Benqueridas familias:

Para poder tramitar as axudas de libros de texto, material escolar e fondos libros é necesario facer previamente a devolución de libros  que pertencen ao fondo solidario correspondente aos cursos de 3º-4º-5º e 6º EP.

Por iso é moi importante que o día que tedes asinado para o trámite de ditas axudas traigades:

1. Os LIBROS DE TEXTO que teñades na casa que son do fondo solidario.
2. As MOCHILAS VIAXEIRAS da biblioteca.
3. Empréstitos de LIBROS DA BIBLIOTECA do colexio

Ao final estamos organizando para que  o mesmo día SÍ podades acceder ás aulas e   recoller o material das vosas fillas e fillos.

Unha vez máis agradecemos a vosa colaboración.

Saúdos

O Equipo Directivo

Prezadas familias:

Acaba de publicarse no DOG as axudas para libros e material escolar para o curso 2020-21 e acceso ao fondo solidario da Xunta.

O prazo para presentar as solicitudes –preferentemente por vía telemática, rematará o día 19 de xuño

(Para facelo presencialmente tedes que esperar a recibir as instrucións de como procederemos tendo en conta

o Protocolo de medidas de prevención na reapertura dos centros educativos.

En breve recibiredes información a través da web do colexio e de ABALARMÓBIL.

Por favor, agradecermos de momento NON acudir ao centro ata novo aviso. GRAZAS)

As  solicitudes poderán presentarse por vía electrónica (preferentemente) empregando a aplicación informática “fondolibros” (https://www.edu.xunta.es/fondolibros) a través da sede electrónica da Xunta de Galicia, https://sede.xunta.gal, ou ben presencialmente nos propios centros docentes, así como en calquera dos lugares e rexistros establecidos na normativa reguladora do procedemento administrativo.

Para máis información premer AQUÍ

Corrección de erros - Orde e instrucións fondolibros, axudas libros e axudas material escolar - 2020/2021

Na Orde do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/2021, que saíu publicada no Diario Oficial de Galicia o día 19 de maio de 2020, produciuse un erro, que aparece na páxina 20658:

O recadro da base impoñible xeral da declaración do imposto sobre a renda das persoas físicas do exercicio fiscal 2018 que figura publicado é o 432, cando o recadro correcto é o 435.

Vaise facer a oportuna corrección da orde no Diario Oficial de Galicia.