Música

Este curso, estamos traballando desde a biblioteca o mundo da música.

Decidimos empezar por coñecer un pouquiño aos grandes mestres da música clásica, e un deles  é, sen lugar a dúbidas, Ludwig Van Beethoven.

Aquí tedes un Lim sobre algúns aspectos da súa vida e a súa obra.

Xogade co Lim, coñecede un pouquiño mellor a Beethoven, e estade atentos/as ao blogue, porque a primeiros de febreiro haberá un concurso con grandes premios para os/as gañadores/as.

Para conmemorar o 17 de maio, DÍA DAS LETRAS GALEGAS, esta quincena imos escoitar unha peza composta polo músico galego Anxo Pintos, pero gravada polo grupo Berrogüetto no seu primeiro disco Navicularia (1996). Nela salienta a marabillosa mestura de varios instrumentos propios do folclore de Galicia con outros de sona mundial: piano, violín, baixo e batería con... gaita, zanfona e pandeiretas.

"Música sen letra que o di todo"

Esta semana estamos escoitando "A primavera" de Vivaldi.

Antonio Vivaldi foi un músico e compositor italiano do Barroco que escribiu un libro para violín e orquestra titulado "As catro estacións", no que describe diferentes épocas do ano a través de elementos da linguaxe musical. Integran esta grande obra (1725) os concertos: A Primavera, O verán, O Outono e o Inverno.