CURSO 1ºA 1ºB

O PROFE ARTURO EXPLICOUNOS COMO ERAN AS ESCOLAS DE ANTES

Enviado por Macu Rodríguez o Mér, 08/06/2022 - 00:05

COÑECEMOS O PROFE ARTURO, UN MESTRE SABIO QUE NOS EXPLICOU COMO ERAN AS ESCOLAS DE ANTES!!

Mércores, 8 de xuño.

Esta mañá coñecemos a Arturo, un mestre sabio, que impartiu clases no noso cole durante moitos anos e coñece moi moi ben a historia da nosa escola.

Coincidindo co quincuaxésimo aniversario do noso cole, veunos explicar como eran as primeiras escolas que houbo en Bueu.

Contounos unha chea de cusriosidades!! En lugar de haber un único edificio con aulas, había unha morea delas repartidas en diferentes casas das parroquias ( en Bueu, en Cela, en Beluso...). Non había cuartos de baño!! Tiñan que usar a corte dos animais; que habitualmente, estaban no andar de abaixo!! apenas había libros, para facer as tarefas da escola, xs cativos usaban pizarríns e o no pouco papel do que se dispoñía, escribíase con pluma!!

As nenas e os nenos estudaban por separado e mesmo lles ensinaban cousas distintas!! A eles, matemáticas, ciencias e tecnoloxía; e a elas, a coser, a bordar..QUE INXUSTO!!

Aló polos anos 70, cando se construíu o noso cole, construíron tamén o de Cela e mais o de Beluso e as cousas foron comezando a mellorar. Xa se mesturaban xs nenxs. Había moitísimxs alumnxs; eran case 1000!!! Pero, a biblio non semparecía en nada ao noso Bibliocastelo e os patios, tampouco!!

Hai que ver canto cambiou a escola e canto melloramos...!! Está ben sabelo!! Así, aprenderemos a coidar máis o que temos!!

MOITAS GRAZAS, PROFE ARTURO

POR ENSINARNOS TANTAS COUSAS!!

blogue de Macu Rodríguez

VISITAMOS O MUSEO MASSÓ

Enviado por Macu Rodríguez o Mar, 07/06/2022 - 00:05

VISITAMOS O MUSEO MASSÓ

Este luns, 6 de xuño, visitamos o Museo Massó.! Preparáronnos dous obradoiros interesantísimos!!:

· “OS TESOUROS DO GALEÓN AFUNDIDO”

· “XULIO VERNE NA SALA DA NAVEGACIÓN”

Ambos estaban relacionados co que aprendemos no noso proxecto do libro das 10 GATIÑAS VIAXEIRAS de EVA MEJUTO!!

Historias do fondo do mar, en submarinos que aínda non existían, como o do CAPITÁN NEMO...

Xs arqueólogxs do Museo explicáronos en que consiste o seu traballo; o complexo e delicado que debe ser; aínda máis cando fai nos fondos mariños. Ensináronnos un escafandro auténtico co que hai máis de 100 anos os mergulladores “camiñaban baixo as augas”....

Sorprendéronnos cunha chea de segredos sobre as viaxes que desde as Américas facían os galeóns do reino de Castela.

Relatos verdadeiros de tesouros, corsarios ( que non piratas!! ) e batallas navais como a de Rande, acontecida en 1702, na ría de Vigo.

Ensináronnos como eran por dentro, aqueles enormes barcos! Tamén nos explicaron que a raíña de Inglaterra contratara os corsarios para que abordasen os navíos españois porque este era o único país que tiña derito a comerciar coas Américas.

Ademais, amosáronnos na SALA NOBRE algúns dos tesouros do museo: mapas, instrumentos de navegación e armas antiquísimos, maquetas de barcos...

Ah!! E tamén xogamos a descubrir obxectos agochados!!

MOITÍSIMAS GRAZAS!!!

ENCANTOUNOS A VISITA!!!

blogue de Macu Rodríguez

REMATOU MAIO, MES DAS LETRAS GALEGAS!

Enviado por Macu Rodríguez o Sáb, 04/06/2022 - 00:05

Dedicamos todo o mes a coñecer quen foi, como viviu e que escribiu o autor homenaxeado o DÍA DAS LETRAS GALEGAS, FLORENCIO MANUEL DELGADO GURRIARÁN.

Investigamos na aula sobre a súa vida, fixemos actividades, vimos vídeos; lemos poemas, un dos cales recitamos no acto de celebración que festexamos no patio con todas as clases; fixemos debuxos para a elaboración do mural do recibidor do cole e participamos no concurso

“QUE SABES DE FLORENCIO MANUEL DELGADO GURRIARÁN?”

E fixémolo moi ben!, porque cada semana respondemos acertadamente a pregunta que aparecía na entrada da escola e fixádevos nos resultados dxs gañadorxs:

1ª PREGUNTA: “”Quen será homenaxeadx este ano o Día das Letras Galegas?”

Gañadora: Laura Vilas Chantada, 1º B.

2ª PREGUNTA: “ Cando e onde naceu Florencio Manuel Delgado Gurriarán?”

Gañadora: Iria Malvido Piñeiro, 1º A.

3ª PREGUNTA: “Escribe o título de dous librosescritos por Florencio Manuel Delgado Gurriarán.”

Gañadora: Lucía Fiel Sequeiros, 1º A.

4ª PREGUNTA: “Como se chamaba o barco no que marchou para México?”

Gañadora: Claudia Vidal Cabanelas, 1º B.

Encantounos participar en todas estas actividades, coas que aprendemos canto amaba a nosa terra e a nosa lingua este escritor que, tristemente, tivo que pasa a maior parte da súa vida lonxe de Galicia.

blogue de Macu Rodríguez

5 DE MAIO, DÍA MUNDIAL DA HIXIENE DE MANS

Enviado por Macu Rodríguez o Xov, 05/05/2022 - 20:28

Cada 5 maio, celébrase o DÍA MUNDIAL DA HIXIENE DE MANS.

E para celebralo, esta mañá visitáronnos unha chea de enfermeirxs e médicxs do Centro de Saúde.

Ensináronnos varias cuestións moi importantes:

· POR QUE DEBEMOS LAVAR AS MANS?

Porque, ao lavalas, evitamos que entren no noso corpo os xermes, as bacterias, os virus e todos eses bechiños “invisibles” que transmiten enfermidades.

· CANDO DEBEMOS FACELO?

Despois de ir ao baño.
Antes de comer.
Despois de sonar os mocos.
Despois de tocar un animal.
Antes e despois de manipular froitas ou hortalizas.
Despois de xogar coa terra.
...

· DURANTE CANTO TEMPO?

O recomendable é facelo, polo menos, durante 30 segundos.

· COMO?

Ensináronnos a seguir 8 pasos, tantos como os tentáculos do noso querido Papirus:

1º Mollar moi ben as mans.

2º Botar xabón.

3º Frotar moi ben as palmas.

4º Logo, os dorsos das mans.

5º A continuación, os dedos.

6º Despois, as unllas.

7º Enxaugar ben as mans con auga abondosa.

8º Secar moi ben as mans cunha toalla de papel e antes de tirar con ela á papeleira, utilizalo para asegurarnos de que a billa da auga queda pechada.

O mellor de todo foi que non só nos explicaron como facelo; senón que puxemos en práctica o que aprenderamos e para iso, manchamos as mans de pintura!!!

RESULTOU IGUAL

DE INTERESANTE QUE DE DIVERTIDO!!!!

ADEMAIS, ERAN TODXS

MOI SIMPÁTICXS E AMABLES!!!

PUXEMOS AS NOSAS MANS

NAS MELLORES MANS!!!

FOI ESTUPENDO!! MOITAS GRAZAS!!!

blogue de Macu Rodríguez

CELEBRAMOS O DÍA DO LIBRO CON ANXO GONZÁLEZ GUERRA, O AVÓ DE ALDÁN

Enviado por Macu Rodríguez o Dom, 24/04/2022 - 22:35

CELEBRAMOS O DÍA MUNDIAL DO LIBRO

CON ANXO GONZÁLEZ GUERRA, O AVÓ DE ALDÁN!!!

E como colofón a un día do máis intenso, tivemos a fortuna de gozar da sabedoría popular da nosa tradición oral da man de Anxo González Guerra.

Que delicia, poder escoitar dunha voz tan tenra e amable as historias antigamente se contaban nas casas a carón da lareira!!

Contounos tres fermosos contos nos que os seus personaxes vivían acontecementos da vida cotiá que transmitían con claridade importantes reflexións que perfectamente nos valen hoxe en día:

· O valor da independencia que nos dá a lectura, que nos permite buscar información cando o necesitemos.

· A importancia dicir a verdade cando se conta algo e non crear falsas noticias.

· O valor de cumprir a palabra dada, porque para relacionarnos con outras persoas é necesario que confíen en nós.

QUE SORTE, TER UN AVÓ QUE CONTA HISTORIAS TAN SABIAS, CON TANTA MESTRÍA E DELICADEZA QUE RESULTAN DOADAS DE COMPRENDER!!

QUE SORTE TEMOS!!!!

Ah!! Admais, agasallounos cunha tarxeta do “LUAR” (o programa da TVG dos venres pola noite) dedicada!!! E díxonos que o venres da semana que vén, cando vaia contar contos ao programa, vaille dicir a GALLOSO, o presentador, que envíe un saúdo para a rapazada do colexio da Pedra!!!

MOITAS GRAZAS, DE CORAZÓN,

FOI UN ENORME PRACER CELEBRAR ASÍ O DÍA MUNDIAL DO LIBRO!!

blogue de Macu Rodríguez

ATA SEMPRE, QUERIDA PROFE CRIS!!!

Enviado por Macu Rodríguez o Dom, 24/04/2022 - 21:22

ATE SEMPRE, QUERIDA PROFE CRIS!!!

Este venres foi un día de emocións moi intensas!!!

Antes do recreo, fixémoslle unha pequena homenaxe á nosa queridísima profe Cris; que durante case seis meses nos acompañou no día a día, axudándonos, escoitándonos, ensinándonos e xogando con nós con toda a dozura do mundo!!!

Ten que deixarnos porque, rematado o seu período de prácticas escolares, debe regresar ás súas tarefas de fin de carreira na Facultade de Ciencias da Educación.

Non temos palabras para agradecerche os meses compartidos contigo. Deixamos aquí a nosa pequena homenaxe en forma de imaxes e desexamos volver coincidir moi pronto contigo. As portas desta, que tamén foi a escola da túa infancia, agardarante sempre abertas de para en par!!!!

Premede na última foto para ver o vídeo!!!

LEVAS CONTIGO OS NOSO CORAZÓNS!!!

MOITAS GRAZAS, PROFE CRIS!!!

QUERÉMOSTE MOITO!!!

blogue de Macu Rodríguez

AXUDAMOS A PILABOT A COIDAR O PLANETA RECOLLENDO PILAS USADAS!!!!

Enviado por Macu Rodríguez o Lun, 04/04/2022 - 00:00

AXUDAMOS A PILABOT A COIDAR O PLANETA

RECOLLENDO PILAS USADAS!!!!

Desde o 9 de febreiro ata finais de marzo, colaboramos con PILABOT na súa campaña de coidado medioambiental.

Tratábase de traer da casa pilas usadas porque contaminan moitísimo e deben tirarse nun contedor especial.

Pouco a pouco, todxs fomos traendo; tamén a profe Cris!!!

Foi moi emocionante!! Colaborarmos todas as clases e chegamos a encher varios bidóns!!! A ver se hai sorte e gañamos o concurso por ser o cole que máis pilas recuperou!!! E se non gañamos, tanto ten, sentirémonos igualmente orgullosxs por poñer o noso granciño de area para coidar o noso planeta!!!

blogue de Macu Rodríguez

COÑECEMOS A MARTIÑO, O CORVO MARIÑO E O PARQUE NACIONAL DAS ILLAS ATLÁNTICAS

Enviado por Macu Rodríguez o Sáb, 26/03/2022 - 01:00

COÑECEMOS A MARTIÑO, O CORVO MARIÑO,

E A SÚA CASA, O PARQUE NACIONAL DAS ILLAS ATLÁNTICAS

Este mércores recibimos unha visita interesantísima!! Veu Ana, unha bióloga do Parque Nacional das Illas Atlánticas para presentarnos a Martiño e contarnos a súa historia!!

Ademais, tamén fixemos varios xogos e puidemos aprender unha morea de cousas que non sabiamos!!!

MARTIÑO É UN CORVO MARIÑO, denomínase así porque no mar atopa o seu alimento e na auga pasa voa parte do seu tempo. Cando lle apetece pousarse na terra faino, sobre todo nas rochas dos cantís.

O seu fogar teno nos acantilados do Parque Nacional das Illas Atlánticas, que está formado por varias illas; exactamente, o arquipélagosdas Illas Cíes, o arquipélago das Illas Ons e a Illa de Sálvora.

Alí viven tamén, xs amigxs de Martiño, outras especies animais e vexetais, que é necesario coidar.

Ana e mais xs sxs compañeirxs encárganse da súa protección e de informar a todas as persoas que visitan as Illas do importante que é que respecten o hábitat destes seres vivos.

MOITAS GRAZAS, ANA!!! ENCANTOUNOS APRENDER CONTIGO!!!

blogue de Macu Rodríguez

PINTAMOS CON ESTEBAN ACUÑA, DE TARABELOS, O MURAL DE "VIDAL, O SEN VENTURA".

Enviado por Macu Rodríguez o Dom, 20/03/2022 - 14:40

PINTAMOS CON ESTEBAN ACUÑA, DE TARABELOS,

O MURAL DE “VIDAL O SEN VENTURA”

E, como xa imaxinabamos que había suceder,

FOI UNHA EXPERIENCIA INESQUECIBLE!!!!

Lembrades que o 23 de febreiro celebramos o Día de Rosalía e Esteban Acuña, veunos contar a historia de Vidal, O sen ventura”, montado nun monociclo?

O luns, día 7, tivemos a sorte de sermos xs primeirxs en pintar a parte que nos correspondía!! Mirade que ben o pasamos!!!!

E que sorte tivemos!!!!, porque logo, choveu varios días seguidos e a rapazada das outras clases, tivo que agardar a que mellorase o tempo.

Pero pagou a pena a espera, porque o resultado final foi espectacular!!!!

MOITAS GRAZAS, ESTEBAN!!!! QUEDOU PRECIOSO!!!!

ENCANTOUNOS PARTICIPAR!!!

blogue de Macu Rodríguez

AS PERSOAS SOMOS DIVERSAS

Enviado por Macu Rodríguez o Dom, 06/03/2022 - 23:25

AS PERSOAS SOMOS DIVERSAS;

POR ISO, OS NOSOS SENTIMENTOS TAMÉN O SON.

Rematamos o mes de febreiro con grandes acontecementos como a celebración do Entroido e as homenaxes a Rosalía de Castro.

Pero estas non foron as únicas actividades importantes nas que participamos.

A profe Cris preparou para nós un proxecto sobre DIVERSIDADE SEXOXENÉRICAmoi interesante co que aprendemos algo moi importante que pensabamos que xa sabiamos: AS PERSOAS SOMOS DIFERENTES E TODAS TEMOS O MESMO DEREITO A SER FELICES.

Do mesmo xeito que unhas somos morenas, outras loiras; unhas altas, outras baixas, unhas tímidas e outras extravertidas; tamén son distintos os nosos gustos e os nosos sentimentos. E TODOS SON IGUAL DE RESPECTABLES!!

Aprendemos que hai persoas que non se senten identificadas co xénero que lles atribuíron cando naceron (son as persoas transxénero); hai outras que non se senten identificadas con nigún sexo, nin masculino nin feminino.

Ademais das distintas identidades de xénero, tamén aprendemos que hai distintas formas de namorarse.

Hai persoas que se namoran doutra do xénero contrario (son mulleres e homes heterosexuais), persoas que se namoran doutras do seu mesmo xénero (son homes homosexuais e mulleres lesbianas) e tamén as hai que se poden namorar de persoas dos dous xéneros (son bisexuais).

Por esta razón, sabemos que hai familias que teñen dúas mamás, dous papás ou unha mamá e un papá. E TODAS TEÑEN O MESMO DEREITO A QUERERSE E A SER FELICES!!

Para desenvolver este proxecto, a profe Cris empregou varias sesións ao longo de todo o mes. Púxonos unha presentación con diapositivas no taboleiro dixital, fixemos xogos, vimos unha curtametraxe e escribimos e debuxamos para compoñer as páxinas dun libro.