Skip to Content

Saídas

VISITA AO MUSEO DO MAR

Mar, 23/05/2023 - 16:32 — admin
23/05/2023 17:28
Europe/Madrid

Neste precioso día de primavera, o alumnado de educación infantil disfrutou dunha visita ao Museo do Mar e máis unha merenda e tempo de ocio na alameda de Bouzas. No museo, viron, tocaron e estiveron en contacto con seres vivos e inertes que espertaron o seu interese polo mundo mariño. Non o puideron pasar mellor!

                

TÍTERES 2023

Xov, 18/05/2023 - 00:00 — admin
23/05/2023 11:45
Europe/Madrid

XXIV Festival de títeres de Redondela

Hoxe o alumnado de infantil e do primeiro ciclo de primaria aproveitaron a viaxe en bus para merendar e xogar no parque de Redondela e despois ver a obra “Trapito viajero”.

Mergullámonos na historia de Mara, unha nena con moito apego cara o seu trapito. Éste viaxou por moitos lugares ata reencontrarse coa súa gran amiga. Toda a viaxe acompañada de música para gozar do espectáculo!!

 

 

PIRAGÜÍSMO

Mar, 16/05/2023 - 00:00 — admin
22/05/2023 13:02
Europe/Madrid

Dende o departamento de Educación física apostouse por achegar o piragüismo ao alumnado do cole da man do Club Piragüismo Olívico.

                                                  

Esta semana o alumnado de 3º e 4º de primaria tiveron a gran sorte de probar os kayaks e as piraguas. Ata Bouzas fomos, con moitas ganas, pero tamén con un pouco de medo.
Chalecos salvavidas postos, pois a seguridade é o primeiro, alá fomos montar nos kayaks e nas piraguas. Para que todo salise ben, precisabamos da coordinación e do equilibrio que tanto traballamos en EF. Ás veces rematamos na auga, pero un chapuzón non nos botou para atrás e volvemos probar!
 
            

O resultado foi espectacular. Todos e todas conseguiron montar e remar 
Grazas infinitas a Jose e a Miguel. Primeiramente por facer posible esta saída e achegarnos este deporte tan chulo. Tamén por guiarnos e acompañarnos en todo momento. E, por suposto, por rescatarnos cando o necesitamos!!

ESPALLAR TINTA

Mér, 29/03/2023 - 00:00 — admin
13/04/2023 08:53
Europe/Madrid

Os días 29 e 30 de marzo participamos no proxecto “Espallar tinta”. Un evento no que o alumnado puido expor as súas producións escritas como verdadeiros autores e autoras.
Unirnos ao proxecto resultou do máis enriquecedor. Tódolos cursos do cole redactaron e ilustraron gran cantidade de textos escritos: contos, poesías, entrevistas, diarios e moito máis!
As nosas elaboracións luciron moi ben nos nosos stands, decorados con pratos artesanais Masterceip ao estilo Sargadelos.
Mais aproveitamos a oportunidade de poder asistir a esta feira como os escritores e escritoras que somos que metémonos de cheo no papel e explicamos o noso proceso creativo ao público que se achegou ata as nosas casetas.

 
Grazas familias, amigos e amigas e compañeiros e compañeiras dos outros coles por vir a ler os nosos textos e escoitarnos con tanto cariño.
Grazas ao CEIP plurilingüe de Cedeira pola organización e invitación.

WATERPOLO

Ven, 20/01/2023 - 09:28 — admin
20/01/2023 09:24
Europe/Madrid

Unha gran xornada de waterpolo na piscina

O alumando de 6° non lle ten medo á choiva, nin ao frío, nin moito menos ao reto que lles propuxemos: iniciarnos no waterpolo.

Pasamos unha mañá moi divertida xunto cos nosos compis do resto dos coles de Chapela (Igrexa-Chapela e Laredo) así como os monitores que nos guiaron e convidaron a esta fantástica experiencia!

Nos vos perdades o seguinte video!

 

CIRCO DE NADAL

Lun, 12/12/2022 - 09:07 — admin
12/12/2022 09:05
Europe/Madrid

Hoxe foi un día moi especial. O cole trasladouse ó Circo do Nadal. Decembro é un mes moi especial, cheo de maxia e ilusión. Esta época do ano ten un brillo especial e hoxe mergullámonos un pouquiño máis nela

Dende os máis pequenos de infantil ata os máis maiores de primaria, todos gozamos dun espectáculo máxico

Una historia que amosaba como con creatividade podemos atopar solucións ós contratempos e problemas. Así disque naceu a receita do Roscón de Reis

Dende acróbatas a malabaristas, foi unha xornada na que non faltaron as gargalladas nin as caras abraiadas.

TEATRO AFUNDACIÓN VIGO

Xov, 17/11/2022 - 09:06 — admin
17/11/2022 09:00
Europe/Madrid

O alumnado de eduación infantil e primeiro ciclo de primaria tivo a sorte de poder desfrutar dun marabilloso espectáculo titulado

"A aventura de aburrirse" no Teatro Afundación de Vigo.

Rita é unha nena que a pesar de ter moitos xoguetes, sempre anda aburrida e non sabe xogar soa. Un día na casa da súa avoa, cun simple

parruliño de goma, comeza unha aventura que a levará a viaxar coa imaxinación ao mundo das cores, descubrindo personaxes

sorprendentes…a experiencia foi...SIMPLEMENTE XENIAL!! 

 

CASA-MUSEO ROSALÍA DE CASTRO

Xov, 13/10/2022 - 23:00 — admin
14/10/2022 21:44
Europe/Madrid

O pasado xoves, 13 de outubro, o alumnado de 3º, 4º, 5º e 6º de primaria visitamos a vila de Padrón, onde se atopa a Casa-Museo de Rosalía de Castro.

Descubrimos a historia da súa vida e familia, e tamén profundizamos na súa obra. Un exemplo de escritora que defendeu a nosa lingua e cultura.

Aproveitamos o tempo e descubrimos tamén o xardín botánico. Encantounos pasear e merendar baixo esas árbores tan grandes e tan ben coidadas.

Ademais, estas saídas son esenciais para a convivencia e cohesión dos grupos.

VISITA AO MUSEO PROVINCIAL DE PONTEVEDRA

Mar, 03/05/2022 - 12:12 — admin
03/05/2022 13:09
Europe/Madrid

O alumnado de 3º e 4º de Educación Primaria viaxou no tempo para coñecer o tesouro agochado

nas salas de Arqueoloxía do Museo Provincial de Pontevedra.

 

 
Distribuir contido


by Dr. Radut