Benqueridas familias. Queremos agradecervos o apoio ás distintas iniciativas que estamos a desenvolver nestes momentos tan duros. Estamos empezando o novo camiño e xa vedes que non é moi doado. Queremos compartir  con vós as fotos que nos mandastes po vídeo de resistiré, porque  internet as veces xóganos malas pasadas e os correos non chegan. 
Estade moi atentos á páxina web porque seguiremos propoñendo actividades, e non vos esquezades do blog de Antolín, onde seguiremos propoñendo distintos retos. 

Moitas grazas a todos e todas pola vosa colaboración. #TODO VAI SAÍR BEN

O venres pasado colgamos o mural que fixemos con motivo do día da muller e queremos que tod@s o desfrutedes. 

Moitas grazas por todo Alejandro, desexámosche o mellor!

O venres festexamos o día da amizade no noso cole. Alumnado e profesorado recibiron postais onde os seus compañeiros e compañeiras lles mostraban o seu aprecio.

Moitas gracias pola vosa colaboración. Para nós foi unha alegría recibir esta mensaxe da Fundación Aladina.

Desde o Ceip Antonio Fernández López  rexeitamos a violencia, por iso sumámonos a loita contra a violencia de xénero elaborando un vídeo no que o alumnado interpreta a canción Que se acaben las lágrimas de Huecco. Todos xuntos loitamos  por un mundo violeta. Para ver o vídeo preme na imaxe.

Este ano tamén participamos en EQUALITER, un proxecto compartido por distintos colexios de Galicia que pretende ser unha "rede social" (rede de axuda, de apoio, de confianza...) para lembrarlles a todas as persoas quesofren violencia de xénero que non están soas. Preme na foto para ver o vídeo

Os nenos e nenas do Ceip Antonio Fernández López fixeron un lipdub da canción Vivir de Rozalen e Estopa  para conmemorar o 19 de Outubro, Día Internacional Do Cancro de Mama. Preme na imaxe para ver o vídeo.

Onte tivemos unha visita moi especial no Oural. Visitounos Raquel Queizás, unha contacontos patrocinada pola concellería de Cultura e Igualdade de Sarria na semana das letras e da lectura.

Fai unhas semanas, os nenos e nenas de Infantil e 1º de Primaria plantaron no horto leitugas, cebolas, fresas, tomates, pementos e outras verduras.