Convocadas axudas para alumnado con necesidade específica de apoio educativo para o curso 2022/2023

 Dirixido a alumnado con necesidade específica derivada de:

- Discapacidade

- Trastorno grave de conduta ou da comunicación e da linguaxe

- Trastorno de espectro autista

- Altas capacidades

As solicitudes deben ser cubertas electrónicamente, asinadas, e entregadas no centro educativo. Na páxina web do Departamento de orientación atoparán toda a información necesaria para a tramitación destas axudas.

ENLACE AO DEPARTAMENTO DE ORIENTACIÓN

PRAZO DE PRESENTACIÓN: 19 de MAIO - 30 de SETEMBRO de 2022

Dende FOANPAS e promovido pola nosa ANPA, Miudiño S. Coop. Galega, que leva anos percorrendo Galicia axudando e guiando ás comunidades educativas na transformación dos seus espazos escolares, estivo no noso cole xa que toda a comunidade, educativa estamos interesados en darlle unha volta aos nosos patios. 

Con esta sesión, comezamos con unha serie de formacións encamiñadas ás novas pedagoxías e a acadar comunidades educativas inclusivas e cohexionadas.
Esta primeira formación foi encamiñada a vivir e pensar os patios das escolas como lugares de aprendizaxe e disfrute. Vimos que a necesidade urxente de intervir nos patios, como podemos facelo e cal é o camiño con maior probabilidade de éxito, ademais de resolver as dúbidas e preocupacións que con máis frecuencia aparecen. 
A idea é o comezo, e aparecen as gañas, a ilusión, as tormentas de ideas e as dúbidas e os conflitos. Agora temos que empezar a reflexionar sobre: ¿Que queremos?¿Ata onde podemos? ¿Como organizamos espazos? ¿que poñemos?. CONTINUARÁ.

O venres 13 de Maio celebramos o día das Letras Galegas. 

Este ano dedicouse o poeta ourensán Florencio Delgado Gurriarán. Coñecemos a súa biografía xogando todo o centro o rosco do "Pasapalabra".

Celebramos o esperado mercadiño de libros usados, cun grande éxito de participación e de aportacións. Nesta edición, grazas a todo o recadado coa venda de libros e a doazón do centro, conseguimos ao redor de 650€ que serán ingresados na fundación ACNUR para a axuda aos refuxiados do conflito de Ucrania.

Ademais fixemos distintas actividades que vos mostramos neste vídeo. 

Esta maravillosa experiencia contou con dous aliados de altura: por un lado, o barco oceanográfico Nautilus, e, polo outro, o robot subacuático “Nemo”. 

O Nautilus, unha aula flotante equipada con equipos de alta tecnoloxía para a investigación do medio mariño, foi o mellor lugar para descubrir a riqueza que esconde a ría de Vigo e o impacto que ten a produtividade das súas augas na economía local. Un percorrido de aproximadamente 90 minutos no que o alumnado puido descubrir detalles sobre a riqueza da auga, a dinámica do plancto e o cultivo do mexillón,ou a fauna que habita no fondo do ecosistema.

Tamén puideron visualizar un mundo oculto ao ollo humano, o mundo da vida microscópica mariña, que habita nas augas máis produtivas do mundo.Neste senso e grazas a súa cámara en calidade 4 k, o robot subacuático “Nemo” transformouse no mellor compañeiro para coñecer en directo algunha dás especies máis escurridizas que se esconden baixo as nosas augas. Os alumnos tiveron a oportunidade de ver no seu medio natural, este ecosistema cheo de vida que sen dúbida lles sorprendeu e lles gustou moitísimo.