Segundo se recolle no Protocolo sobre Tratamento educativo do alumnado con trastorno do espectro do autismo (TEA) da Consellería, a metodoloxía TEACCH, pretende mellorar a vida do alumnado tanto dentro da escola como no entorno familiar, acadando un desenvolvemento e unha mellora da súa autonomía e relacións sociais.
Esta metodoloxía está baseada no ensino estruturado:
- Dotando de contexto real toda a xornada;
- Planificando e organizando os tempos e os espazos de traballo buscando a súa autonomía;
- Sistemas de traballo que secuencien a actividade a realizar, os pasos previos e os pasos posteriores;
- Organización visual clara, secuenciar con pictogramas ou palabras que guían cada actividade;
- Axendas que desenvolven rutinas para diminuir a ansiedade nos momentos de cambio.
