Os alumnos e alumnas do 1º Ciclo de Primaria estivemos en VigoZoo. Durante a visita observamos moitos animais diferentes, e puidemos coñecer algunhas cousiñas moi interesantes sobre a súa forma de vida.

^{Ver Galería de imaxes}

Os tres cursos de E. Infantil visitaron recentemente a granxa Apípolis onde pasaron un día estupendo e tiveron a oportunidade de achegarse moi de cerca ao mundo das abellas.

                          Máis información:

Ver álbum de fotos

O curso de E. Infantil 4 anos participou na búsqueda do tesouro que os piratas tiñan escondido nalgún lugar do colexio. Seguiron as instrucións do plano e finalmente atopárono. Noraboa rapaces!

Cliqueade na imaxe que está debaixo para acceder o blogue.

A visita a este xacemento adicado a produción de sal en gran escala polo método de evaporación permitiunos descubrir a importancia que tiña o Vigo romano nos primeiros séculos d.C.

A súa extraordinaria conservación axudounos a comprender moi ben  o funcionamento da industria do sal na época romana así como a coñecer a paisaxe existente na zona hai dous mil anos.

Fotos

 O curso 3º de E. Primaria visitou a exposición Salinae en Vigo.

Coñeceron diversos aspectos relacionados coa obtención do sal  e os seus usos na época dos romanos. A visita resultou moi entretida e rematou coa proba de varios tipos de sales procedentes de distintos sitios do mundo.

                  Máis información:

VISITA AO CASTRO

Como en anos anteriores e, dentro da campaña de educación vial do Concello, o alumnado de 6º de Primaria participou nunha actividade no circuito de bicicletas do parque de O Castro.

Asesorados pola policía local, asistiron primeiro a unha actividade teórica e, despois, puxeron en práctica o aprendido. Polos seus comentarios, disfrutaron moito e aprenderon normas que descoñecían sobre a circulación en bicicleta.

Os alumnos do segundo ciclo participaron nunha visita didáctica a Biblioteca Municipal de Vigo na que descubriron a súa historia e tomaron contacto co funcionamento básico da mesma. Quedaron todos invitados a facerse socios da mesma.

Seguindo a convocatoria da Biblioteca do centro e coincidindo co inicio da primavera, puxémonos poéticos no colexio e celabramos a Semana da Poesía, adicada a Rosalía de Castro no 175 aniversario do seu nacemento.

Todos os cursos prepararon a súa  visión particular dos poemas de Rosalía: recitados, cancións, murais, vídeos, representacións...

O mércores, xoves e venres celebráronse as actuacións dos distintos cursos para dar a coñecer aos demais as súas realizacións.

Información sobre Rosalía de Castro

Máis información no blogue da Meiga Tuntureira

O venres 2 de marzo visitáronnos os nenos e nenas de 2 anos da Escola Infantil Lúa como xa ven sendo habitual desde hai algúns anos.

Coñeceron o noso colexio e participaron en varias actvidades que lles prepararon especialmente: cancións, bailes e teatriño de monicreques feito por un grupo de 5º de Primaria. Despois merendaron chocolate con biscoitos e finalmente xogaron no areeiro cos nenos e nenas de Infantil do noso colexio.

Esperamos que lles gustase a visita  e que o vindeiro ano volvan máis. Máis información:

   Blogue da Meiga Tintureira