Secretaría

 Comunicámoslles que a partir do día 1 de marzo o noso centro educativo vai pasar a utilizar unha nova ferramenta para os comunicados entre o centro e a familia. A aplicación actual TOKAPP estará en funcionamento ata ese mesmo día, a partir desa data pasará a estar inoperativa.

As familias poderán descargar nos seus dispositivos electrónicos, móbiles ou tablets,  a aplicación que Consellería de Educación ten actualmente a disposición de toda a comunidade educativa ABALARMOBIL.

A descarga desta aplicación farase desde Apple store (se o sistema operativo é IOS) ou desde Google Play Store (se o sistema operativo é Android)

A aplicación ABALARMOBIL permitirá ás familias:

Consultar os avisos ou notificacións por parte do profesorado ou do centro educativo.

Consultar as cualificacións do alumno/a.

Consultar os datos do centro e do alumno/a.

Consultar as faltas de asistencia.

Manual para as familias

Este ano, debido a situación especial dada pola pandemia, o centro non vai levar a cabo as Xornadas de Portas Abertas que se veñen celebrando en anos anteriores.

Invitamos ás familias interesadas a que visualicen a seguinte presentación onde se dan a coñecer aspectos importantes relacionados co ámbito organizativo e pedagóxico do noso centro.

Así mesmo, lembrámoslles que poden poñerse en contacto co nós a través dos seguintes medios:

Teléfono: 886 120 271

Correo electrónico: ceip.apaz@edu.xunta.es

Por último informarlles que o período de matrícula para o alumnado novo abranguerá desde o 1 ata o 22 de marzo, a documentación a presentar será a seguinte:

. Anexo II: modelo ED550B

. Fotocopia do DNI ou do libro de familia.

Comunicámoslles que a Aula Virtual (AV) do noso centro xa está operativa e pasará a ser utilizada nos diferentes cursos de Educación Primaria segundo as seguintes indicacións.

Na AV o profesorado do centro publicará información, recursos e tarefas dirixidas ao seu alumnado.

O alumnado de 3º a 6º de Educación Primaria fará uso desta AV en todas as súas materias, o alumnado de 1º e 2º nas materias que lle sexan notificadas. O alumnado de infantil non fará uso da AV.

A AV utilizarase fundamentalmente no caso do peche do centro ou do peche dalgunha das súas aulas, situación que nos obrigaría a levar a cabo un ensino a distancia.  Independientemente desta situación, con certa frecuencia,  o profesorado poderá pedir ao seu alumnado que visite a AV e faga nela algunha tarefa, na procura de que este se familiarice coa súa contorna ou ben para que realice diferentes actividades de tipo dixital.

Para o acceso á AV as familias deberán dispor de conexión a internet e dun dispositivo electrónico, preferiblemente ordenador ou tablet, se non dispoñen de ningún dispositivo comuníquenllo á titora do seu fillo ou filla.

Durante os próximos días as titoras dos seus fill@s faranlles entrega dun usuario e contrasinal para poder acceder a esta AV, é  posible que a primeira vez que entren se vexan obrigados a cambiar este contrasinal, é moi importante que anoten nun lugar seguro este nome de usuario e contrasinal xa que recuperalo sería de grande dificultade.

No seguinte vídeo presentamos un breve resumo sobre o funcionamento da AV do Ceip A Paz.

Adxuntamos a LISTA DEFINITIVA DO FONDOLIBROS por curso.

Debido a lei de protección de datos debedes localizar aos  vosos fill@s pola inicial dos apelidos e nome, estas listaxes están ordeadas alfabeticamente por apelidos. Nestas listas aparecen especificados os libros das materias que lle foron concedidos a cada alumn@ . Se lle foron concedidos 6 libros non terán que mercar ningún agás o caderno de Lingua Inglesa.

LISTAS DEFINITIVAS 3º CURSO

LISTAS DEFINITIVAS 4º CURSO

LISTAS DEFINITIVAS 5º CURSO

LISTAS DEFINITIVAS 6º CURSO

Para calquera dúbida poden porse en contacto co centro a través do correo electrónico.

ceip.apaz@edu.xunta.es

 LIBROS DE TEXTO DE 3º A 6º DE PRIMARIA

Publicamos as LISTAS PROVISIONAIS do alumnado beneficiario das axudas do Fondo de Libros para o curso 2020/2021. Teñen un período de dous días para alegar reclamacións a esta listaxe provisional, para elo deberán poñerse en contacto co centro a través do correo electrónico ou por teléfono en horario de 10 a 14h.

A publicación destas listas está  dispoñible no taboleiro do centro.

Deberán ter en conta a seguinte información:

- O día 10 de xullo publicaranse as listas definitivas.

- Na listaxe provisional aparece só o número de libros que lle foron asignados a cada alumno, na listaxe definitiva aparecen especificados cales son eses libros. Se lle foron adxudicados 6 libros significa que lle foron concedidos todos, nese caso soamente deberá mercar o caderno de inglés, tal como aparece especificado na lista de libros de cada curso.

- Os libros de texto serán entregados ao alumnado beneficiario en setembro unha vez iniciadas as clases lectivas.

VALES PARA LIBROS (1º-2º) E MATERIAL (1º a 6º)

A entrega destes vales ás familias beneficiadas levarase a cabo os días 9 e 10 de xullo (xoves e venres) en horario de 10 a 14h. 

Correo electrónico: ceip.apaz@edu.xunta.es

Teléfono: 886120271

Informamos a todas ás familias que solicitaron praza para o vindeiro curso 20-21 no noso centro que están todas admitidas!!!!

 A Consellería de Educación ven de convocar as AXUDAS para  libros de texto e material escolar para o curso 2020/2021.

Lexislación:Orde do 12 maio de 2020 (DOG 19 de maio de 2020)

Beneficiarios: Alumnado de Educación Primaria e de Educación Secundaria.

Tipo de axuda:

Alumnado de 1º e 2º de E. Primaria: 

• Cheque de 50 euros para compra de material escolar (sempre e cando a renda per cápita familiar non supere os 6000 euros)
• Cheque de 140 ou 210 euros para compra de libros de texto (sempre e cando a renda percápita familiar non supere os 10.000 euros)

Alumnado de 3º a 6º de E. Primaria:

• Cheque de 50 euros para material escolar (sempre e cando a renda per cápita familiar non supere os 6000 euros)
• Participación no banco de libros do colexio. A aplicación da Consellería fará o reparto de exemplares por orden inversa á renda percápita da unidade familiar.
  

   

É imprescindible para acceder a esta axuda a devolución dos libros do curso anterior no prazo correspondente: 22-26 de xuño ( horario secretaría de 10:00 a 13:00).

Como solicitar:

- Telematicamente, preferiblemente, usando a Chave 365: Entrando na aplicación e completando os diferentes apartados. ENLACE

- Para a presentación no centro : Imprimindo e cubrindo o Anexo I e II e entregándoos xunto co resto da documentación no centro educativo, en horario de secretaría (de luns a venres de 10:00 a 13:00h)ANEXO I e ANEXO II

 O alumnado de 6º curso deberá entregar esta documentación no IES no que esté admitido para o próximo curso.

Documentación:

- Anexos I e II cubertos asinados polo pai,nai ou titor legal.

- Orixinal e Copia do libro de familia de todos os membros, ou documentación xustificativa de cambio de situación familiar.

- En caso de discapacidade ou minusvalía, certificación.

- En caso de separación ou divorcio, achegar sentenza xudicial e/ou convenio regulador onde conste a atribución da custodia do/da menor.

Prazo: Ata o día 19 de xuño.

.  INSTRUCIÓNS PARA A PRESENTACIÓN TELEMÁTICA