/06/2021 - 10:41A partir de diferentes imaxes relacionadas co cambio climático e do documental “A Terra” , os alumnos e alumnas de 5º de primaria participaron nun debate sobre “O cambio climático e as súas consecuencias”
Cada un dos alumnos/as opinaron e expuxeron as súas ideas, defendendo cada un as súas opinións sobre o tema e escoitando atentamente as opinións dos demais.
Este debate fíxonos recapacitar e sensibilizarnos aínda máis sobre a importancia dos nosos actos. É moito o dano que a actividade humana produciu e produce no noso Planeta, e todos nós temos a responsabilidade de paralo.
Algunhas imaxes utilizadas foron as seguintes:
O CLIMA NO MUNDO
Enviado por Anónimo o Ven, 25/06/2021 - 10:20O alumnado de 5º traballou sobre os diferentes tipos de clima que hai no mundo e sobre o tempo atmosférico. Para iso, fixemos unha fermosa viaxe polo noso planeta para descubrir xuntos os grandes misterios que gardan o tempo e o clima. Posteriormente elaboramos e interpretamos diferentes climogramas.
AGASALLOS DE METEOESCOLAS
Enviado por Marta Valbuena o Xov, 24/06/2021 - 21:44Un día chegou á escola un paquete moooooi grande! Que será? Preguntaban os nenos e nenas moi intrigados...
Ata que a final do curso descubrimos o que era: un montón de agasallos para nós por participar no proxecto METEOESCOLAS!!!
Había cantidade de cousas: bolsas, portabocadillos e botellas reutilizables, contos, bolis, yoyós... e ata unha cunca co debuxo dos ODS. Que casualidade, xusto este ano que estivemos aprendendo tantas cousas sobre os ODS no proxecto COMPROMETÉMONOS CO NOSO PLANETA!!!
Para poder levar todas esas cousas, as profes encargaron unhas mochilas preciosas co logo do proxecto deste curso e o último día de clase nos entregaron todos os agasallos.
Grazas a Meteoescolas por esta sorpresa estupenda e... COMPROMETÉMONOS CO NOSO PLANETA!!!
REFRÁNS DO TEMPO
Enviado por Marta Valbuena o Xov, 24/06/2021 - 21:29Durante este curso o alumnado de 1º investigou e aprendeu refráns relacionados co tempo, comprobando se efectivamente se cumprían ou non. Con eles, fixeron un mural que decorou o noso corredor.
Foi divertido aprender a sabedoría popular!
2º E O TEMPO
Enviado por Marta Valbuena o Xov, 24/06/2021 - 21:18En segundo de primaria realizamos varias actividades relacionadas co tempo:
-Cada día anotamos a data co símbolo correspondiente do tempo que vai e a lúa.
-Fixemos debuxos sobre o ciclo da auga e visualizamos os vídeos:
El ciclo del agua | Camaleón - YouTube
-Tamén traballamos os estados da auga e visualizamos o vídeo de Happy learning:
-Fixeron adiviñas sobre o tempo.
-Realizamos un mural con refráns relacionados co tempo.
-Cantamos cancións sobre as estacións e os días da semana en lingua de signos:
04 Las cuatro estaciones bimodal - YouTube
CANCIÓN: Los días de la semana. BIMODAL Y PICTOGRAMAS - YouTube
-Repasamos sinais de tráfico relacionadas co tempo e fixemos algúns debuxos.
-Fixeron problemas, debuxos e muráis en equipo de cadros famosos relacionados co tempo ou as estacións. Por exemplo: “Solsticio de verano” de Van Gogh, “Niñas en el mar” de Sorolla,“Mujer con parasol” o “La urraca”de Monet, “Bodegón uvas y nueces” de Sisley (para traballar os froitos do outono) …
-No Nadal fixeron bonecos de neve decorativos e unha postal con paisaxe invernal, na que empregaron material de reciclaxe .
Tamén fixeron unha paisaxe invernal con plastilina na que participaron tamén os de primeiro.
-Participaron nun vídeo que trata sobre vocabulario galego (baseado no programa “Dígocho eu”) e no que incluían palabras relacionadas co tempo: Folerpas, boneco de neve, luvas …
WhatsApp Video 2021 01 11 at 20 16 54 - YouTube
-Traballamos varios contos que teñen relación coa climatoloxía, por exemplo:
“Bajo una seta”-Bajo una Seta. Cuento Infantil para Educar la Solidaridad - Bing video
“Los nietos del señor tiempo”
Principal » Cuentos Cortos » Los nietos del señor tiempo
FOI UN CURSO MOI METEOROLÓXICO!
OBSERVANDO O TEMPO CON 6º
Enviado por Marta Valbuena o Xov, 24/06/2021 - 20:59Ao longo deste curso, o alumnado de 6º de primaria foi o encargado de rexistrar os datos da estación meteorolóxica do colexio.
Durante catro semanas, recolleron diferentes datos climatolóxicos como a temperatura, a humidade, a presión, as precipitacións, etc… que posteriormente foron empregados por Meteogalicia.
Que ben o pasaron investigando sobre a meteoroloxía e o clima da nosa contorna!
METEOESCOLAS 5ºB INFANTIL
Enviado por Marta Valbuena o Mér, 23/06/2021 - 18:54Na aula dos FURABOLOS DA PEDRA, levaron a cabo un rexistro estándar para anotar os fenómenos meteorolóxicos.
A diario comprobaban o tempo, observando a través da fiestra da aula, e co acompañamento da seguinte cantiga:
“VENTANIÑA DA CLASE,
COMO ESTÁ O DÍA HOXE?
DIME ….SI O SOL TEN SAÍDO,
OU SI A NUBE O TAPOU,
SI A CHOIVA CAE, CAE ….
OU SI BRILLA O DÍA HOXE,
VENTANIÑA , DIME AGORA,
COMO ESTÁ O DÍA HOXE?”
Ao rematar o mes, facían reconto dos días de sol, sol e nubes, nubes, chuvia...
Ademais, desenvolvendo o proxecto ODS, aproveitaron para coñecer os efectos dalgunhas das nosas accións sobre o MEDIO NATURAL, e máis en concreto sobre A CLIMATOLOXÍA.
Escoitaron o conto da "RA DOS TRES OLLOS" e descubriron como a contaminación que provocan as fábricas repercute na CLIMATOLOXÍA, no MEDIO NATURALe NA VIDA ANIMAL.
E traballaron varios contos de ERIC CARLE, entre os que se atopaba:
“PEQUENA NUBE”
Conto que deu pé a observar as nubes, as súas formas, a intensidade dasúa cor branca ou gris.
E descubriron como se desprazaban polo efecto do vento.
Aprenderon moito da meteoroloxía e pasárono xenial!!!
O TEMPO EN 6º INFANTIL!
Enviado por Marta Valbuena o Dom, 20/06/2021 - 20:48Durante este curso, o alumnado de 6º de infantil observou e recolleu os datos meteorolóxicos nun calendario mensual que tiñan na aula. Guiados polas profes Alba e Tania, os maiores da escola de Infantil preparáronse para ser uns bos meteorólogos e meteorólogas.
Mirade que bonito quedou o calendario do tempo!!!
THE WEATHER
Enviado por Marta Valbuena o Lun, 31/05/2021 - 23:03Nesta entrada ides ver como se traballan as Meteoescolas nas clases de inglés dos peques do colexio:
Educación infantil: Ao inicio de cada sesión, despois dos saúdos e de dicir o día no que estamos (día da semana e día do mes), describimos o tempo atmosférico respondendo á pregunta "What's the weather like?". O alumnado observa o exterior e decide que tempo fai hoxe (sunny, cloudy, rainy) con apoio xestual.
1°EP: Ao inicio de cada sesión, despois de ver a data e a estación na que estamos, describimos o tempo atmosférico respondendo á pregunta "What's the weather like?". O alumnado observa o exterior e decide que tempo fai hoxe repasando o vocabulario do tempo (sunny, cloudy, partly cloudy, rainy, windy, snowy) e a temperatura (cold, warm, hot) co apoio visual de símbolos en goma eva e as tarxetas de palabras (wordcards).
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- seguinte ›
- última »
